"கட்சி தலைவர் கன்னத்தில் அறைந்தார்": ராஜ்யசபாவில் சசிகலா புஷ்பா ‛திடுக்'

புதுடில்லி: திமுக எம்பி திருச்சி சிவாவை அடித்த காரணத்தினால் எனது உயிருக்கு அச்சுறுத்தல் இருப்பதாகவும், கட்சி தலைவர் எனது கன்னத்தில் அறைந்தார் என்றும் ராஜ்யசபாவில் அதிமுக எம்.பி., சசிகலா புஷ்பா கூறியதால் பரபரப்பு ஏற்பட்டது.
டில்லி விமான நிலையத்தில் திருச்சி சிவாவை 2 நாட்களுக்கு முன்னர் சசிகலா புஷ்பா கன்னத்தில் அறைந்தார். இந்நிலையில் சசிகலாவை ஜெ., நேற்று போயஸ்கார்டனுக்கு அழைத்து விசாரித்துள்ளார். இவரிடம் கட்சி மூத்த நிர்வாகிகள் விசாரித்தததுடன் அவரை ராஜினாமா செய்யுமாறு நிர்பந்தித்துள்ளனர்.


இந்நிலையில் இன்று காலையில் ராஜ்யசபா துவங்கியதும் சசிகலா புஷ்பா அவையில் பேச துவங்கினார். அவர் பேசுகையில் ; நான் திருச்சி சிவாவை கன்னத்தில் உணர்ச்சி வசப்பட்டு அடித்து விட்டேன். இதற்காக நான் சிவாவிடமும், அவரது கட்சி தலைவரிடமும் நிபந்னையற்ற மன்னிப்பு கோருகிறேன். மேலும் எனது உயிருக்கு அச்சுறுத்தல் ஏற்பட்டுள்ளது.
நேற்று நான் வீட்டுச்சிறையில் வைக்கப்பட்டேன். நான் கட்சி தலைவரால் விசாரிக்கப்பட்டேன். நானும், எனது கணவர், குழந்தைகளுடன் சென்றேன். எனது தரப்பு நியாயத்தை எடுத்து கூற அனுமதி தரவில்லை. மேலும் கட்சி தலைவர் எனது கன்னத்தில் அறைந்தார். எனது பதவியை ராஜினாமா செய்யுமாறு நிர்பந்தம் செய்கின்றனர்.


நான் ராஜினாமா செய்ய மாட்டேன், நான் ராஜினாமா செய்ய முடியாது. இந்த நாட்டில் பெண்களுக்கு பாதுகாப்பு இல்லை. எனக்கு பாதுகாப்பு அளிக்க வேண்டும். இவ்வாறு கண்ணீர் விட்டபடி கதறி அழுது கொண்டே பேசினார்.இந்த பேச்சால் அவையில் பரபரப்பு ஏற்பட்டது. அதற்கு பதில் அளித்த அவைத்தலைவர் தங்கள் பிரச்சனைகளை புகார் மனுவாக தலைவருக்கு கொடுக்குமாறு கேட்டு கொண்டார். இது தொடர்பாக அவை கவனத்தில் கொள்ளும் என்றும் கூறினார்.
-
தினமலர்

அதிமுக.,வின் அடிப்படை உறுப்பினர் பதவியில் இருந்து
சசிகலா புஷ்பா நீக்கப்பட்டதாக அதிமுக பொதுச் செயலாளர்
ஜெயலலிதா உத்தரவிட்டுள்ளார்.

நடிகையிடம் நாடகம் போட்டால் நடக்குமா?

யினியவன் wrote:நடிகையிடம் நாடகம் போட்டால் நடக்குமா?

அதானே .....

கையை பிடித்து இழுத்தார் , புடைவையை பிடித்து இழுத்தார் என்பது போல செய்திகள் எல்லாம் நாம பார்த்தது தானே

நாளை குரு பெயற்சி. சிம்ம ராசியிலிருந்து கன்னியா ராசிக்கு செல்கிறார்.

இப்போதுதான் புதிய தகவல்கள் வெளியாகி வருகின்றன. சிவாவுடன் கைபேசியில் சசிகலா பேசியவை வாட்சப்பில் வெளியாகி உள்ளது. இதைவிட இன்னொரு செய்தி, சசிகலாவை ஜெயலலிதா ஞாயிறு சந்திக்கவே இல்லையாம்.தம்பித்துரை மட்டுமே சந்தித்து கையெழுத்து பெற்றாராம். பொதுவாக ஞாயிறு அன்று யாரையும் சந்திக்கும் வழக்கம் ஜேக்கு இல்லையாம். திமுக விற்கு தாவும் திட்டமே காரணம் என்கிறார்கள். துர்நாற்றம் அடிக்கும் தமிழக அரசியல்