மனுஷன் சாப்பிடுவானா ?

**M.Jagadeesan** · **M.Jagadeesan** Fri Aug 26, 2016 9:14 am

இந்த சாப்பாட்டை மனுஷன் சாப்பிடுவானா ? ரசத்துல உப்பில்ல ; உறப்பில்ல . மோரு ஒரே தண்ணியா இருக்கு ; சுரக்கா கூட்டு ; ஏன் கூட்டு வைக்க வேற காய் கிடைக்கலையா ? ஒரு அப்பளம் பொரிச்சு வைக்கக்கலாமில்ல !
காலையில அரக்க பரக்க ஆபீசுக்குப் போறதால சரியா சாப்பிட முடியறதில்ல ; மத்தியானம் ஆபீஸ் கேன்டீன்ல ஏதோ கோழி கொத்தற மாதிரி கொஞ்சம் சாப்பிடறேன் . நிம்மதியா ராத்திரி சாப்பாடு ஒண்ணுதான் சாப்பிட்டுக்கிட்டு இருந்தேன் ; அதுவும் இப்படி செஞ்சா எப்படி சாப்பிடறது ? உன்னைக் கட்டிகிட்டதுக்கு எனக்கு இதுவும் வேணும் ; இன்னமும் வேணும் . இந்த சம்பந்தம் வேண்டாம்ன்னு என் அப்பாகிட்ட தலபாடா அடிச்ச்சுகிட்டேன் ! அவரு கேட்கல ; சமையல் நல்லா இருக்கும்னு சொன்னதால உன்னைக் கட்டிகிட்டேன் . வேலைவெட்டிக்குப் போற துப்பில்லை ; சமையலாச்சும் ஒழுங்கா செய்வேன்னு பாத்தா ; அதையும் இப்படி சொதப்பி வைக்கிறே !உன்னால முடியலைன்னா சொல்லிடு ; ஒரு சமையல்காரியை ஏற்பாடு பண்ணிடறேன் !

சரி சரி ! குழம்பை ஊத்து . ஜானு குழம்பை ஊத்தியதுதான் தாமதம் ..

" என்ன இது ! குழம்புல ஒரே தீஞ்ச வாசனை வருது ? என்ன காரணம் ?

அதுவந்து...குழம்பை அடுப்பில வைச்சுட்டு சீரியல் பாத்துகிட்டு இருந்தேன் ; குழம்பையே மறந்துட்டேன் ; அதான் இப்படி ஆயிடுச்சி !

அடி செருப்பால ; சமையலவிட உனக்கு TV சீரியல்தான் முக்கியமாப்போச்சு ! இந்தா இதைக் கொண்டுபோய் வெளியில கொட்டு.போய் ஹோட்டல்ல சாப்பாடு வாங்கிட்டு வா !

மனைவியின் அதட்டலால் வெலவெலத்துப் போன ஜானகிராமன் , ஹோட்டலை நோக்கி ஓடினான்.