டும்-டும்-டும் - ஆடடம் ஆரம்பம்.

டும்-டும்-டும் - ஆடடம் ஆரம்பம்.

நடிகர் சங்கம் தேர்தல் எனத் தொடங்கி தங்கள் வியாபாரத்தை எங்கெல்லாம் எப்படி எல்லாம் நடத்த முடியுமோ அப்படியெல்லாம் நடத்தி வருகிறது ஊடகங்கள்.

விஷ்னுபிரியா- சுவாதி என பலரின் தோல் உரிக்கப்பட்டு,தற்போது தனது வேட்டையை விசப்பல்லை நா.முத்துக்குமார் என்ற கவிஞனை நோக்கி வைத்து உண்மைகள்-பொய்கள்-ஊகங்கள் என தொடங்கி உள்ளது.காவல்துறை இருக்கிறது.உறவினர்கள் இருக்கிறார்கள்.ஊடகமே உனக்கேன் இவ்வளவு அக்கறை? உன் வியாபாரத்திற்கு இந்த அப்பாவிகள் தானா கிடைத்தார்கள்?

விவாதிக்க தோலுரிக்க எத்தனை விசயங்கள்,சம்பவங்கள் தமிழ் நாட்டில் கொட்டிக் கிடக்கின்றனவே, அவை எல்லாம் தமிழ் நாட்டு ஊடகங்களின் கண்களுக்கு தெரியவில்லையா? அப்பாவிகளின் தனிப்பட்ட விசயங்களை எல்லாம் தெருவுக்கு கொண்டு வருவதில் இவ்வளவு அக்கறை ஊடகங்களுக்கு ஏன் வருகிறது?

தற்கொலை செய்ய எண்ணுவோரே,நீங்கள் தற்கொலை செய்தபின் எதுவும் உங்களுக்கு தெரிய வாய்ப்பில்லை. ஆனாலும் உங்கள் தனிப்பட்ட அனைத்து விடயங்களையும் தோல் உரித்து தொங்கவிட கழுகு போல் காத்திருக்கின்றன ஊடகங்கள். நீங்கள் அவற்றை தெரிந்து கொள்ளாவிட்டாலும், உங்கள் உறவினர்கள் அதனால் எவ்வளவு பாதிக்கப்படுகிறார்கள், எவ்வளவு மன உளைச்சலுக்கு ஆளாகிறார்கள் என்பதை சிந்தியுங்கள்.

பெண்களே உங்கள் படங்கள் காணொளிகள் வெளியானதால் ஏற்பட்ட மன உழைச்சல்-கவலை காரணமாக எடுக்கப்படும் முடிவை விட,அதற்குக் காரணமானவர்களை வெளிச்சத்திற்குக் கொண்டு வாருங்கள். அதை விட்டு தற்கொலை முடிவு,உங்கள் முடிவிற்குப் பின்னால் உங்கள் குடும்பத்தையும் உறவினனர்களையும் அது எவ்வளவு பாதிக்கின்றன, ஊடகங்கள் உங்களை எப்படி உண்மையையும்,பொய்யையும்,ஊகங்களையும் வைத்து விமர்சிக்கிறது என்பதை ஒருமுறை எண்ணிப் பார்த்தீர்களெயானால்..............

தற்கொலை வேண்டாம். எதிர்ப்புகளை சுமைகளை எதிர் கொண்டு வெற்றி பெறுவதே வாழ்க்கை. போராடுங்கள்-போராடுங்கள்.வேண்டாம் தற்கொலை.

நீங்கள் ஒன்றும் கெட்டவரோ அல்லது ஏமாற்றுக்காரரோ கிடையாது. சந்தர்ப்பம் சூழ்நிலைகளால் தடுமாறி விடுவது குற்றமாகாது. அது ஒரு பாடம்.பெற்றோர்களை,நண்பர்களை அணுகி உதவி பெறுங்கள்.

Suicide is NEVER the answer, getting help is the answer.