கணினித் திரையில் இருந்து கண்களைப் பாதுகாக்க...

Guest · Guest Sat Sep 24, 2016 4:30 pm

பழைய கணினி CRT திரை ஊதாக் கதிர்களை வெளியிடுவதாக இருந்தன. தற்போது வரும் LCD,LED,Plasma திரைகளில் அவற்றின் பாதிப்பு அதிகம் இல்லாவிட்டாலும், நீல ஒளிக்கதிர் கண்களுக்கு பாதிப்பை தரலாம்.இந்த நீல ஒளி கண்களுக்கும் மூளைக்கும் சோர்வைத் தருவதுடன் கிட்டப்பார்வையையும் ஏற்படுத்துகிறது.

தற்போது வரும் கணினிகளில் பயன்படுத்தப்படும் டிஜிட்டல் வகையை சேர்ந்த கணினித் திரைகள், ஆயிரக்கணக்கான சிறிய பிக்சல்களை உருவாக்குகின்றன. நாம் திரையில் சாதாரணமாக பார்த்தாலும், நம் கண்கள் ஒவ்வொரு பிக்சலையும் தனியாக அவதானிக்க வேண்டியிருக்கிறது.

இப்படி கணினியால் ஏற்படும் கண் பிரச்சனைகளை computer vision syndrome (CVS) என் கிறார்கள்.அதனால்.............

20 – 20 -20 விதியை பயன்படுத்தலாம்.

தொடர்ந்து கணினி முன் இருக்கும் போது இடையிடையே கண்களை இரு கைகளாலும் அழுத்தி விடுவதுடன் கண்களை கழுவியும் கொள்ளலாம்.

அடிக்கடி கண்களை இமைப்பதன் மூலம் தண்ணீர் தன்மையை உண்டாக்கி,உலர் நிலையில்(dry eyes) இருந்து பாதுகாக்கலாம்.

அறையில் இருக்கும் விளக்கின் ஒளி,வெளியில் இருந்து யன்னல் ஊடாக வரும் ஒளி ஆகியவற்றின் பிரதிபலிப்பு(reflection) கண்ணைக் கூசும் (glare) வகையில் இல்லாமல் இருக்க பார்த்துக் கொள்ள வேண்டும்.

கணினித் திரையில் இருந்து கண்களைப் பாதுகாக்க... Glare_from_lights-revised

கணினித் திரையில் இருந்து கண்களைப் பாதுகாக்க... Glare_from_lights-revised

திரை 50 – 70 செ.மீ தூரத்திலும், திரையின் மேல் பகுதி 10 – 20 செ.மீ தாழ்வாகவும்(15-20 பாகை அளவில்) இருப்பது நல்லது.

கொன்டாக் லென்ஸ் பாவிப்பதை தவிர்த்து சாதாரண கண்ணாடியை கணினியில் வேலை செய்யும் போது பாவிப்பது நல்லது. கான்டக்ட் லென்ஸ் விரைவில் கண்களை உலரச் செய்து விடும்.

Resolution ஐக் குறைப்பது, தேவைக்கேற்ப எழுத்துருக்களின் அளவை மாற்றுவது...

உலாவியில் நீண்ட பகுதியை படிக்கும் போது Reader view mode இல் செல்வது அதிக பலன் தரும். உ+ம்.ஈகரையில் கதை,கட்டுரை,கவிதை......படிக்கும் போது- ஒரு கிளிக்கில்- புத்தகம் படிப்பது போல் படிக்கலாம். பயன்படுத்திப் பார்க்காதவர்கள் பயன்படுத்திப் பார்க்கவும்.மிகத் தெளிவாகவும் கண்களுக்கு சோர்வைத் தராமலும் படிக்கலாம்.

திரையின் பிரகாசத்தை வேண்டியபடி மாற்றுவது.....

யன்னல் அருகே கணினியை வைத்துப் பாவிப்பதை தவிர்ப்பது.............

f.lux என்ற சிறிய இலவச மென்பொருள் தானாகவே, வாழும் நாட்டுக்கு ஏற்ப திரையின் ஒளியையும் வெப்பத்தையும் சரி செய்து கொள்ளும் தன்மை கொண்டதாகும்.

மடிக்கணினிதான்,அதற்காக இப்படியா பாவிப்பது?

இந்த முறைகளை கடை பிடித்து கண்களில் ஏற்படும் பிரச்சனைகளை குறைப்பதும், கிட்டப் பார்வையில் இருந்து காப்பாற்றவும் முடியும்.
(உதவித் தகவல்- ஆய்வகம், மிச்சிகன் பல்கலைக்கழகம்)

**T.N.Balasubramanian** · **T.N.Balasubramanian** Sat Sep 24, 2016 5:06 pm

நன்றி , உதவித் தகவல்- ஆய்வகம், மிச்சிகன் பல்கலைக்கழகம்== ஆக இருந்தாலும்
தகவலின் ஆசிரியர் ஸ்ரீலங்காவாசி யோ ?

ரமணியன்

**ayyasamy ram** · **ayyasamy ram** Sat Sep 24, 2016 5:33 pm

கணினித் திரையில் இருந்து கண்களைப் பாதுகாக்க... 103459460

கணினித் திரையில் இருந்து கண்களைப் பாதுகாக்க... 3838410834

Guest · Guest Sat Sep 24, 2016 10:12 pm

இல்லை ஐயா. கணினியில் உள்ள சொற்பிழைதிருத்தி தானியங்கியாக செயல்படுவதால், சில சொற்களுக்கு வேறு தமிழ் சொற்களை பரிந்துரைக்கின்றன. அதுவே காரணம். மெந்தமிழ்,வாணி,செல்லினம் போன்றவை, ஆங்கிலத்தில் உள்ளது போல், தமிழ் பிழைகளையும் சொற்களுக்கு சமமாக பாவிக்கக் கூடிய சொற்களையும் பரிந்துரை செய்கிறது. இவை தானியங்கியாக செயல்படும்.