இந்தி(யப்) படத்தில் நடிக்கும் சீன அழகி..!

**ayyasamy ram** · **ayyasamy ram** Thu Aug 25, 2016 1:46 pm

-
இந்தியாவுக்கும் சீனாவுக்கும் நடுவே பனிப்போர் ஒருபுறம் நடந்து கொண்டிருக்க…, இன்னொருபுறம் பனிப்பாறைகள் சூழ்ந்த இந்தியாவிலுள்ள லே பகுதியில் சீன நடிகை ஜு ஜு இந்திய படம் ஒன்றில் நாயகியாக நடித்துக் கொண்டிருக்கிறார்.

சல்மான் கான் நடிக்கும் படம் “டியூப்லைட்’. இந்தப் படத்தின் நாயகியும் இவர்தான். இந்தப் படத்தில் சல்மானுக்கு ஜோடியாக கத்ரினா கைப் அல்லது தீபிகா படுகோன் நடிக்கவிருப்பதாகச் சொல்லப்பட்டாலும், கடைசியில் ஒப்பந்தம் ஆனது ஜு ஜு. இந்திப் படத்தில் நடிப்பதால் ஜு ஜு இந்தி கற்க ஆரம்பித்திருக்கிறார்.

ஜு ஜுவின் சினிமாப் பிரவேசம் எப்படியாம்?

ஒரு மெல்லிசைப் போட்டியில் பங்கெடுத்து வெற்றி பெற… எம்.டிவியில் நிகழ்ச்சி தொகுப்பாளராக மாறினார். 2009- இல் இசை ஆல்பம் ஒன்றை ஜு ஜு வெளியிட … அது அவரை சீனப் படமான “What Women Want’- இல் நாயகியாக நடிக்கும் வாய்ப்பைப் பெற்றுத் தந்தது.

ஜு ஜு அமெரிக்க சண்டைப் படமான “The Man with the Iron Fists’ படத்திலும் நடிக்க வாய்ப்பு கிடைத்தது. இந்தப் படத்திற்குப் பிறகு ஜு ஜு பிசியோ பிசியாகி விட்டார். ஜு ஜு வுக்கு வயது முப்பத்திரண்டு. அடிப்படையில் எலெக்ட்ரானிக்ஸில் பொறியியல் பட்டதாரி.

ஜு ஜு நடித்திருக்கும் அமெரிக்க டிவி தொடரான “மார்கோ போலோ’, நெட்பிளிக்ஸ்ஸில் ஒளிபரப்பாகிறது.

“கபாலி’ படத்தில் வில்லனாக சீனரான வின்ஸ்டன் சாவ் நடித்தார். இப்போது சீனத்து அழகி ஜு ஜு இந்தியப் பட நாயகியாகவே நடிக்கிறார்.

– பனிமலர்

தினமணி

இந்தி(யப்) படத்தில் நடிக்கும் சீன அழகி..!

இந்தி(யப்) படத்தில் நடிக்கும் சீன அழகி..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக