அப்படிப்போடு – ஒரு பக்க கதை

**ayyasamy ram** · **ayyasamy ram** Wed 12 Oct 2016 - 22:09

–
இந்த மனுசனுக்கு இதே வேலையப்போச்சு! எப்ப பாரு!
ஏதாவது குத்தம் சொல்லி திட்டிக்கிட்டே இருக்க வேண்டியது!_
அம்மாவிடம் கடிந்து கொண்டாள் கீதா
–
அதுக்காக, நீ இப்படி, வீட்டுக்கு கிளம்பி வர்றது நல்லாவா
இருக்கு? நாளைக்கு பையனுக்கு எக்ஸாம்னு வேற சொல்ற!
அம்மா கவலைப்பட்டாள்.
–
அதுதான் வந்துட்டேன், அவரே கவனிச்சு அனுப்பட்டும்!
அப்போதான் தெரியும் அருமை!
வார்த்தைகளில் கோபத் தெறித்தது.
–
மதியம்,
பலகாரம் செய்யணும்! இருந்துட்டுபோயேன்! என்று கேட்ட
அம்மாவை மறுத்துவிட்டு கிளம்பிய வேலைக்காரியிடம்,
அதான் சொல்றாங்கல்லல! இருதுட்டுப் போக
வேண்டியதுதானே? என்றாள் கீதா!
–
இல்லம்மா! பையனுக்கு நாளைக்கு பரீட்சை இருக்கு!
–
அதுக்கு, நீ போய் சொல்லித் தரப்போறியா? என்றாள்
நக்கலாக!
–
இல்லேம்மா! எனக்கு அதெல்லாம் தெரியாது! ஆனா அவன்
கூட இருந்தா அவனுக்கு ஒரு பலம்!
அவனுக்கு தேவையானதை செஞ்சு கொடுப்பேன்!
அவன் அப்பன் குடிச்சுட்டு வந்து இவனை படிக்க விடாம
வேலை கொடுக்கும், அதையும் சமாளிக்கணும்!
குழந்தைகள் படிப்புதானே முக்கியம்!
என்று ஒரு சோகப்புன்னகையில் முடித்துகொ கொண்டு
கிளம்ப, அசந்து போன கீதா, அன்று சாயந்திரமே
சொல்லாமல் கொள்ளாமல் கிளம்பினாள் தன் வீட்டுக்கு!
–
—————————
கி.ரவிக்குமார்
குமுதம்

Ramalingam K · Ramalingam K Thu 13 Oct 2016 - 18:57

ayyasamy ram wrote:–

இல்லேம்மா! எனக்கு அதெல்லாம் தெரியாது! ஆனா அவன்
கூட இருந்தா அவனுக்கு ஒரு பலம்!

–
—————————
கி.ரவிக்குமார்
குமுதம்

மேற்கோள் செய்த பதிவு: 1224234

மேலதிகாரிகளைக் கைகால் (காக்காய்) பிடித்துக் கொண்டு அவர்களும் அலுவலகமுமே கதி என்று கிடக்கும் அப்பாக்களுக்கும் சேர்த்தே இந்த வேலைக்காரி பாடம் கற்பிக்கிறாள்