நம்மை நாம் அறிவோமே !

Ramalingam K · Ramalingam K Mon 19 Sep 2016 - 14:56

வேதங்களை விளங்கிக் கொள்வோம்:

முண்டக உபநிஷத் என்னும் முண்டக வேதாந்தம்.

கேள்வி : ஒருவர் எது ஒன்றை மட்டும் அறிந்துகொண்டால் உலகில் அனைத்தையும் அறிந்ததாக ஆகும் ?

பதில் : தன்னை அறியும் அறிவை அறிந்து கொண்டால்.

[அதாவது தான் தாங்கி இருக்கும் இந்த உடம்பு என்பது அல்ல நான். ஆனாலும் அதனுள் இருப்பதும் இயங்குவதும் ஆகும் ஆத்மனே என்பதே அந்த எல்லாம் அறிந்த அறிவு]

தன்னை அறியத் தனக்கொடு கேடில்லை -- திருமூலர் அருளிய திரிமந்திரம்

Ramalingam K · Ramalingam K Mon 19 Sep 2016 - 15:13

வேதங்களை விளங்கிக் கொள்வோம்:

கேள்வி 2 : சும்மா இருக்கும் சுகம் என்பது யாது?
பதில் : அறநெறியிலாகும் தன்னுடைய கடைமையைச் செய்து விட்டு, அச்செய்கையின் விளைவு
இன்னமாதிரியானப் பலனைத்தான் தரவேண்டும் என்று ஆசைப்படாதிருத்தலே. இதுதான்
நிஷ்காமிய கர்மம் என்று சொல்லப்படுவது.

Ramalingam K · Ramalingam K Mon 19 Sep 2016 - 19:24

அறிந்து கொள்வோம் ஆன்மீகம் - 4

சுப்ரபாதம் என்னும் பதம் நாம் யாவரும் அறிந்து தானே.

அந்த சம்ஸ்க்ருத பதத்தைத் “திருப்பள்ளி எழுச்சி” என்று தமிழ் படுத்தியமை எவ்வளவு அபத்தம்!
பரம்பொருளைத் துயில் எழுப்புதலா! இது எவ்வளவு அறியாமை.
பரம்பொருள் துயின்றால் பிரபஞ்சம் அதோகதிதான்.

சு – என்றால் இன்பம் அளித்தல், மகிழ்ச்சி அளித்தல் ஆகியவற்றோடு கூடிய என்பது பொருள்.
ப்ர – என்றால் நன்மை அளிக்கக் கூடிய அல்லது உயர்வான என்று பொருள்
பாதம் என்றால் தொடக்கம் – நாளின் தொடக்கம்

ஆக சுப்ரபாதம் என்னும் சம்ஸ்க்ருத பதத்திற்கு “ இந்த இனிய நாளின் தொடக்கம் சுகமானதாகவும் நன்மை தரக் கூடியதாகவும் அமையட்டும்” என்பது பொருள்.

ஆனால் இந்த வாழ்த்தை அனுதினமும் , “ வேண்டுதல் வேண்டாமையிலா” பரம்பொருளுக்குக் கொடுத்துவிட்டு, நாம் வழக்கம்போல் அல்லாடிக்கொண்டிருகின்றோம்.

ஆங்கிலயருக்குத் தெரிந்துள்ளது-அது Good Morning என்று. நம்மிடம் இருந்து அயல் நாட்டினர் கற்கின்றனர். நாம் விற்கின்றோம். என்ன கொடுமை. கடவுளுக்கும் பள்ளியறை அமைத்துத் தூங்கவைப்பது நம்மைத்தவிற வேறு எங்கேயாவது நமது பாரத உறவுகள் கண்டது உண்டா அல்லது கேள்விப்பட்டதுதான் உண்டா . . . . .

Ramalingam K · Ramalingam K Mon 19 Sep 2016 - 19:45

அறிந்து கொள்வோம் ஆன்மீகம் - 5

அது என்ன சனாதன தர்மம் !

சனாதனம் = சத்+ ஆதனம் + தர்மம்.

சத் – எப்போதும் அழிவற்ற – மாற்றத்திற்குள்ளாகாத;
ஆதனம் – செல்வம்; சொத்து.
தர்மம் – பாவம் அற்ற வினையால் செயல்படுவது.

ஆக, சனாதன தர்மம் என்றால், “யாருக்கும் தீங்குதரக்கூடிய பாவச் செயல்களில் ஈடுபடாது, எக்காலத்திலும்- எவ்விடத்திலும் மாறாததும் அழியாததும் ஆகிய உண்மை நெறியைக் கடைப்பிடித்து வாழ்தல் என்னும் நெறிமுறைதான் உண்மையான சொத்து(செல்வம்) ” என்று பொருள்.

இந்த சனாதன தர்மம் தான் நம் தாய்த்திருநாட்டின் உயிர்நாடி வேத காலத்தில் – ஆனால் இப்போது - - -

Ramalingam K · Ramalingam K Mon 19 Sep 2016 - 20:40

அறிந்து கொள்வோம் ஆன்மீகம் - 6

பொய் என்றால் என்ன?

பொய் என்று ஒன்று உள்ளதா ! கண்டிப்பாக இல்லவே இல்லை. உண்மை அல்லாததைத்தான் நாம் பொய் என்கிறோம். பொய் என்றாலே இல்லைதானே.பிறகு எப்படி இல்லாத பொய்யை இருப்பதாகச் சொல்ல முடியும் !!!

சத் என்றால் உண்மை- எப்போதும் மாறாதது – அழியாதது – உலகில் என்றும் இருப்பது.

அப்படி என்றால் மாறுவதும் அழிவதும் இருக்கின்றனவே – அவ்வாறில்லை அவை இருப்பதுபோல் தோற்றம் அளிப்பவை - அவையே உண்மை அல்லாதவை- ஆகையால் அவை அசத் – அதாவது மித்யா.

இந்த அசத் என்பதுதான் நம்மால் பொய் என்று பெயரிடப்படுகின்றது.
அசத்தை – மாயை (மித்யா) என்கின்றன வேதங்கள்-உபநிஷதங்கள்( வேதாந்தங்கள்).
இந்த அசத் ஆகிய உண்மை அல்லாததைத்தான் நாம் உண்மை என்று முடிவு செய்து வாழ்ந்து கொண்டிருக்கின்றோம்.

சத்தில் இருந்து வந்தது சத்யம் – மெய்ஞ்ஞானம்.
அசத் என்பது மித்யா – அதாவது மாயை – அஞ்ஞானம்.

இப்போது பார்ப்போம்
சூரிய உதயம் – சூரியனின் சலனம் (காலை, மதியம், மாலை) சூரிய மறைவு ஆகியவை உண்மையா – மாயையா! அது மாயை. உண்மையைப்போல் தோற்றமளிக்கும் உண்மை அல்லாதவை. சூரியன் இருக்கும் இடத்திலேயேதான் இருக்கிறது. பூமியின் சுழற்சியால் இந்த மாயாத்தோற்றம் வெளிப்படுகிறது.

பூமி நிலையாக இருப்பது மாயை- அது சுழலுவது உண்மை.
உலகில் நாம் எதனை உண்மை என்று அறிகிறோமோ அத்தனையும் உண்மை அல்லாது உண்மையைப்போல் தோற்றமளிக்கும் மாயை.

உண்மை மாயைக்குள் உறங்கிக் கொண்டு இருக்கின்றது.
இதனை அறிபவன் மெய்ஞ்ஞானி - மற்றவன் அஞ்ஞானி.

நாம் யார் ! நம் வாழ்வு எத்தகையது ! இந்த உலகம் எது !!!

ChitraGanesan · ChitraGanesan Tue 20 Sep 2016 - 12:16

நல்லா பதிவு

சிவனாசான் · சிவனாசான் Tue 20 Sep 2016 - 20:38

உடலையும் தமிழையும் ஒற்றுமை படுத்தலாம். நம் உடலையும் வல்லினம், மெல்லினம், இடையினம் என பிரிக்கலாம். @ வல்லினத்திற்கு-----எலும்புகள், மெல்லினத்திற்கு------ரத்தம், மூச்சு,காற்று, இடையினத்திற்கு----சதை. என ஒப்புமை (ஒற்றுமை) படுத்திடலாம்.

Ramalingam K · Ramalingam K Sat 24 Sep 2016 - 0:02

எல்லையில்லா ஆனந்தம் எது ?

உலகில் எல்லாவற்றிற்கும் எல்லை என்னும் வரையறை இருக்கும்போது , ஆனந்தத்திற்கு மட்டும் எல்லை இல்லையில்லையாமே !

உண்மைதான். பற்றற்ற வாழ்வே எல்லையில்லா ஆனந்தம். பற்றின்மை என்பது எதன்மீதும் அசை இன்மை.

இதற்கு ஒரு சுலபமான கணக்கு உள்ளது.

ஆனந்தம் = நிறைவேறிய ஆசைகள் ( Desires Achieved )
Happiness ---------------------------------------------------------------------
ஏற்றுக் கொண்ட ஆசைகள் ( Desires Harboured)

இந்த சமன்பட்டில் ஏற்றுக் கொண்ட ஆசைகள் பூஜ்ஜியம் ஆக இருப்பின், நிறைவேறுபவை அனைத்துமே அனந்தம் தானே – அதாவது infinitive தானே.

ஆசைகளைத் தவிர்த்து ஆனந்தமாக வாழலாமே