சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Guest · Guest Wed Aug 03, 2016 12:15 pm

தஞ்சாவூர், சாலியமங்கலத்தில் ஆதிக்க சாதியினரால் ஆண்டுக்கு 15 பெண்கள் பலாத்காரம் செய்யப்படுகிறார்கள். இந்நிலையில் கடந்த 31-ஆம் தேதி ஊரின் ஒதுக்குப்புறத்தில் உள்ள ஒரு தோட்டத்தில் கலைச்செல்வி என்ற இளம்பெண் நிர்வாணமாக கொலை செய்யப்பட்டு கிடந்த சம்பவம் பெரும் அதிர்ச்சியை ஏற்படுத்தியுள்ளது.

கலைச்செல்வியின் உடலில் கொடூரமான காயங்கள் இருக்கின்றன. வாயில் கிழிந்த உள்ளாடையைத் திணித்துவிட்டு பாலியல் வன்கொடுமையில் ஈடுபட்டுள்ளனர். அதன்பிறகு சாகும் வரையில் கொடூரமாகத் தாக்கியுள்ளனர். போஸ்ட்மார்ட்டம் அறிக்கையில் பாலியல் சித்ரவதை செய்தது உறுதி செய்யப்பட்டுள்ளது.

இந்த கொலையை செய்த ராஜா மற்றும் குமார் என்ற இருவர்கள் கைது செய்யப்பட்டுள்ளனர். இவர்களை கைது செய்வதிலும் காவல்துறை மெத்தனம் காட்டியுள்ளனர். மதுரை எவிடென்ஸ் அமைப்பினர் தலையிட்ட பின்னரே அவர்களை கைது செய்துள்ளதாக கூறப்படுகிறது.

இந்த ஊரில் குறைவான எண்ணிக்கையில் வசிக்கும் தலித் சமூகத்து பெண்களை, அதே ஊரை சேர்ந்த ஆதிக்க சாதியினர் சிலர் இது போன்ற பாலியல் கொடுமைகள் செய்வதாக குற்றச்சாட்டுகள் வருகின்றன. வருடத்திற்கு 15 பெண்களாவது இது போன்று பாதிக்கப்படுகிறார்கள்.

தங்களை காப்பாற்றும்படி அந்த ஊர் தலித் மக்கள் அரசாங்கத்திடம் கோரிக்கை வைக்கின்றனர். என் புள்ளையக் கொன்ன மாதிரியே அவனுங்களும் சாகனும். எங்களுக்கு வேற எதுவும் வேணாம். அரசாங்கத்தோட எந்த உதவியும் வேண்டாம் என கதறி அழுகிறார் கலைச்செல்வியின் தந்தை ராஜேந்திரன்.
நன்றி-வெப்துனியா

சிவனாசான் · சிவனாசான் Thu Aug 04, 2016 6:36 am

பாதிக்கப்பட்ட வரின் தந்தை ராஜேந்திரன் கூறும் தீர்ப்பே மிகச்சரியான தீர்ப்பு.கொலைக்கு கொலை தான் சரியான தண்டனை. இதெற்கெல்லாம் காரணம் அரசாங்கம் கலப்பு திருமணத்திற்கு பரிசு கொடுத்து பாராட்டுவதாலேதான்.பெற்றோர் சம்மதமின்றி காதலித்து செய்யும் கலப்பு திருமணத்திற்கு சம்மதிக்கவே கூடாது.பதிவும் செய்யக்கூடாதுன்னு சட்டம் கொண்டு வரனும். அப்போதான் இதெற்கெல்லாம் முற்று புள்ளி வைக்க முடியும்.

**ayyasamy ram** · **ayyasamy ram** Thu Aug 04, 2016 7:23 am

பாலியல் வன்முறை எங்கு நடந்தாலும்
அனைத்து சமூகத்தினரும் அதனை எதிர்த்து
குரல் கொடுக்க வேண்டும்...
-

**M.Jagadeesan** · **M.Jagadeesan** Thu Aug 04, 2016 8:33 am

அரபுநாடுகளில் இருப்பதுபோல தண்டனை கடுமையாக இருக்கவேண்டும் . எந்த உறுப்பு தவறு செய்கிறதோ , அந்த உறுப்பை வெட்டி எறிந்துவிட வேண்டும் . அப்போதுதான் இதுபோன்ற பாலியல் வன்முறைகள் குறையும் .

**ராஜா** · **ராஜா** Thu Aug 04, 2016 1:45 pm

தஞ்சாவூர், சாலியமங்கலத்தில் ஆதிக்க சாதியினரால் ஆண்டுக்கு 15 பெண்கள் பலாத்காரம் செய்யப்படுகிறார்கள்

காவல்துறையும் அரசும் என்ன பண்ணி கொண்டிருக்கிறார்கள்.

இந்த அப்பாவிகளுக்கு குரல் கொடுக்க ஒரு சாதிக்கட்சி தலைவன் கூடவா இல்லை , இல்லை இவனுங்களுக்கு வேறு!! வேலை ஏதும் இருக்கிறதா ?!

Sponsored content · Sponsored content

சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Re: சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Re: சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Re: சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Re: சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

Re: சுவாதிக்கு முன்னுரிமை கொடுக்கும் ஊடகங்கள் கலைசெல்வியை மறந்தது என்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக