இந்திய-நேபாள தேர்தல் ஆணையர்களுக்குத் திருமணம்?

**ayyasamy ram** · **ayyasamy ram** Fri Oct 07, 2016 7:58 am

-
இந்திய முன்னாள் தலைமைத் தேர்தல் ஆணையர்
எஸ்.ஒய்.குரேஷியும் (69), நேபாளத்தின் தேர்தல்
ஆணையரான இலா சர்மாவுவும் (49) காதலித்து
வருவதாகவும், விரைவில் இருவரும் திருமணம் செய்து
கொள்ளவிருப்பதாகவும் தகவல்கள் தெரிவிக்கின்றன.

இதுதொடர்பாக முன்னணி ஆங்கில செய்தித்தாளில்
வியாழக்கிழமை வெளியான செய்தி:

மெக்ஸிகோவில் கடந்த ஆண்டு தேர்தல் தொடர்பாக
ஒரு மாநாடு நடைபெற்றது. அந்த மாநாட்டில்
இலா சர்மாவும், எஸ்.ஒய்.குரேஷியும் பங்கேற்றனர்.

அப்போது, இருவருக்கும் இடையே காதல் மலர்ந்ததாகக்
கூறப்படுகிறது.

இருவரும் ஏற்கெனவே திருமணம் ஆனவர்கள்.
குரேஷி தனது மனைவியை ஏற்கெனவே விவாகரத்து
செய்துவிட்டார். காவல்துறை அதிகாரியாக இருந்த
இலா சர்மாவின் கணவர் மாவோயிஸ்ட் தாக்குதலில்
உயிரிழந்து விட்டார்.

இவர்கள் திருமணம் செய்துகொள்ள இரு வீட்டாரும்
எதிர்ப்பு தெரிவித்து வருவதாகக் கூறப்படுகிறது.
சமூக வலைதளத்தில் சிறப்பாக இயங்கிவரும் குரேஷி,
இருவருக்கும் இடையே ஓர் உன்னதமான உறவு இருந்து
வருவதாகத் தெரிவித்திருக்கிறார்.

ஆனால், தங்களது காதல் குறித்தோ அல்லது திருமணம்
குறித்தோ அவர் எதுவும் தெரிவிக்கவில்லை என்று அந்தச்
செய்தியில் தெரிவிக்கப்பட்டுள்ளது.
-
----------------------------
தினமணி

**T.N.Balasubramanian** · **T.N.Balasubramanian** Fri Oct 07, 2016 11:57 am

இரகசிய தேர்வு முறை அல்ல போல் உள்ளதே , இந்த தேர்தல் ஆணைய அதிகாரிகளின் மறுமணம் .

ரமணியன்

இந்திய-நேபாள தேர்தல் ஆணையர்களுக்குத் திருமணம்?

இந்திய-நேபாள தேர்தல் ஆணையர்களுக்குத் திருமணம்?

Re: இந்திய-நேபாள தேர்தல் ஆணையர்களுக்குத் திருமணம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக