சி.சி.டி.வி. கேமராவில் எடுக்கப்பட்ட குறும்படம்!

**ayyasamy ram** · **ayyasamy ram** Sun 9 Oct 2016 - 15:20

-
எழுத்தாளர் ராஜேஷ்குமார் ஓர் எழுத்தாளராகவே நடித்திருக்கும் குறும்படம் "செல்வம் பூனை'. ""முழுக்க முழுக்க சி.சி.டி.வி. கேமராவைக்கொண்டு எடுக்கப்பட்ட முதல் குறும்படம் இது'' என்று கூறிய இயக்குநர் பா.அய்யனார், மேலும் கூறியதாவது...

"நான் இதுவரை செல்போன் கேமரா, வெப் கேமரா, பென் கேமரா, ஹெலிகாப்டர் கேமரா என 15 விதமான கேமராக்களில் 17 குறும்படங்கள் எடுத்திருக்கிறேன். அதனால், இம்முறை இன்னும் வித்தியாசமாக சி.சி.டி.வி. கேமராவில் படம் பிடிக்கலாம் என்று தோன்றியது. ஒரே இடத்தில் பதிக்கப்பட்ட சி.சி.டி.வி. கேமராவில் பதிவாகும் பிம்பத்தை மானிட்டர் திரையில் உடனே பார்க்க முடியும். ஆனால், ஹேண்டிகேம் போன்று கையில் பிடித்து படமாக்கும்போது, சி.சி.டி.வி. கேமராவில் பிம்பம் பதிவாவதை நாம் உடனே பார்க்க முடியாது. நாம் ஒன்றை நினைத்து கேமராவைத் திருப்பினால் அது வேறு ஒரு திசையைப் படம்பிடித்துவிடும். இதுதான் மிகப்பெரிய சவால். காலைமுதல் மாலைவரை படம்பிடித்ததை இரவில் போட்டுப் பார்ப்போம். சில காட்சிகள் நினைத்ததுபோன்று பதிவாகியிருக்காது. அதை மறுநாள் மீண்டும் எடுப்போம். இதனால் இக்குறும்படத்தை எடுத்து முடிக்க ஐந்து மாதங்கள் ஆனது. தயாரிப்பாளர் துர்கேஷ், ஒளிப்பதிவாளர் ராஜா, நடிகர் ஷேக் இவர்களின் அசாத்திய ஒத்துழைப்பினால் இது சாத்தியமானது.

செல்வம் என்ற இளைஞனுக்கும், ஒரு பூனைக்குமான ஆத்மார்த்தமான உறவைச் சித்தரிக்கும் கதைதான் இக்குறும்படத்தின் கதை. அந்தப் பூனைதான் செல்வத்தை ஓர் எழுத்தாளனாக மாற்றுகிறது. அதை ஃப்ளாஷ்பேக் உத்தியில் சொல்லியிருக்கிறோம்.

இதேபோல், சி.சி.டி.வி. கேமராவில் குறும்படம் எடுக்க விரும்பும் இளைஞர்களுக்கு சி.சி.டி.வி. கேமரா தொழில்நுட்பத்தை இலவசமாக கற்றுக்கொடுப்பதுதான் இப்போதைக்கு என் இலக்கு!'' என்றார்.

-ரவி
தினமணி

சி.சி.டி.வி. கேமராவில் எடுக்கப்பட்ட குறும்படம்!

சி.சி.டி.வி. கேமராவில் எடுக்கப்பட்ட குறும்படம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக