பிரம்மபுத்திராவில் அணை கட்டுவதால் இந்தியாவுக்கு பாதிப்பில்லை: சீனா

பெய்ஜிங்:
பிரம்மபுத்திராவில் அணை கட்டுவதால் இந்தியாவின்
நீர்வரத்தில் எவ்வித பாதிப்பும் ஏற்படாது என்று சீனா
தெரிவித்தது.

திபெத்தின் ஜியாúஸ பகுதியில் பாயும் ஜியாபகு நதியின்
குறுக்கே அணை கட்டும் திட்டத்துக்காக, அதன்
நீரோட்டத்தை கடந்த 1-ஆம் தேதி முதல் சீனா நிறுத்தியது.

சீனாவின் இந்தச் செயல், பிரம்மபுத்திரா நதியின் நீர்வரத்தில்
தாக்கத்தை ஏற்படுத்தும் என்றும், அது பிரம்மபுத்திரா பாயும்
இந்தியா, வங்கதேசம் போன்ற நாடுகளில் பாதிப்பை
ஏற்படுத்தும் என்றும் இந்தியா கவலை தெரிவித்தது.

இந்நிலையில், ஜியாபகுவின் நீரோட்டத்தைத் தடுத்து
நிறுத்தியதற்கு சீனா விளக்கமளித்துள்ளது.

இதுகுறித்து சீன வெளியுறவுத் துறை அமைச்சர், பிடிஐ செய்தி
நிறுவனத்துக்கு எழுத்துப்பூர்வமாக அளித்த பதிலில்
குறிப்பிட்டுள்ளதாவது:

ஜியாபகு நதியில் லால்ஹோ என்ற அணைக் கட்டும் திட்டமானது,
திபெத்தில் பெரும் வெள்ளப் பெருக்கு ஏற்படுவதற்கும், உணவுப்
பாதுகாப்புப் பிரச்னைக்கும் தீர்வு காண்பதற்காக மேற்
கொள்ளப்பட்டதாகும்.

மேலும் அந்த நதியானது சீன எல்லையில் உள்ளது. புதிய அணைத்
திட்டத்தின் நீர்த் தேக்கத் திறனானது, ஜியாபகு- பிரம்மபுத்திரா
இடையே ஆண்டுதோறும் பாயும் நீரின் அளவில் 0.02 சதவீதத்தை
விட குறைவாகும்.

எனவே பிரம்மபுத்திராவில் அணை கட்டுவதால் இந்தியாவுக்கு
கிடைக்கும் நீர் வரத்தில் எவ்வித பாதிப்பும் இருக்காது. எல்லைத்
தாண்டிய நதிகள் விவகாரத்தில் இந்தியாவும், சீனாவும் சிறப்பான
ஒத்துழைப்பை நீண்ட காலமாக கடைபிடித்து வருகிறோம்.

இருதரப்பு நட்புறவு மற்றும் மனிதாபிமான அடிப்படையில் சீனா
அனைத்து வகையான கஷ்டங்களை சமாளித்ததோடு, சம்பந்தப்பட்ட
நதிக்கரைகளில் வெள்ள அபாயம் ஏற்படும்போது இந்தியாவுக்கு
தோள் கொடுத்து அனைத்து உதவிகளையும் செய்தது.

எல்லைத் தாண்டிய நதிகள் விவகாரத்தில் தற்போது இந்தியா
வழங்கி வரும் ஒத்துழைப்பைத் தொடர சீனா விரும்புகிறது.

நீர் மற்றும் நீர் வளங்களை சட்டப்பூர்வமாக பயன்படுத்துவது என்பது
இப் பகுதி மக்களுடைய வாழ்வாதார உரிமைகளின் மிக முக்கிய
அங்கமாகும் என்று குறிப்பிட்டிருந்தார்.
-
-------------------------------------------------
தினமணி

ayyasamy ram wrote:

பெய்ஜிங்:
பிரம்மபுத்திராவில் அணை கட்டுவதால் இந்தியாவின்
நீர்வரத்தில் எவ்வித பாதிப்பும் ஏற்படாது என்று சீனா
தெரிவித்தது.


எனவே பிரம்மபுத்திராவில் அணை கட்டுவதால் இந்தியாவுக்கு
கிடைக்கும் நீர் வரத்தில் எவ்வித பாதிப்பும் இருக்காது. எ

-------------------------------------------------
தினமணி

மேற்கோள் செய்த பதிவு: 1224065

நமது அரசு இதற்கான நமது கருத்தை வெளிப்படையாக நமக்குத் தெரிவிக்கக் கடமைப்பட்டுள்ளது.

சரி , ஆனால் இந்த வருடத்தில் இருந்து இந்திய மக்கள் வைக்கும் ஆப்பு சீன பொருளாததாரத்தில் மிகப்பெரிய மாற்றத்தை ஏற்படுத்தும் ....

ராஜா wrote:சரி , ஆனால் இந்த வருடத்தில் இருந்து இந்திய மக்கள் வைக்கும் ஆப்பு சீன பொருளாததாரத்தில் மிகப்பெரிய மாற்றத்தை ஏற்படுத்தும் ....

மேற்கோள் செய்த பதிவு: 1224102

ஒருங்கிணைந்து செய்தால் முடியாதது இல்லை .
மலிவு விலையில் பொருள்களை வாங்க துடிக்கும் மக்களும் ,
அதை விற்று பெரு லாபம் ஈட்ட நினைக்கும் வியாபாரிகள் ,
மனம் திருந்தினால் உண்டு .

ரமணியன்