சாரல் கரங்கள்

Gaiyathri · Gaiyathri Sun Jul 31, 2016 6:58 pm

விடுமுறை ஞாயிறு விடுப்பில் சூரியன்
பணிக்கு வந்த மேகக்கூட்டம்
அதிகாலை பொழுது மௌன காற்று
காற்றின் ஈரத்தில் மெல்லிய வாடை
தொலைவில் கேட்கும் பறவைகளின் சங்கீதம்
இலைகளோடு உறவாடும் சிறு பனித்துளி
நடந்து செல்லும் வழியில் மலர்ந்த
வண்ணமயமான காட்டுப்பூக்கள்
நடுவில் மலர்ந்த அழகிய ரோஜா
ஆசையில் குனிந்து நுகர்ந்தேன்
வாசம் நாசியை தூக்க
தலைநிமிர்ந்த பொழுது
நெற்றியில் ஒற்றை துளி
இயற்கை அன்னையின் ஆன்மாவை
தொடும் அன்பு பரிசு
மெல்ல அணைத்தாள் சாரல் கரங்கள் கொண்டு .....