கண்ணே…,நலமா?

**ayyasamy ram** · **ayyasamy ram** Sat Aug 20, 2016 6:30 pm

-
உலக சுகாதார நிறுவனம் (World Health Organization), கண் பார்வையின்மை மற்றும் பார்வைக்குறைபாடு பற்றி உலக அளவில் கவனத்தைஈர்ப்பதற்க்காகவும் பார்வையிழப்பு பற்றிய விழிப்புணர்வினை மேம்படுத்துவதற்க்காகவும் ஒவ்வொரு வருடமும் அக்டோபர் மாதம் இரண்டாவது வியாழக்கிழமைவரும் தேதியை உலக கண்யிழப்பு தினமாக அறிவித்து, கண் நலம் பற்றிய செய்திகளை விழிப்புணர்வினை மேம்படுத்துமாறு கேட்டுக் கொள்கிறது.

உலக சுகாதார நிறுவனத்தின் கணிப்பில் பார்வையிழப்பு
பற்றிய சில புள்ளிவிவரங்கள்:

உலக அளவில் 285 மில்லியன் பேருக்கு பார்வைக்குறைபாடு
உள்ளது. 246 மில்லியன் பேர் மிகக் குறைவான பார்வையோடும்
39 மில்லியன் பேர்பார்வையில்லாமலும் வாழ்ந்து கொண்டு
இருக்கின்றார்கள்.பார்வைக்குறை உள்ளவர்களில் சுமார்
90% பேர் குறைந்த வருமாணம் உடையவர்களாகஇருக்கின்றனர்.

பார்வையற்றவர்களில் 82 % பேர் ஐம்பது வயதிற்கு மேற்பட்டவர்களாக
இருக்கின்றனர்.

உலக அளவில் திருத்தப்படாத பார்வைத்திறன்
(uncorrected refractive errors) பிரச்சினையே சாதாரணமான
மற்றும் தீவிரமானபார்வைக்குறைபாட்டிற்கு காரணமாக இருக்கிறது.
கண் புரை எனப்படும் கேட்டராக்ட் தொடர்ந்து பார்வையிழப்பிற்கு மிக
முக்கியமான காரணமாக குறைந்த மற்றும்மத்திய வருமாணம் உள்ள
நாடுகளில் இருக்கிறது.

ஆனால், 80% பார்வைக்குறைபாடுகளை தவிர்க்க முடியும் அல்லது
குணப்படுத்த முடியும்.

**ayyasamy ram** · **ayyasamy ram** Sat Aug 20, 2016 6:32 pm

பார்வை குறைபாட்டிற்க்கான முக்கிய காரணங்கள்:
------------------------------
1.திருத்தப்படாத பார்வைத்திறன் (uncorrected refractive errors)
பிரச்சினை 43% ஆகும், அதாவது கிட்டப்பார்வைக்குறைபடு, தூரப்
பார்வைக்குறைபாடு, ஒழுங்கற்ற பார்வைத்திறன் குறைபாடு போன்றவை.

2.ஆபரேஷன் மூலம் குணப்படுத்தப்படாத கண் புரை
(கேட்டராக்ட்) 33% ஆகும்.

3. க்ளகோமா எனப்படும் கண் அழுத்த நோய் 2% ஆகும்.
-
பிரச்சினை யாருக்கு உள்ளது?
-------------------------
சராசரியாக வளர்ந்து வரும் நாடுகளின் மக்களுக்கே 90% பார்வைக்
குறைபாடு பிரச்சினை உள்ளது.மேலும் 65% பேர் 50 வயதிற்கும்
அதிகமானவர்கள்.இருப்பினும்19 மில்லியன் குழந்தைகளுக்கு
பார்வைத்திறன் குறைபாடு இருக்கிறது.

இவர்களில் 12 மில்லியன் குழந்தைகளு பார்வைத்திறன் குறைபாடு
காரணமாகவேபார்வைக்குறைபாடு இருக்கிறது. இதனை எளிதாக
கண்டுபிடித்து சரி செய்ய முடியும். 1.4 மில்லியன் குழந்தைகளுக்கு
குணப்படுத்த முடியாத பார்வைக்குறைபாடுஇருக்கிறது.

இத்தகைய பிரச்சினைகள் உள்ளவர்களுக்கு மறுவாழ்வு பயிற்சிகள்,
உளவியல் மற்றும் ஆளுமை வளர்ச்சி ஆலோசனைகள் மூலம்
வாழ்க்கையை மீட்டுத்தர முடியும்.

**ayyasamy ram** · **ayyasamy ram** Sat Aug 20, 2016 6:33 pm

நம் விழிகளைப் பற்றிய விழி விரிய வைக்க வைக்கும் உண்மைகள்:

நமது கண்கள் பத்தாயிரம் வேலை செய்யும் பாகங்களால் ஆனது.

ஒரு சராசரி மனிதன் ஒரு நிமிடத்திற்கு 12 முறை கண்களை இமைக்கிறார்,
ஒரு நாளைக்கு சராசரியாக 10,000 முறை கண்களை இமைக்கிறார்.
நமது கண்கள் சராசரியாக ஒரு மணிநேரத்திற்கு 36,000 பைட் தகவல்களை
கையாள்கிறது.

நமது கண்கள் ஆறில் ஒரு பாகம் மட்டுமே வெளித்தோற்றத்திற்கு தெரிகின்றது.

நமது கண் இமைமுடிகளின் சராசரி ஆயுள் காலம் 5 மாதங்கள் மட்டுமே.

நமது கண்கள் தோராயமாக 28 கிராம் எடை உள்ளது.

நமது விழிகள் ஒரு நொடிப்பொழுதில் சுமார் 50 பொருட்களில் தனது
பார்வையை பதிக்கிறது.

பார்வை என்னும் செயலில் நமது மூளையின் பாதிபகுதி
பங்கெடுத்துக்கொள்கிறது.

நமது மிகச்சரியான நிலையில் 14 மைல்கள் தூரத்தில் உள்ள ஒரு எரியும்
மெழுகுவர்த்தியை பார்க்க முடியும்.

நமது கண்களின் இயக்கத்திற்கு காரணமான தசைகள் மனித உடலிலேயே
மிக அதிகமான சக்தி வாய்ந்த தசை ஆகும். அவை எந்த அளவுக்கு ஆற்றல்

வாய்ந்தவையாக இருக்க வேண்டுமோ அதைக்காட்டிலும் 100 மடங்கு
ஆற்றல் வாய்ந்ததாக இருக்கிறது.
–
————————————————

கட்டுரை: அ.போ. இருங்கோவேள்,
மருத்துவ சமூகவியலாளர் (Medical Sociologist)
நன்றி- விகடன்

Sponsored content · Sponsored content

கண்ணே…,நலமா?

கண்ணே…,நலமா?

Re: கண்ணே…,நலமா?

Re: கண்ணே…,நலமா?

Re: கண்ணே…,நலமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக