சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

**ayyasamy ram** · **ayyasamy ram** Mon Sep 05, 2016 11:24 am

First topic message reminder :

திரைப்படத்துறைக்கும் சமுதாய பொறுப்பு உள்ளது
என்றும் சினிமா பாடல்களில் ஆபாசம் இருக்கக்கூடாது
என்றும் சென்னை உயர்நீதிமன்றம் உத்தரவிட்டு உள்ளது.
–
சென்னை மணலியை சேர்ந்த பிரபுகுமார்(19) என்பவர்
சார்பில் உயர் நீதிமன்றத்தில் ஜாமீன் கோரி ஒரு மனு
தாக்கல் செய்யப்பட்டது. அந்த ஜாமீன் மனுவில்,
–
“16 வயது சிறுமியை பொது இடத்தில் வைத்து கேலி, கிண்டல்
செய்து அசிங்கமாக பேசியதாக என் மீது மணலி போலீஸார்
வழக்கு பதிவு செய்து கடந்த ஜூலை 24-ம் தேதி கைது செய்தனர்.
என் மீது பொய்வழக்கு போடப்பட்டுள்ளது. ஆகவே இந்த வழக்கில்
எனக்கு ஜாமீன் தரவேண்டும்” என்று கோரியிருந்தார்.
–
இந்த மனுவை விசாரித்த நீதிபதி எஸ்.வைத்தியநாதன் பிறப்பித்த
உத்தரவில் கூறியிருப்பதாவது:
–
அரசு தரப்பு வழக்கறிஞர் தனது வாதத்தில், தனது தாயாருடன்
ரோட் டில் நடந்து சென்றுகொண்டிருந்த 16 வயது சிறுமியைப்
பார்த்து ‘‘கல்யாணம்தான் கட்டிக்கிட்டு ஓடிப்போலாமா? இல்லை
ஓடிப் போயி கல்யாணம் தான் கட்டிக்க லாமா?’’ என கேலி
செய்யும் விதமாக பிரபுகுமார் சினிமா பாட்டை பாடியுள்ளார்.
–
இதை தட் டிக்கேட்ட இருவரையும் தாக்கியது மட்டுமல்லாமல்,
கொலை மிரட்டலும் விடுத்துள்ளார்’’ என குறிப்பிட்டுள்ளார்.
–
மனுதாரர் சினிமா பாடலை மட்டும்தான் பாடியுள்ளார்.
அவரிடம் பாலியல் தொந்தரவு செய்யும் உள்நோக்கம் இல்லை.
மேலும் அவர் கடந்த ஜூலை 24-ம் தேதி முதல் சிறையில் உள்ளார்.
எனவே அவருக்கு நிபந்தனை ஜாமீன் அளிக்கிறேன்.
ரூ. 10 ஆயிரம் செலுத்தி, அதே தொகைக்கு இருநபர் உத்தரவாதம்
அளித்து ஜாமீன் பெறலாம்.
–
மறுஉத்தரவு வரும் வரை அவர் போலீஸ் நிலையத்தில் ஆஜராகி
கையெழுத்திட வேண்டும்.
–
திரைப்படங்களில் வன்முறை
–
அதேநேரம், சினிமா பாடல்கள் ஆபாசமாக இருக்கக்கூடாது.
திரைப்படத் துறைக்கும் சமுதாய பொறுப்பு உள்ளது. இளைய
சமுதாயத்தினர் மனதில் நல்ல எண்ணங்களை விதைக்க வேண்டும்.
ஆனால் பெரும் பாலான சினிமா படங்கள் மற் றும் அவற்றில்
இடம்பெறும் பாடல் களில் வன்முறையும், ஆபாசமும் தான்
மேலோங்கி நிற்கிறது.
–
நம்மு டைய கலாச்சாரமும், அறநெறியும் இதன் மூலம் சீரழிந்து
வருகிறது. சினிமா மிகப்பெரிய ஊடகமாக உள்ள இக்கால
கட்டங்களில் ஒரு ஆசானாக, குருவாக இருந்து நல்ல விசயங்களை
மட்டும் போதிக்க வேண்டும்.
–
இவ்வாறு உத்தரவில் கூறப் பட்டுள்ளது.
–
——————
தி இந்து

**ராஜா** · **ராஜா** Mon Sep 05, 2016 5:43 pm

T.N.Balasubramanian wrote:
இந்த பாடல் கூட இன்னும் 50 வருடம் கழித்து தேன்கிண்ணம் பாடல்கள் வரிசையில் சேர்ந்திருமோ புன்னகை

2066 இல் தான் பதில் சொல்லமுடியும் . பொறுத்திருக்கவும்

ரமணியன்

சரிங்கய்யா

**T.N.Balasubramanian** · **T.N.Balasubramanian** Mon Sep 05, 2016 5:51 pm

ராஜா wrote:
T.N.Balasubramanian wrote:
இந்த பாடல் கூட இன்னும் 50 வருடம் கழித்து தேன்கிண்ணம் பாடல்கள் வரிசையில் சேர்ந்திருமோ புன்னகை

2066 இல் தான் பதில் சொல்லமுடியும் . பொறுத்திருக்கவும்

ரமணியன்
சரிங்கய்யா

மேற்கோள் செய்த பதிவு: 1221045

அதுக்காக காத்திருக்கவேண்டாம் .
சென்னை வந்தால் வீட்டுப்பக்கம் வரவும் . அன்பு மலர்

ரமணியன்

**Dr.S.Soundarapandian** · **Dr.S.Soundarapandian** Mon Sep 05, 2016 7:33 pm

சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு - Page 2 103459460

**M.Jagadeesan** · **M.Jagadeesan** Tue Sep 06, 2016 8:38 am

MKT பாடல்களை இந்தத் தலைமுறையினர் யாரும் விரும்புவதில்லை . "ஆலுமா டோலுமா " போன்ற பாடல்களைத்தான் அதிகம் விரும்புகின்றனர்.

**T.N.Balasubramanian** · **T.N.Balasubramanian** Tue Sep 06, 2016 11:19 am

M.Jagadeesan wrote:MKT பாடல்களை இந்தத் தலைமுறையினர் யாரும் விரும்புவதில்லை . "ஆலுமா டோலுமா " போன்ற பாடல்களைத்தான் அதிகம் விரும்புகின்றனர்.

மேற்கோள் செய்த பதிவு: 1221088

"ஆலுமா டோலுமா " அர்த்தமிகு ஆன்மிகப் பாட்டு .
மேலெழுந்தவாரியாகப் பார்க்காது , அர்த்தம் பிரித்துப் பாருங்கள் .
ரசிப்பீர்கள் .

ஆலுமா டோலுமா
ஐசாலக்கிடி மாலுமா

இப்பிடி அர்த்தம் பார்த்தால் ...........

இந்த பாட்டு தல அஜீத் பாடுவதாக உள்ளது

இந்த லோகத்திற்கு தல , வேறு யாரு சிவன்தானே .

தல பாடுவது :
ஆலுமா டோலுமா அதாவது
ஆல் +உமா , ஆலமரம் போல் வியாபித்து இருக்கும் சக்தியே -உமாவே
டோலுமா ,
டோல் + உமா , டோல் என்னும் உடுக்கையை வைத்திருக்கும் சிவனின் , உமாவே ,

ஐசாலக்கிடி மாலுமா,

ஐசாலக்கிடி
ஐ --அழகு
சாலக்கு--திறமை
இடி --இடி போன்று கம்பீர குரலுடையவளே

மாலுமா
மால் --திருமாலின் உறவான
உமா---உமாவே

என்று தல சிவா பாடுகிறார் .

சரியா Jagadeesan .
இது மாதிரி ஆன்மிகப் பாடல்களை ,தற்போதைய தலைமுறை விரும்பி ரசிக்கிறது .

ரமணியன்

**விமந்தனி** · **விமந்தனி** Tue Sep 06, 2016 11:47 pm

நல்ல தீர்ப்பு தான். ஆனா யார் அதை மதிக்கப்போறா...

Sponsored content · Sponsored content

சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

Re: சினிமா பாடல்களில் வன்முறை, ஆபாசம் இருக்க கூடாது – சென்னை உயர் நீதிமன்றம் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக