காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

**ayyasamy ram** · **ayyasamy ram** Sun Oct 02, 2016 7:23 am

பெங்களூர்:காவிரி வழக்கில் கர்நாடகத்துக்கு ஆஜர் ஆக மாட்டேன் என்று மூத்த வழக்கறிஞர் பாலி நாரிமன் அறிவித்துள்ளார்.87 வயதான மூத்த வழக்கறிஞர் பாலி . நாரிமன் ,கர்நாடக அரசின் சட்ட ஆலோசகராகவும், அரசு வழக்கறிஞராக பணியாற்றி வருகிறார். காவிரி நதிநீர் பங்கீடு வழக்கில் இவர் கர்நாடக அரசு சார்பில்உச்ச நீதிமன்றத்தில் ஆஜராகி வருகிறார்.

காவிரி வழக்கில் தொடர்ந்து உச்சநீதிமன்றத்திலிருந்து கர்நாடகத்துக்கு எதிரான உத்தரவுகள் வெளியானதால் நாரிமனை கண்டித்து அம்மாநிலத்தில் கன்னட அமைப்பினர் போராட்டங்கள் நடத்தினர். இவரது வாதம் எடுபடவில்லை என்று கர்நாடக எதிர்க்கட்சிகளும் குற்றம் சாட்டி வருகின்றனர்.இதனால் நாரிமன் வருத்தம் அடைந்தார். கர்நாடக முதல்வர் சித்தராமையா, முன்னாள் பிரதமர் தேவேகவுடா ஆகியோரை நேரில் சந்தித்து வழக்கில் பெற்ற தோல்விக்காக மன்னிப்பு கேட்டதாக தகவல் வெளியாகியுள்ளது.

இந்நிலையில் தொடர்ந்து உச்ச நீதிமன்ற உத்தரவுகளை கர்நாடகம் மதிக்காமல் இருப்பதால் நாரிமன் அதிருப்தி அடைந்துள்ளார். இனி கர்நாடக அரசு சார்பில் ஆஜர் ஆகப் போவதில்லை என்று முடிவு எடுத்துள்ளார். உச்ச நீதிமன்றத்தின் மூத்த வக்கீலாக இருந்தும் அதன் உத்தரவை அமல்படுத்தாத கர்நாடகாவுக்காக வாதாடினால் நீதிமன்றத்தின் கண்டனத்துக்கு ஆளாக நேரிடும் என்று கருதியே அவர் இந்த முடிவு எடுத்துள்ளார்.

தனது முடிவை உச்ச நீதிமன்றத்தில் தெரிவித்து இருப்பதுடன் கர்நாடக அரசின் சட்ட ஆலோசகர் பதவியை ராஜினாமா செய்யவும் முடிவு செய்துள்ளார். இது கர்நாடக அரசு வட்டாரத்தில் அதிர்ச்சியை ஏற்படுத்தியுள்ளது.

**T.N.Balasubramanian** · **T.N.Balasubramanian** Sun Oct 02, 2016 7:33 am

உச்ச நீதிமன்றம் , உண்மையிலேயே உச்ச நீதிமன்றம் என்று நிரூபிக்க வேண்டிய தருணம் வந்துள்ளது .
இப்போது தவற விட்டால் , இது மேலும் பலர் உச்ச நீதிமன்ற தீர்ப்புகளை புறக்கணித்து ,
அராஜகம் தலை விரித்தாட வழி வகுக்கும்.

விழித்திரு உச்ச நீதி மன்றமே !

ரமணியன்

**M.Jagadeesan** · **M.Jagadeesan** Sun Oct 02, 2016 7:51 am

மாரி பெய்தால் தண்ணீர் விடுவோம் !
...மற்ற நேரம் கண்ணீர் தருவோம் !
காரி துப்பினும் கவலை கொள்ளோம் !
...காவிரி ஆறு எமக்கே சொந்தம் !
நாரிமன் போன்றோர் விலகிப் போயினும்
...நாங்கள் கவலை கொள்ள மாட்டோம் !
யாரிடம் சென்று முறையிட் டாலும்
...எங்கள் பதில் " இல்லை " என்பதே !

**M.Jagadeesan** · **M.Jagadeesan** Sun Oct 02, 2016 8:31 am

காவிரி மேலாண்மை வாரியம் அமைக்க முயற்சிகள் நடப்பதாக செய்திகள் வருகின்றன.அதே சமயத்தில் சித்த ராமையா கூட்டும் அனைத்துக் கட்சி கூட்டத்தில் பா.ஜ. க . அமைச்சர்கள் கலந்து கொள்கிறார்கள் .

இப்போது புரிகிறதா !

பாலுக்கும் காவல் ; பூனைக்கும் தோழன் என்பதே

மோடிஜியின் ராஜதந்திரம் .

**T.N.Balasubramanian** · **T.N.Balasubramanian** Sun Oct 02, 2016 10:25 am

ஆட்சி கவிழ்ந்தால், அடுத்த தேர்தலில் கணிசமாக இடங்கள் பெற அல்லது ஆட்சி பெற ,
கர்நாடக மக்கள் நலனுக்காக பாடுபடுவதாக காண்பிக்க வேண்டிய தருணம் எல்லா கட்சிகளுக்கும்

இதுதான் அரசியல் .

ரமணியன்

Ramalingam K · Ramalingam K Sun Oct 02, 2016 12:27 pm

பாலி நாரிமன் போன்ற தலைசிறந்த வழக்குரைஞர்களும் அதர்மம் பக்கம் வாதிட்டாலும் தோல்விதான்.

"சத்யம் ஏவ ஜெயதே" என்னும் நம் பாரதநாட்டின் பக்குவப்பட்டத் தாரக மந்திரம் அவருக்குத் தெரியாதா என்ன!

வாதம் வாய்மையால் வெல்லுவதல்ல. உண்மையால் வெல்வது.

உண்மையைச் சூது கவ்வினாலும் இறுதி வெற்றி என்னவோ உண்மைக்குத்தான். உண்மைக்கும் வெற்றிக்கும் வேறுபாடு சொல்லிலும் எழுத்திலும்தான் - பொருளில் அல்ல.

தெரிந்தால் சரி.

பணம் பத்தும் செய்யும் - தோல்வி மற்றும் அவமானத்தையும் சேர்த்துத்தான்.

SRINIVASAN GOVINDASWAMY · SRINIVASAN GOVINDASWAMY Sun Oct 02, 2016 12:31 pm

சட்டிகளை மாற்றி என்ன பயன் ஐயா.
கொழுக்கட்டை வேகவில்லையே

Ramalingam K · Ramalingam K Sun Oct 02, 2016 12:44 pm

ஐயா !

உண்மையால் கிடைக்கும் வெற்றி நிதானமாகப் பலன் தந்தாலும் நீடித்த தன்மையன.

உண்மை அல்லாதனவற்றால் பெறும் பலன் அற்பம் காலத்தாலும் - நன்மையாலும்.

நாம் அறிந்தது தானே.

கர்நாடகத் தற்போதைய அரசின் முடிவு அரசியல் சாசன பிரிவு 365ன்கீழா அல்லது 356 ன்கீழா என்பது விரைவிலேயே தெரியும். பின் எழுந்திருத்தல் வெகுகாலம் பிடிக்கலாம் - கர்நாடக அர்சியலுக்கு.

**ராஜா** · **ராஜா** Sun Oct 02, 2016 1:06 pm

இனிமேலும் கர்னாடகாவுக்கு வாதிட்டு வெற்றி பெற முடியாது என்று எஸ்கேப் ஆயிட்டார் போல இந்த பெரியவர்.

**M.Jagadeesan** · **M.Jagadeesan** Sun Oct 02, 2016 1:27 pm

உண்மையின் பக்கம் நின்றால் " வாய்தா வக்கீல்களும் " வெற்றி பெறலாம் .

ஆனால்

அநீதியின் பக்கம் நின்றால் நாரிமன் வாதங்களும் நாறிப்போகும் என்பதே அண்மையில் நாம் கண்டது .

Sponsored content · Sponsored content

காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

Re: காவிரி வழக்கில் கர்நாடகத்துக்கு ஆஜர் ஆக மாட்டேன்: பாலி நாரிமன் விலகல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக