மத்திய அமைச்சர் மீது வழக்குப்பதிவு

**ayyasamy ram** · **ayyasamy ram** Mon Aug 08, 2016 5:08 pm

-

லக்னோ :
மத்திய இணையமைச்சர் அனுப்பிரியா பட்டேல் மீது உ.பி., போலீசார் நேற்று வழக்குப்பதிவு செய்துள்ளனர்.
லக்னோவைச் சேர்ந்த 35 வயதாகும் அனுப்பிரியா பட்டேல் மிர்சாபூர் தொகுதியில் இருந்து எம்.பி.,யாக தேர்வு செய்யப்பட்டார். இவருக்கு மத்திய இணையமைச்சர் பதவியும் வழங்கப்பட்டது. மத்திய அமைச்சர் ஆன பிறகு அனுப்பிரியா, நேற்று முதல் முறையாக உ.பி., வந்தார். அவரை வரவேற்க விமான நிலையத்தில் அவரது ஆதரவாளர்கள் ஏராளமானோர் குவிந்தனர். விமான நிலையத்தில் இருந்து சர்தார் வல்லபாய் பட்டேலின் நினைவிடத்திற்கு அஞ்சலி செலுத்த அனுப்பிரியா சென்றார்.

அப்போது அவரது காரை பின்தொடர்ந்து 200 க்கும் மேற்பட்ட அவரது ஆதரவாளர்கள் ஊர்வலமாக சென்றனர். இதனால் லக்னோவில் சுமார் 2 மணிநேரத்திற்கும் மேலாக இயல்பு வாழ்க்கை பாதிக்கப்பட்டது. போக்குவரத்து முடங்கியது. அனுப்பிரியாவின் வருகையால் மக்களுக்கு ஏற்பட்ட அவதி காரணமாக, பொது மக்களுக்கு இடையூறு ஏற்படுத்தியதாக அனுப்பிரியா மற்றும் அவரது ஆதரவாளர்கள் மீது போலீசார் வழக்குப்பதிவு செய்துள்ளனர்.

இது குறித்து போலீசார் கூறுகையில், அனுமதியின்றி ஊர்வலமாக சென்று, மக்களுக்கு இடையூறு ஏற்படுத்தி உள்ளனர். மக்கள் பிரதியாக இருக்கும் ஒருவர் மக்களுக்கு இடையூறு ஏற்படுத்துவது சட்ட விரோதமானது. அனுப்பிரியா மீது வழக்குப்பதிவு செய்யப்பட்டதை எதிர்த்து போராட்டம் அறிவிக்கப்பட்டுள்ளது. இதனால் அப்பகுதியில் 144 தடை உத்தரவு பிறப்பிக்கப்பட்டுள்ளது என்றார்.

சிவனாசான் · சிவனாசான் Wed Aug 10, 2016 6:57 pm

பலே....பலே.... தமிழ் நாட்டில் இப்படி கொண்டு வரனும். வரவேற்கலாம். நல்ல ஆட்சி நிர்வாகம்.

மத்திய அமைச்சர் மீது வழக்குப்பதிவு

மத்திய அமைச்சர் மீது வழக்குப்பதிவு

Re: மத்திய அமைச்சர் மீது வழக்குப்பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக