சரவணன் – மீனாட்சி அடுத்த ரவுண்ட்!

-
சினிமாவில் மட்டும்தான் பார்ட – 1, 2, 3 என எடுக்க
முடியுமா?
சும்மாவே இழுக்கிற சீரியல் ஆட்களால் முடியாதா?
‘சரவணன் மீனாட்சி’ 2வது பார்ட் முடிந்து 3வது சீசன்
ஆரம்பமாகி இருக்கிறது. முதலில் பார்ட் –
1, 2 முடிக்கப்பட்டதன் பின்னணி பற்றி தெரிந்து கொள்ளலாம்.

ஸ்ரீஜாவும், செந்திலும் சேர்ந்து நடித்த பார்ட்-1 தான் மக்கள்
மத்தியில் செம ரீச். சீரியலின் தொடக்கத்திலேயே இருவருக்கும்
காதல் என கிசுகிசுக்கப்பட்டது. ஒரு கட்டத்தில் அந்த கிசுகிசு
உண்மையானது. அவர்களது காதல் வெளியே தெரியவர,
இருவருமே இனி தொடர்ந்து சேர்ந்து நடிக்க முடியாது என
மறுத்துவிட்டனர்.

வேறு வழியில்லாமல் சீரியல் முடித்து வைக்கப்பட்டது. பிறகு
மக்கள் நம்பியது போலவே செந்திலும் ஸ்ரீஜாவும் நிஜ
தம்பதிகளாகி விட்டது தனி எபிசோட்.

‘சரவணன் மீனாட்சி’ என்ற அந்தப் பெயருக்கு கிடைத்த ரீச்
பார்ட்-2 வரக் காரணமாக அமைந்தது. இதில் சரவணனாக இரண்டு
பேர் வந்தும் செட் ஆகாததால் கடைசியில் வில்லன் வேட்டையன்
ஹீரோவாகி ஹீரோயினைக் கைபிடித்தார்.

‘இது என்ன பெரிய அக்கிரமமா இருக்கே! சரவணனுக்கு என்ன
ஆச்சு? திரும்ப வருவானா?’ என சீரியலை விடாமல் பார்த்துக்
கொண்டிருந்தவர்கள் கேட்டுக் கொண்டிருக்க, ‘விடு ஜூட்’ என
திடீரென எண்ட் கார்டு காட்டப்பட்டு, புதிய அத்தியாயத்தில்
என்று பார்ட் – 3 ஒளிபரப்பாகத் தொடங்கி விட்டது.

‘சரி, பார்ட்-3 கதை என்ன? கடந்த சீசனில் என்னதான் பிரச்னை?’
இயக்குநர் பிரவீன் பென்னெட்டிடமே கேட்டோம்.

‘பார்ட் – 2ல் முதல்ல ஹீரோவா இர்ஃபான் கமிட் ஆனார். இந்த
தொடருக்கு வந்த பிறகு அவருக்கு நிறைய சினிமா சான்ஸ்,
ஒருகட்டத்தில் தனக்கு சினிமாதான் முக்கியம்னு நினைக்கத்
தொடங்கினதால் வெளியேறினார்.

அடுத்து வெற்றி. அவரால் கேரக்கடருக்குள்ள செட் ஆக முடியலை.
சைடு ஆர்ட்டிஸ்டுகள் எத்தனை தடவை வேணாலும் மாறலாம்.
ஹீரோ மாறினா நல்லா இருக்குமா? மூணாவதாகவும் ஒருத்தரை
மாத்தணுமான்னு தான் கவின் கேரக்டருக்கு வெயிட் கொடுத்தோம்.

ஆனாலும் சரவணன் திரும்ப வருவானாங்கிற கேள்வி
இருந்துகிட்டே இருந்துச்சு. எவ்வளவு நாட்களுக்குத்தான்
நிழலையும் வாய்ஸையம் வச்சு ஒப்பேத்த முடியும்? அதனால
முடிக்க வேண்டியதாயிடுச்சு.

லாங் ஜர்னியா போகிற சீரியல்ல ஆர்டிஸ்டுகள் சேஞ்ச் அடிக்கடி
நடந்தா ரேட்டிங் குறைஞ்சிடும்தான். ஆனா அதற்கு காரணம்
ஒரு சைடு மட்டுமில்லைங்கிறதே நிஜம். இப்ப தொடங்கியிருக்கிற
சீசன்ல அப்படியெல்லாம் நடக்காதுன்னு நம்பறோம்.

அடுத்ததா இப்ப ஆரம்பிச்சிருக்கிற கதைக்கும் முந்தைய
‘சரவணன் மீனாட்சி’க்கும் உள்ள ஒரே ஒற்றுமை பெயர் மட்டும்
தான். வேற எந்த தொடர்பும் கிடையாது. பெயர் சேனலோட பிராண்ட்
மாதிரி ஆகிவிட்டதால அதையே வச்சிட்டோம்.

இந்தக் கதை கம்ப்ளீட்டா புதுசு. ஹீரோ சரவணனா ரியோ பண்றார்.
ஆர்ட்டிஸ்டுகள்ல ரச்சிதா, நந்தினி, டாம் ஃப்ராங்க், ராஜசேகர்னு
கம்ஃபர்டபிளா இருக்கிற சிலரைத் தவிர மத்தவங்களும் புது
முகங்களே’ என்கிறார் பென்னட்.
–
———————————-

– அய்யனார் ராஜன்
குமுதம்