மயக்கமா கலக்கமா மனதிலே குழப்பமா…

**ayyasamy ram** · **ayyasamy ram** Mon Aug 15, 2016 9:52 am

பாடல்: மயக்கமா கலக்கமா மனதிலே குழப்பமா
படம்: சுமைதாங்கி (ஆண்டு 1962)
இசையமைப்பு: விஸ்வநாதன் – ராமமூர்த்தி
பாடலாக்கம்: கவியரசர் கண்ணதாசன்
பாடியவர்: P.B.ஸ்ரீனிவாஸ்
–
————————————
–
மயக்கமா கலக்கமா
மனதிலே குழப்பமா
வாழ்க்கையில் நடுக்கமா
–
மயக்கமா கலக்கமா
மனதிலே குழப்பமா
வாழ்க்கையில் நடுக்கமா
–
வாழ்க்கை என்றால் ஆயிரம் இருக்கும்
வாசல் தோறும் வேதனை இருக்கும்
வாழ்க்கை என்றால் ஆயிரம் இருக்கும்
வாசல் தோறும் வேதனை இருக்கும்
வந்த துன்பம் எது வந்தாலும்
வாடி நின்றால் ஓடுவதில்லை
வாடி நின்றால் ஓடுவதில்லை
எதையும் தாங்கும் இதயம் இருந்தால்
இறுதி வரைக்கும் அமைதி இருக்கும்
–
(மயக்கமா)
–
ஏழை மனதை மாளிகையாக்கி
இரவும் பகலும் காவியம் பாடி
ஏழை மனதை மாளிகையாக்கி
இரவும் பகலும் காவியம் பாடி
நாளைப் பொழுதை இறைவனுக்களித்து
நடக்கும் வாழ்வில் அமைதியைத் தேடு
நடக்கும் வாழ்வில் அமைதியைத் தேடு
உனக்கும் கீழே உள்ளவர் கோடி
நினைத்துப் பார்த்து நிம்மதி நாடு
–
(மயக்கமா)
–
———————————-

**ayyasamy ram** · **ayyasamy ram** Wed May 06, 2020 12:26 pm

ஒவ்வொருவருக்கும் வாழ்க்கையில் உச்சகட்ட சோதனை,
துன்பம், விரக்தி என்றஒரு நிலை ஏதாவது ஒரு தருணத்தில்
வரும்.

வறுமை, இயலாமை, பழி சொல்,துரோகம், எதிர்பாராத
சோகம், பிரிவு, என ஏதாவது ஒரு ரூபத்தில் துன்பம் நம்மை
தாக்கும்

அந்த தருணங்களில் நமக்கிருக்கும் கடவுள் நம்பிக்கையே
கூட அசைத்து பார்க்கப்பட்டுவிடும். உரலில் அகப்பட்டது
உலக்கைக்கு தப்பாது என்பது போல அதுல இருந்து எந்த
சேதாரமும் இல்லாம தப்பிச்சு வர்றதெல்லாம் அத்துணை
சுலபமில்லே.

அந்த சமயத்தில் என்ன ஆறுதல் எங்கு தேடினாலும் மனதுக்கு
அமைதி கிடைப்பது இல்லை.

அது போன்ற நேரங்களில் அனைவரும் கேட்க வேண்டிய பாடல்
தான் இந்த ‘மயக்கமா கலக்கமா’ பாடல். பாடலை கேட்ட
நொடிகளில் துவண்டு கிடக்கும் உள்ளங்கள் தெளிவு பெரும்.
வாழ்வில் நிச்சயம் ஜெயிப்போம் என்கிற எண்ணம் வேரூன்றும்.

மயக்கமா கலக்கமா மனதிலே குழப்பமா…

மயக்கமா கலக்கமா மனதிலே குழப்பமா…

Re: மயக்கமா கலக்கமா மனதிலே குழப்பமா…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக