எனது அம்மா

tamiliyappan · tamiliyappan Mon Aug 22, 2016 10:32 pm

சுக பிரசவத்தில் பெற்றெடுத்தாள்…
பெயருதான் சுக பிரசவம்….
அவளுக்கு வலி மிகுந்த
பிரசவம்தான்,,,,,
வலி முடிந்தது..
வறுமை தொடர்ந்தது….
உதிரத்தில் உருக்குடுத்தாள்
என்னை வறுமையில்
உதிராமல் பார்த்து
கொண்டாள்….

நெய் சோறு ஊட்டியது இல்லை
ஆனாலும் தித்திக்கும்..
அவள் வியர்வை
பட்டிருக்கும்….
சோள சோறு அவளுக்கு
அதனால் நெற்சோறு

எனக்கு…

அவளுக்கு ஆசை புதுசேலை அல்ல

எனக்கு புது துணிகளே…

இலவச அரிசி…

பொங்கல் சேலைகள்..

அடுப்பெரிக்க விறகு…

நாலைந்து பாத்திரங்கள்

இதுவே அவளுக்கு

போதுமானாதாக இருந்தது….

வறுமை என்னவென்று உணர்ந்தோம்

ஆனால் நான் வாடவில்லை

எனது அம்மா வாடவிடவில்லை…

பாலூட்டி,சீராட்டி,தாலாட்டி

அவள் சேலையில் தொட்டில்கட்டி

என்னை அவள் இடுப்பில் இருந்து

இறக்கவே இல்லை…

இறக்கி கொடுக்கவும் இன்னொரு

சொந்தம் இல்லை..

அவள் புல் கட்டு சுமந்தாள்

அதனால் நான் புத்தக கட்டு

சுமந்தேன்….

முட்களெல்லாம்

பாதங்களில் தைத்தன,,,

செருப்பு எடுக்க வில்லை

எனக்கு செருப்பு கொடுத்தாள்..

நான் வெயிலில் நடக்க,,,

இன்று நான் பூச்செடி என்றால்

என் அம்மாவின் வியர்வை

உரமாக்க பட்டிருக்கிறது..

அம்மாக்களின் வியர்வை

உரமானால் அங்கு பூச்செடிகளே

பூக்கும்…..

இன்னும் சொல்கிறேன் என்

அம்மாவை பற்றி - இப்போது

கண்ணீர் வருகிறது அதனால் முடிக்கிறேன்…

- தமிழ்ஐயப்பன்

tamiliyappan · tamiliyappan Mon Aug 22, 2016 10:35 pm

படிச்சுட்டு சொல்லுங்க....

**M.Jagadeesan** · **M.Jagadeesan** Tue Aug 23, 2016 12:40 pm

எனதம்மா கவிதை உனதய்யா ஆனாலும்
...எனதம்மா கவிதை எனைப்பெற்ற அம்மாவை
கனவினிலே தினமும் நான்காணும் அம்மாவை
...கண்முன்னே நிறுத்திய அற்புதக் கவிதையன்றோ !
இனந்தெரியா பாசத்தை இன்றும் பொழிகின்றாள்
...இன்முகத்தைக் காட்டி நித்தம் சிரிக்கின்றாள் !
மனதிலே தெய்வமாய் குடிகொண்டு இருக்கின்றாள்
...மகனுக்கு வழிகாட்டும் விளக்காய் திகழ்கின்றாள் !

இந்த பதிவைத் துவங்கியவர் நன்றி கூறியுள்ளார் M.Jagadeesan

Sponsored content · Sponsored content

எனது அம்மா

எனது அம்மா

Re: எனது அம்மா

Re: எனது அம்மா

Re: எனது அம்மா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக