அறம் உரைக்கும் ஆத்திச்சூடி

Ramalingam K · Ramalingam K Thu Sep 15, 2016 4:41 pm

First topic message reminder :

தெரிந்து கொள்வோம் தேன் தமிழை 4( ஔவையார் அருளிய ஆத்திச் சூடி)

“தமிழ்ப்பாட்டி தரும் தரமிகு வாழ்க்கை நெறி”
ஆத்திச்சூடி
(ஔவையார் அருளியது)

01. அறஞ் செய விரும்பு.

பதவுரை:
அறம் – தமக்கும் பிறருக்கும் இடையூறு விளைவிக்காதனவை.
செயல் - கடந்த கால நிகழ்வுகளை அனுபவமாகக் கொண்டு நிகழ்
காலத்திலும் எதிர்காலத்திலும் எண்ணம் , சொல் ,செயல் ஆகிய
மூன்றினாலும் தூய்மையோடு வாழ்தல்.
விரும்புதல் – அழுத்தமாய்க்கருதுதல்; உறுதியாகக் கடைப்பிடித்தல்.

தெளிவுரை -
கடந்த கால நிகழ்வுகளை தத்தம் அனுபவமாகக் கொண்டு, நிகழ் காலத்திலும் எதிர்காலத்திலும் எண்ணம் சொல் செயல் ஆகிய மூன்றினாலும் தூய்மைமைக் கடைப்பிடித்து, தமக்கும் பிறருக்கும் இடையூறு விளைவிக்காதனவற்றை வாழ்வில் உறுதியாக நடைமுறைப் படுத்தி ஒவ்வொருவரும் வாழவேண்டும்.
பாட்டியின் தொடக்க அறிவுரையே வெகு அற்புதம். பாட்டியின் தாள் போற்றி.

**T.N.Balasubramanian** · **T.N.Balasubramanian** Tue Sep 27, 2016 8:39 am

அன்றே கூறினார் அருமையாக அவ்வையார் . அறம் உரைக்கும் ஆத்திச்சூடி - Page 3 103459460

ரமணியன்

Ramalingam K · Ramalingam K Wed Sep 28, 2016 7:57 am

தெரிந்து கொள்வோம் தேன் தமிழை 4( ஔவையார் அருளிய ஆத்திச் சூடி)

“தமிழ்ப்பாட்டி தரும் தரமிகு வாழ்க்கை நெறி”

ஆத்திச்சூடி
(ஔவையார் அருளியது)

12. ஒளவியம் பேசேல்.

பதப்பொருள்:

ஒளவியம் - பொறுமையின்மை.
பேசுதல் – சொல்லுதல்.

தெளிவுரை:

எதனையும் எப்போதும் யாரிடமும் பொறுமையின்றி அவசரப்பட்டுப் பேசாதே.
(எப்போதும் எங்கேயும் எவரிடமும் நிதானமாகவும் பொறுமையுடனும் பேசு).

Ramalingam K · Ramalingam K Thu Sep 29, 2016 6:46 am

தெரிந்து கொள்வோம் தேன் தமிழை 4( ஔவையார் அருளிய ஆத்திச் சூடி)

“தமிழ்ப்பாட்டி தரும் தரமிகு வாழ்க்கை நெறி”

ஆத்திச்சூடி
(ஔவையார் அருளியது)

13. அஃகஞ் சுருக்கேல்.

பதப்பொருள் :

அஃகம் - தானியம்; விலைப்பொருள்.
சுருக்குதல் - குறைத்தல்; உள்ளிழுத்தல்.

தெளிவுரை :

உணவு தானியங்களைக் குறைவாகப் பயிர்செய்து மக்களுக்கான உணவு உற்பத்தியைக் குறைத்துவிடாதே.
(உழவர்கள் மிகுதியான விளைநிலங்களில் பயிர் செய்து, மக்களுக்கான உணவு உற்பத்தியைப் பெருக்கி, உணவுப் பற்றாக்குறை நிலை இல்லாமல் செய்தல் வேண்டும்).

சிவனாசான் · சிவனாசான் Thu Sep 29, 2016 2:03 pm

நல்ல பதிவு .

