நான் நீயாக வேண்டும்

tamiliyappan · tamiliyappan Sat Aug 27, 2016 6:20 pm

பின்னூட்டம் தந்து என் அடுத்த கவிதைக்கும் உயிர் தந்தவர்களுக்கும், என் கவிதைகளுக்குஉருவம் தரும் என் தமிழ்செல்விக்கும்…

என் தவறுகளை திருத்தி தட்டி கொடுக்கும் பெரியோர்களுக்கும் என் மனம்கனிந்த நன்றி…

எனக்கு எளிய தமிழ் தந்த என் இறைவன்

கவிஞர் நா.முத்துகுமார் அவர்களுக்கும் நன்றி….

குட்டி நிலாக்கள்

சிவப்பு நிறத்தில்

உன் மருதாணியிட்ட

கையில்….

எனக்கு கேட்டு சொல்

மருதாணி தானாக

சிவந்ததா - இல்லை

நீ தூங்கும் அழகை பார்த்து

சிவந்ததா என்று…

.

நான்

உன் கூந்தல் தொடும்

மலராக வேண்டும்..

உன் பாதம் படும்

மணலாக வேண்டும்..

நான்

உன் விரல் தொடும்

கதவாக வேண்டும்…

உன் இதழ் தொடும்

நீராக வேண்டும்…

நான்

உன் கண் பார்க்கும்

நிலவாக வேண்டும்

நீ அமரும் நிழலாக

வேண்டும்….

நான்

உன் கன்னத்தில்

குழியாக வேண்டும்

நீ ரசிக்கும்

கவிதையாக வேண்டும்

உன் நினைவில் நான்

வசிக்க வேண்டும்

நீ நினைத்து சிரிக்க வேண்டும்…

நான் பார்த்து ரசிக்க வேண்டும்….

நான் நீயாக வேண்டும்...

**T.N.Balasubramanian** · **T.N.Balasubramanian** Sat Aug 27, 2016 7:31 pm

அருமை
சிறியதொரு திருத்தம் .
கன்னம் .

ரமணியன்

வலைப்பூ முகவரி கொடுத்த பதிவு நீக்கப் படுகிறது .
அதை உங்கள் signature பகுதியில் போட்டுக் கொள்ளவும் .

ர...ன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian