ரஞ்சனி, காயத்ரி சகோதரிகளுக்கு சிறந்த வாய்ப்பாட்டு கலைஞர் விருது

-
இந்திரா சிவசைலம் நினைவு விருது பெறவுள்ள கர்நாடக இசைக்கலைஞர்கள் ரஞ்சனி – காயத்ரி சகோதரிகள்.

———————————-
சென்னை மியூசிக் அகாதெமி சார்பில் கர்நாடக வாய்ப்பாட்டு
இசைக்கலைஞர்களான ரஞ்சனி, காயத்ரி சகோதரிகள்
இந்திரா சிவசைலம் அறக்கட்டளை விருதுக்கு தேர்வு செய்யப்
பட்டுள்ளனர்.

ஒவ்வொரு ஆண்டும் வாய்ப்பாட்டு கலைஞர்கள் திறன்
வெளிப்படுத்தலில் நேர்த்தி, பார்வையாளர்களை ஈர்க்கும் திறன்,
பாரம்பரிய சங்கீதத்தில் புதுமைகளைப் புகுத்துதல், இசை மீதான
அறிவின் ஆழம், அதை பரவலாக்குவதற்கு எடுக்கப்பட்டிருக்கும்
முயற்சிகள், கர்நாடக சங்கீதம் மீது பெரிய அளவில் ஆழமான
புரிதலையும், பாராட்டுதலையும் உருவாக்குவதற்கான திறன்
ஆகியவை உள்பட அறக்கட்டளை விதியின் அடிப்படையில் விருது
அளிக்கப்பட்டு வருகிறது.

இந்த விருதுக்கான கலைஞர்களை சென்னை மியூசிக் அகாதெமியின்
அறக்கட்டளை குழு உறுப்பினர்களால் விருது பெரும் இசைக்
கலைஞர்கள் தேர்வு செய்யப்படுகின்றனர். அந்த வகையில்
சென்னையைச் சேர்ந்த கர்நாடக வாய்ப்பாட்டு இசைக் கலைஞர்களான
ரஞ்சனி, காயத்ரி சகோதரிகள் 2016-க்கான இந்திரா சிவசைலம்
அறக்கட்டளை விருதுக்குத் தேர்வு செய்யப்பட்டுள்ளனர்.

இவர்களுக்கான விருது சென்னை மியூசிக் அகாதெமியில் அக்டோபர்
7-ஆம் தேதி நடைபெறும் நிகழ்ச்சியில் வழங்கப்பட இருப்பதாகவும்
இந்திரா சிவசைலம் அறக்கட்டளை தெரிவித்துள்ளது.
–
——————————-
தினமணி