Ramalingam K · Ramalingam K Fri Sep 30, 2016 8:03 am

தெரிந்து கொள்வோம் தேன் தமிழை 4( ஔவையார் அருளிய ஆத்திச் சூடி)

அறம் உரைக்கும் ஆத்திச்சூடி

“தமிழ்ப்பாட்டி தரும் தரமிகு வாழ்க்கை நெறி”
(ஔவையார் அருளியது)

14. கண்டொன்று சொல்லேல்.

பதப்பொருள்:

காணல் – மனத்தால் குறித்தல்; ஊகித்தல்; உத்தேசித்தல்; உத்தேசம்; விருப்பம்.

தெளிவுரை:

மனத்தில் தோன்றுவதை (ஊகிப்பதை) எல்லாம் வெளியில் சொல்லிக்கொண்டு இருக்காதே.
(எதையும் பேசுமுன் ஆராய்ந்து தெளிந்து பிறருக்கு நன்மை தரக்கூடிய உண்மையானவற்றை மட்டுமே பேசு)

**M.Jagadeesan** · **M.Jagadeesan** Fri Sep 30, 2016 8:23 am

கண்ணால் கண்டதற்கு மாறாக வேறொன்றைச் சொல்லாதே !

என்று குழந்தைகளுக்கு ஒளவை சொல்கிறாள் .

Ramalingam K · Ramalingam K Fri Sep 30, 2016 8:36 am

ஆத்திச் சூடி அனைவருக்கும் நம் ஔவை தந்தது தானே ஐயா.

அதனைக் குழந்தைச் சொத்தாகவும் கொள்ளலாம்.

நாம் அனைவரும் பரம்பொருளின் குழந்தைகள் தானே .

ஔவையின் பார்வை உயர்நோக்கு.

**M.Jagadeesan** · **M.Jagadeesan** Fri Sep 30, 2016 8:57 am

நான் சொல்ல வந்தது வேறு . உங்கள் உரை மாறுபட்டு இருப்பதைக் குறிப்பிடுகிறேன் .

Ramalingam K · Ramalingam K Fri Sep 30, 2016 9:22 am

M.Jagadeesan wrote:நான் சொல்ல வந்தது வேறு . உங்கள் உரை மாறுபட்டு இருப்பதைக் குறிப்பிடுகிறேன் .

[You must be registered and logged in to see this link.]

உரை மாறுபடவில்லை ஐயா. ஆத்திச் சூடி ஆரம்பப் பள்ளிச் சிறார்களுக்கு ஓரளவு பொருந்துவது.

உண்மையில் பார்க்கப்போனால், அது பல்கலைக் கழகப் பேராசிரியர்களின் ஆராய்ச்சிக்கு உகந்த ஓர் அற்புதப் படைப்பு என்பது அடியனின் கருத்து.

மதிப்பு மிகுந்த அந்த வைரத்தைக் கூழாங்கல்லாகக் கருதி, விளயாடும் சிறுவர்கள் போல் தம் உண்டி வில்லில் வைத்து மரக்கிளையில் இருக்கும் குருவியை இதுவரை நாம் அடித்து விளையாடிக் கொண்டு இருந்தோமோ என எண்ணவைக்கின்றன அந்த அற்புத மொழிகள்.

அதனால்தான் ஐயா இப்பதிவிற்குத் "தெரிந்து கொள்வோம் தேன் தமிழை" என்று தலைப்பிட்டோம்.

வணக்கம் ஐயா! இவை மறுப்பல்ல - அடியனின் உள்ளத் தவிப்பு.

**M.Jagadeesan** · **M.Jagadeesan** Fri Sep 30, 2016 9:50 am

ஒரு பாடலுக்கு உரை எழுதும் முன்பாக , அப்பாடலுக்கு நம்முடைய ஆசிரியர்கள் எவ்வாறு பொருள் கூறினார்கள் என்பதை முதலில் மனதில் கொள்ளவேண்டும் .இரண்டாவதாக பிற உரையாசிரியர்களின் கருத்தை ஊன்றிப் படிக்கவேண்டும் .

இவ்விரண்டையும் விடுத்து மனம்போன போக்கிலே நாம் உரை எழுதக்கூடாது .

Sponsored content · Sponsored content

அறம் உரைக்கும் ஆத்திச்சூடி

அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

Re: அறம் உரைக்கும் ஆத்திச்சூடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக