தாய்-மகள்

Balki1973 · Balki1973 Fri 5 Aug 2016 - 14:01

தாய்மை எனும் சிறப்பை தந்த
என் அன்பு மகளே
கண் திறந்து பார் அம்மா
உன் சுற்றம் உன்னை சூழ்ந்து நிற்க
அச்சம் ஏன் கண்ணே
இருட்டறையில் உன்னை
பத்து மாதம் பூட்டி வைத்தேன்
என்று கோபமா என் செல்லமே
என தாய் கேட்க
குழந்தையும் கண் திறந்து
சிரித்தது

இந்த உலகுக்கு எனை ஈந்த
என் அன்பு அன்னையே
ஏன் கண் மூடி இருக்கிறாய்
உன் அருமை குழந்தைகள்
உன் அருகே நின்று கதறி அழ
நீ கண் திறக்க மறுக்கிறாயே
அன்று நீ கேட்டதும்
நான் கண் திறந்தேனே
இன்று நான் கெஞ்சுகிறேன்
நீ அமைதியாக இருக்கிறாயே
உன் உள்ளம் இரங்கவில்லையா
அது சரி உன் உள்ளம்
தூங்கிய பின் எப்படி
எங்களுக்காக துடிக்கும்