3 கோடி மதிப்புடைய வீடும், எஸ்யூவி கார்களும் வைத்திருந்தும் சாலை ஓரத்தில் உணவு கடை நடத்தும் ஆசிரியை

**ayyasamy ram** · **ayyasamy ram** Thu Aug 04, 2016 4:06 pm

-
குருகிராம்:
ஹரியானா மாநிலம் குருகிராமில் சாலை ஓரத்தில்
ஆசிரியை ஒருவர் சென்னா மசாலா, ரொட்டி, பானி பூரி
போன்ற சிற்றுண்டிகளை வியாபாரம் செய்து வருகிறார்.

இவருக்கு மூன்று கோடி மதிப்புடைய வீடும், எஸ்யூவி
கார்களும் உள்ளன. ஆனாலும் குடும்பத்தின் பொருளாதாரா
சூழ்நிலைக்காக இந்த வியாபாரத்தை செய்து வருகிறார்.

இவரது கணவர் மாடியில் இருந்து கீழே விழுந்ததில் இடிப்பு
பகுதி அடிபட்டது. மருத்துவமனையில் சேர்க்கப்பட்ட அவரால்
இனிமேல் எழுந்து நடக்க முடியாது என்று மருத்துவர்கள்
தெரிவித்தனர்.

இதனால் மனமுடைந்த ஆசிரியர் ஊர்வசி வீட்டில் இருக்க
விருப்பம் இல்லாமல். குடும்பத்தை கவனிக்கும் பொறுப்பை
மேற்கொண்டார். வசதியான குடும்பத்தை சேர்ந்தவர்
என்றாலும் எதிர்கால பொருளாதார நிலையை கருத்தில்
கொண்டு இந்த வியாபாரத்தை தொடங்கியுள்ளார்.

அவருடைய இரண்டு குழந்தைகளும் குருகிராமில் பிரபல
பள்ளியில் படிக்கின்றனர். கணவனுக்கு அடிப்பட்ட மறுநாள்
அவர் ஆசிரியர் வேலையை ராஜினாமா செய்தார். அடுத்த
15 வது நாள் சிற்றுண்டி கடையை திறந்துள்ளார்.

ஊர்வசியின் கடை அந்த பகுதியில் மிகவும் பிரபலம்
அடைந்துள்ளது. மேலும் சிலர் சமூக வலைத்தளங்களில்
புகைப்படங்களை பதிவு செய்துள்ளனர்.

இது குறித்து பேசிய அவர், கணவருக்கு அடிபட்டதால்
அவருக்கு உதவ முடிவு செய்தேன். எனக்கு சமையல் செய்வதில்
ஆர்வம் உண்டு. எனவே இந்த உணவு கடையை திறக்க முடிவு
செய்தேன் என்று கூறினார்.
தினமும் ரூ.2,500 முதல் ரூ.3000 வரை வருமானம் வருவதாக
தெரிவித்தார். பணம் சேர்த்து சொந்தமாக ஒரு உணவு வாகனம்
அல்லது உணவு விடுதி வாங்க வேண்டும் என்பது ஊர்வசியின்
கனவு என்று கூறினார்.
–
—————————-
தினத்தந்தி

3 கோடி மதிப்புடைய வீடும், எஸ்யூவி கார்களும் வைத்திருந்தும் சாலை ஓரத்தில் உணவு கடை நடத்தும் ஆசிரியை

3 கோடி மதிப்புடைய வீடும், எஸ்யூவி கார்களும் வைத்திருந்தும் சாலை ஓரத்தில் உணவு கடை நடத்தும் ஆசிரியை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக