நரிமுக தரிசனம் கிடைக்கவேயில்லை …

**ayyasamy ram** · **ayyasamy ram** Mon Aug 01, 2016 5:34 pm

யாத்ரீகன் ஒருவன்
யாருமற்ற குளிரிரவில்
வீட்டுத் திண்ணையில்
தங்கச் சொன்ன உதவிக்காய்
என் கை பார்த்து
சோதிடம் சொன்னான்.
–
நரி முகத்தில் விழித்தால்
அடுக்கடுக்காய் அதிர்ஷ்டம்
வரும்.
நரி முகத்தில் விழித்தாலொழிய
நிம்மதியில்லை உனக்கு
–
நகர வாழ்க்கையில்
நரிக்கு எங்கே போவது?
அரைக்கம்பத்தில்
பறக்கும் கொடி போல
பூப்பூக்கும்
கரும்புத் தோட்டங்களைத் தேடி
இரவில் நரிகள் வருமாம்
–
கிராமத்துக்குச் சென்று
காத்திருந்து பார்த்தேன்
பயங்களை சாட்சி வைத்து
பாம்புகள் கூடிய காட்சி தவிர
நரிமுக தரிசனம்
கிடைக்கவேயில்லை
–
நெற்றிக் கண்ணுடையோன்
மீண்டும் ஒரு முறை
நரிகளையெல்லாம்
பரிகளாக மாற்றி விட்டானே
–
தந்திரம் பயில்வதற்கு
தனித் தீவிற்கு சென்று
தியானத்தில் அமர்ந்திருக்குமோ
நான் ஒட்டுக் கேட்டதை
அறியாமல்
அருகிலிருந்த மரக்கிளையில்
இரண்டு பறவைகள்
பேசிக்கொண்டன
–
பறவை ஒன்று:
இரவெல்லாம் ஊளையிட்டு
தூக்கம் கலைக்கும்
நரிகள் எல்லாம்
எங்கே போயின?
–
பறவை இரண்டு:
மனிதர்கள் முகத்தில் விழித்தால்
துரதிர்ஷ்டம் என்று
எல்லா நரிகளும்
எங்கோ ஓடிவிட்டன!”
–
——————–
நா.முத்துக்குமார்
அ’னா ஆவன்னா – கவிதை தொகுப்பிலிருந்து

சிவனாசான் · சிவனாசான் Mon Aug 01, 2016 9:53 pm

நல்ல கவிதை பதிவு அய்யா....நன்று.

இந்த பதிவைத் துவங்கியவர் நன்றி கூறியுள்ளார் சிவனாசான்

நரிமுக தரிசனம் கிடைக்கவேயில்லை …

நரிமுக தரிசனம் கிடைக்கவேயில்லை …

Re: நரிமுக தரிசனம் கிடைக்கவேயில்லை …

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக