சாஸ்த்ராவின் ராமானுஜன் விருதுக்கு இருவர் தேர்வு

-
தஞ்சாவூர் சாஸ்த்ரா பல்கலைக்கழகத்தின்
2016-ஆம் ஆண்டுக்கான ராமானுஜன் விருதுக்கு பின்லாந்தைச்
சேர்ந்த கைசா மாடோமகி, கனடாவைச் சேர்ந்த மாக்சிம்ரட்சில்
ஆகியோர் தேர்வு செய்யப்பட்டுள்ளனர்.

இதுகுறித்து சாஸ்த்ரா பல்கலைக்கழக நிர்வாகம் புதன்கிழமை
வெளியிட்ட செய்திக் குறிப்பு:

சாஸ்த்ரா பல்கலைக்கழகத்தின் 2016-ஆம் ஆண்டுக்குரிய
ராமானுஜன் விருது இருவருக்குப் பகிர்ந்தளிக்கப்படுகிறது.
பின்லாந்தைச் சேர்ந்த துர்க்கு பல்கலைக்கழக முனைவர்
கைசா மாடோமகியும், கனடாவைச் சேர்ந்த முனைவர்
மாக்சிம்ரட்சிலும் பரிசுக்குரியவர்கள்.

மாக்சிம்ரட்சில் கனடாவின் மெக்கில் பல்கலைக்கழகத்தையும்,
அமெரிக்காவில் உள்ள ரட்கர் பல்கலைக்கழகத்தையும் சேர்ந்தவர்.

அண்மைக்காலமாக இருவரும் இணைந்து ஆற்றிய பணி கணித
சமூகத்தையே பிரமிக்க வைக்கிறது. குறுகிய இடைவெளிகளில்
பன்முகச் செயல்பாடுகள் குறித்த அவர்களுடைய ஆய்வு
கணிதவியலாளர்களை வியப்பில் ஆழ்த்துகிறது. ரீமேன்
கருதுகோளை மனதில் கொண்டு நோக்கும்போது அதற்கும் அப்பால்
சென்று விளக்கத்தை எளிமைப்படுத்தினர்.

சிக்கலான கேள்விகளுக்கெல்லாம் தீர்வு சொல்லும் வகையில்
அவர்களுடைய ஆய்வு அமைகிறது. எர்டாஸ் வேறுபாடு, சவ்லாவின்
இணைப்பு போன்ற கடுமையான வினாக்களுக்கு விடைதேடும்
வகையில் இவர்களுடைய விளக்கம் அமைகிறது. இவற்றுக்கெல்லாம்
பதில் என்பது குதிரைக்கொம்பாக இருந்து வந்தது.

அதை மாற்றி, சிக்கல்களுக்குத் தெளிந்த நீரைப்போல் தீர்வு, மனம்
கொள்ளும் வகையில் அமைந்துள்ளது.

சாஸ்த்ரா ராமானுஜன் விருது 2005-ஆம் ஆண்டு முதல்
கணிதமேதை ராமானுஜன் ஈடுபட்ட துறையில் ஆர்வம் காட்டும்
இளம் கணிதவியல் அறிஞர்களுக்கு வழங்கப்படுகிறது. எண்ணியல்
கோட்பாடு பற்றிய பன்னாட்டுக் கருத்தரங்கின்போதுதான் இந்தப்
பரிசு வழங்கப்படும்.

சாஸ்த்ரா பல்கலைக்கழகம் இந்தக் கருத்தரங்கத்தை
கும்பகோணத்திலுள்ள சீனிவாச ராமானுஜன் மையத்தில்
டிசம்பர் 21, 22 ஆகிய தேதிகளில் நடத்துகிறது.

இவ்வூர் ராமானுஜத்தின் சொந்த ஊர் என்பது குறிப்பிடத்தக்கது.
முனைவர்கள் மாடோமகியும் ரட்ஸ்வில்லும் பத்தாயிரம் அமெரிக்க
டாலர் பரிசுத் தொகையைத் தங்களுக்குள் சமமாகப் பகிர்ந்து
கொள்வர்.
–
————————————–
தினமணி

பின்லாந்தைச்
சேர்ந்த கைசா மாடோமகி, கனடாவைச் சேர்ந்த மாக்சிம்ரட்சில்
ஆகியோர் தேர்வு செய்யப்பட்டுள்ளனர்.

வாழ்த்துகள் மேதைகளே

ரமணியன்