சரித்திரம் படைக்கும் சாமான்யர்கள்!

**ayyasamy ram** · **ayyasamy ram** Wed Aug 03, 2016 7:35 am

செல்வோம் வெல்வோம்! எளிமையான கோஷத்துடன்
வலுவான அணியாக பிரேசில் நாட்டின் ரியோடி
ஜெனிரோவில் நடக்கும் ஒலிம்பிக் போட்டியில்
பங்கேற்க இந்திய அணி புறப்பட்டுச் சென்றுள்ளது.

இந்திய ஒலிம்பிக் வரலாற்றில் முதல்முறையாக நூற்றுக்கும்
மேற்பட்ட வீரர்-வீராங்கனைகள் பங்கேற்கும் போட்டி
இதுதான். சுமார் 121 விளையாட்டு வீரர்கள் கரஙகளில்
தேசியக் கொடியையும், இதயத்தில் 130 கோடி இந்திய மக்களின்
அன்பையும் கனவுகளையும் சுமந்தபடி சென்றுள்ளனர்.

அணிவகுப்பில் அபிநவ் பிந்த்ரா தேசியக் கொடியைச் சுமந்து
செல்ல பின்தொடரும் அணியில் டேபிள் டென்னிஸ் வீரர்
சரத்கமல் தவிர்த்து தடகளத்தில் இரண்டு தமிழர்களும்
இருக்கிறார்கள் என்பது பெருமைக்குரிய விஷயம்.

ஒவ்வொரு விளையாட்டுக்கும் பெருமை சேர்க்கும் போட்டிகள்,
கோப்பைகள் தனித்தனியாக எவ்வளவோ எவ்வளவோ
இருக்கின்றன. அதனால் ஒலிம்பிக்கைப் பொறுத்தவரை
தடகளத்தில் நிகழ்த்தப்படும் சாதனைகளே அதன் தனித்
தன்மை. எனவே இதில் முத்திரை பதிப்பதே ஒவ்வொரு
நாட்டின் குறிக்கோளாக இருக்கும்.

சுமார் 207 நாடுகள் 28 விளையாட்டுகள் 306 போட்டிகள்
10500 வீரர், வீராங்கனைகள் பங்கற்கும் மாபெரும் போட்டி
ஒலிம்பிக்.

இதில் தடகளத்தில் பங்கேற்க தகுதி பெறுவதே இமாலய
சாதனையாக இருக்கும் நேரத்தில், இந்தியா சார்பில் 37 பேர்
பங்கேற்பதும் அதில் இரண்டுபேர் தமிழர்கள் என்பதே
பெருமைக்குரியதுதான்.

**ayyasamy ram** · **ayyasamy ram** Wed Aug 03, 2016 7:36 am

சரித்திரம் படைக்கும் சாமான்யர்கள்! KHizPH9ESMKZfZSgongQ+201604181238137325_Dipa-Karmakar-becomes-1st-Indian-woman-gymnast-to-qualify_SECVPF

-
தீபா கர்மார்கர்
-----------------------------------------

தடகளப்போட்டியைப் பொறுத்தவரை மில்காசிங்கும்,
பி.டி. உஷாவும் நான்காவதாக வந்ததே ஒலிம்பிக்கில் நம்
அதிகபட்ச சாதனை.
‘இந்த 2016 ஒலிம்பிக் போட்டியில் 400 மீட்டர் தொடர் ஓட்டப்
பநதயத்தில் பங்கெடுக்கும் இந்திய அணியின் ஆறு வீரர்களில்
இரண்டு பேர் தமிழர்கள். ?

உலகளவில் மிகச்சிறந்த 16 அணிகளுள் ஒன்றாக இன்று நாம்
உயர்ந்து நிற்பதே இந்த இரண்டு தமிழர்களால்தான்.
அதில் ஒருவர் திருப்பூரைச் சேர்ந்த தருண், மற்றொருவர்
திருச்சியை சேர்ந்த ஆரோக்கியராஜ்.

இதில் ஆரோக்கியராஜ் தந்தை ஒரு சாதாரண டிரைவர்.
தருணோ சிறுவயதிலேயே தந்தையை இழந்து, ஏழைத் தாயால்
வளர்க்கப்பட்டவர். சாதாரண ஏழைக்குடும்பத்தில் பிறந்து
சரித்திர நாயகர்களாக உயர்ந்துள்ள இவர்களின் ஒவ்வொரு
சிறிய முயற்சியும் வெற்றியுமே உண்மையான சாதனைதான்.

சானியா மிர்ஸா, சாய்னா நெய்வால் போன்ற நட்சத்திர
வீரர்களைச் சுற்றியே நம் சிந்தனைகள் சுழன்று கொண்டிருக்க
ஒலிம்பிக்கில் முதல்முறையாக ஜிம்னாஸ்டிக்கில் இந்திய
தேசியக் கொடியை உயர்த்திப் பிடிக்கும்போகும்
தீபா கர்மாகர்,
-
தடகளத்தில் அதிவேக ஓட்டப் பந்தயங்களில்
ஒன்றான 100 மீட்டர் ஓட்டத்தில் பங்கேற்பதன் மூலம் 130 கோடி
மக்களின் கௌரவத்தைக் காப்பாற்றிய டுட்டிசந்த் இருவரும்
இந்தியாவின் இதயத்தில் இடது வலது என்றே சொல்லலாம்.

இவர்கள்தான் உண்மையிலேயே கவனிக்கப்பட வேண்டியவர்கள்’
என்கிறார் தடகளத்தில் தமிழகத்தில் இருந்து முப்பதுக்கும்
மேற்பட்ட சர்வதேச வீரர்களை உருவாக்கிய பயிற்சியாளர்
நாகராஜ்.
–
———————————
இளையரவி
குமுதம்

சிவனாசான் · சிவனாசான் Thu Aug 04, 2016 6:28 am

விளையாட்டிற்கு அவ்வளவு செலவு செய்வது >>>>>>>>>>>>>>>>>>

இந்த பதிவைத் துவங்கியவர் நன்றி கூறியுள்ளார் சிவனாசான்

Sponsored content · Sponsored content

சரித்திரம் படைக்கும் சாமான்யர்கள்!

சரித்திரம் படைக்கும் சாமான்யர்கள்!

Re: சரித்திரம் படைக்கும் சாமான்யர்கள்!

Re: சரித்திரம் படைக்கும் சாமான்யர்கள்!

Re: சரித்திரம் படைக்கும் சாமான்யர்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக