அளவா குடிங்க: சுப்ரீம் கோர்ட் ‛அட்வைஸ்'

**ayyasamy ram** · **ayyasamy ram** Sat Oct 01, 2016 5:19 am

புதுடில்லி :
நாடு முழுவதும் பூரண மதுவிலக்கை அமல்படுத்த வேண்டும்
என பா.ஜ.,வைச் சேர்ந்த அஸ்வனி உபத்யாயா என்பவர்
சுப்ரீம் கோர்ட்டில் பொதுநல மனு தாக்கல் செய்திருந்தார்.

மதுவால் தான் பெரும்பாலான சாலை விபத்துக்கள்,
பெண்களுக்கு எதிரான குற்றங்கள், கொலை, பாலியல்
பலாத்காரம் உள்ளிட்ட பல குற்றங்கள் நடக்கிறது என அந்த
மனுவில் குறிப்பிடப்பட்டுள்ளது.

இந்த மனுவை விசாரணைக்கு எடுத்துக் கொள்ள முடியாது
என கூறி, சுப்ரீம் கோர்ட் நீதிபதிகள் அர்ஜன் குமார் சிக்ரி,
என்.வி.ரமணன் ஆகியோர் அடங்கிய பெஞ்ச் மனுவை
தள்ளுபடி செய்தது. மேலும் இது குறித்து கருத்து தெரிவித்த
நீதிபதிகள், அளவாக குடிப்பது உடலுக்கு கேடு ஆகாது.

மக்களின் உடல் நலத்தை காப்பது அரசின் அத்யாவசிய
கடமை. ரெட் ஒயின் போன்றவைகள் உடலுக்கு நல்லது என
மருத்துவ ஆய்வுகள் தெரிவிக்கின்றன என கூறினர்.

இதே போன்று பீகாரில் அமல்படுத்தப்பட்டுள்ள பூரண
மதுவிலக்கு தொடர்பாக பாட்னா ஐகோர்ட்டில் வழக்கு
தொடரப்பட்டது. இதை விசாரித்த ஐகோர்ட் நீதிபதிகள் பூரண
மதுவிலக்கை பீகார் அரசு அமல்படுத்தியது சட்ட விரோதமானது
என தீர்ப்பளித்தனர். மதுவிலக்கு ரத்து செய்யப்பட்டது.
-
--------------------------------
தினமலர்
-

**M.Jagadeesan** · **M.Jagadeesan** Sat Oct 01, 2016 7:15 am

வேலி பயிர்களை மேய்ந்த கதையாக
மேலிருக்கும் நீதிபதி சொல்லிட்டார் - தாலியை
விற்றேனும் நித்தம் குடியுங்கள் தப்பில்லை
பெற்றெடுத்த பிள்ளைக்கும் ஊத்து .

சிவனாசான் · சிவனாசான் Sat Oct 01, 2016 9:05 am

அமுதமாக இருந்தாலும் அளவுக்கு மீறினால் நஞ்சாகும்...அதுபோல மதுவும் அளவிற்கு மீறினால் அறிவிழந்து அலங்கோலமாய் அடிபட்டவன்போல் செத்து வீழ்ந்து கிடக்கர நிலையை சாலைகளில் நாம் பார்க்காமல் இல்லை. அளவோடு அருந்தி கவிஞர் கண்ணதாசன் கவி,பாட்டு இயற்றினாரே..@ நீதி மன்றம்
சொல்லி இருப்பதும் ஏற்புடையதாகத்தான் உள்ளது.......

**M.Jagadeesan** · **M.Jagadeesan** Sat Oct 01, 2016 9:18 am

ஐயா !

விஷத்தை கொஞ்சமாக அருந்தினாலும் ,நிறைய அருந்தினாலும் விஷம் என்றுமே விஷம்தான் . அது தன்னுடைய வேலையைக் காட்டாமல் விடாது.

துஞ்சினார் செத்தாரின் வேறல்லர் எஞ்ஞான்றும்
நஞ்சுண்பார் கள்ளுண் பவர் .

என்பது ஐயனின் வாக்கு .

Sponsored content · Sponsored content

அளவா குடிங்க: சுப்ரீம் கோர்ட் ‛அட்வைஸ்'

அளவா குடிங்க: சுப்ரீம் கோர்ட் ‛அட்வைஸ்'

Re: அளவா குடிங்க: சுப்ரீம் கோர்ட் ‛அட்வைஸ்'

Re: அளவா குடிங்க: சுப்ரீம் கோர்ட் ‛அட்வைஸ்'

Re: அளவா குடிங்க: சுப்ரீம் கோர்ட் ‛அட்வைஸ்'

Re: அளவா குடிங்க: சுப்ரீம் கோர்ட் ‛அட்வைஸ்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக