காகிதங்கள்:- பிரபாவதி வீரமுத்து

**ayyasamy ram** · **ayyasamy ram** Tue Aug 02, 2016 2:57 pm

-
காகிதங்களில் காந்தம் வைத்து
வித்தை காட்டிய ஞாபகம்
–
பூவை மொய்க்கும் வண்டுபோல்
எண்ணெய் தலைகளை
விரட்டி பிடித்து
காகிதங்களில் தோய்த்து எடுத்து
அறிவியல் தவளையை
அப்படியே பிரதி எடுத்து
பிரமிக்க வைத்து
நன்று வாங்கிய ஞாபகம்
–
காகிதங்களில் மையை ஊற்றி
அதை மூடி
கையால் குத்து குத்தென்றி குத்தி
பின்
மரம்
செடி
யானை
எருமை
புல்
பாம்பு
மேகம்
என்று
ஒரே நேரத்தில் வரைந்து
நான் ரவிவர்மா
ஆனது யாருக்குத் தெரியும்
–
சொன்னாலும் யாரும் நம்பமாட்டார்கள்
நீயாவது நம்புவாயா?!
என் காகிதமே
–
என் கனவு ஏவுகணை
காகிதத்தில் செய்து
இராக்கெட்டை பறக்கவிடும் கணம்
ஆசிரியர் வந்து தலையில் கொட்டி
படி
என்றதை அறிவாயா!?
என் காகிதமே
–

**ayyasamy ram** · **ayyasamy ram** Tue Aug 02, 2016 2:58 pm

காகிதங்கள்:- பிரபாவதி வீரமுத்து Sng2l0iPS9GA2K0YwBzs+images(1)

-
பலபேருக்கு தூது போவாய்
தேர்வறையில்
நான் குனிந்த தலை நிமிராமல்
எழுதிகொண்டிருக்க
எங்கேயேனும் என் இடத்தில்
விழுந்துவிடுமோ என்ற அச்சத்திலேயே
உன்னை நிரப்புவேன் உணர்வாயா!?
என் காகிதமே….
–
திருடன் போலீஸ் விளையாட
உனை துண்டு துண்டாக்கி
ஆரம்பிக்க கடைசியில்
யார் வெற்றிபெற்றது
எனும் போட்டியில்
உனை கிழித்து போட்டு
அமளி துமளி ஓய்ந்து
சிரித்து மகிழ்ந்த ஞாபகம் நினைவிருக்கா…..
–
காதலன் காதலிக்கு தூது போவாய்

மக்களின் குறைகளுக்கு
மனுவாகி அரசாங்க அலுவலகத்தில்
தூசி படிந்து பின் வெளியேறி
தேனீர்கடையில் வடை வைத்து தரும்
என் மனுவே
யார் என் குறையை அறிந்தார்
உன்னைத் தவிர…..
–
கடைசியில்
குப்பை தொட்டியில் கூட போடாமல்
எனை போல் உனையும்
திரிய விட்டனரா…!
–
நூற்றுக்கு நூறு சுமந்து வந்துவிடு
என் காகிதமே அப்பொழுது தான்
எனக்கு சோறு வீட்டில்
–
ஆபத்திற்கு உதவா பணம்
பின் வெறும் காகிதம் தான்
–
உனை அடைய அடித்துக்
கொள்கிறார்கள்
உயிலாக என் மகன்கள்
இந்த கிழவியை மட்டும்
பத்திரமாக
மூட்டைகட்டிவிட்டு
–
எழுதா எழுத்தில் வெள்ளை உள்ளமாய்
தெளிவாய் தூய்மையாய் இருக்கிறாய்
–
என் மனம் தெளிவில்லாமல்
வாழ்க்கையின் விளிம்பில்
ஊசலாடுகிறது
கேட்க யாருமில்லாமல்
தனிமை எனும்
சிறையில்
அடைபட்டு கிடக்கிறேன்
உன்னில் எழுதி
என் மனக்குமுறலை ஆற்றிக்
கொண்டிருக்கிறேன்
–
அதை பேத்தி கப்பல் செய்து விடுவதை பார்த்து
மகிழ்கிறேன்
நானும் கரைசேர்ந்தேன்
உன்னில்
சில இரத்தக் கறைகளுடன்
–
———————————–
கவிதைமணி

காகிதங்கள்:- பிரபாவதி வீரமுத்து

காகிதங்கள்:- பிரபாவதி வீரமுத்து

Re: காகிதங்கள்:- பிரபாவதி வீரமுத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக