Pokemon Go - கைபேசி விளையாட்டு

Pokemon Go – என்ற கைபேசி விளையாட்டு தற்போது மிகப் பிரபலாகி Iphone+android கருவிகளில் 9 மில்லியனுக்கு மேல் பதிவிறக்கப்பட்டு விளையாடப்பட்டு வருகிறது.

1990 களில் பூச்சி இனங்களை சேகரிக்கும் பொழுதுபோக்கைக் கொண்ட சதொஷி டாசிரி -சப்பான்-இந்த போக்கமொன் விளையாட்டை தொடங்கினார். வீட்டினுள் இருந்து விளையாடி உடலையும் மனத்தையும் பாழாக்கும் விளையாட்டுகளில் இருந்து வேறுபட்டு,வெளியில் விளையாட வழி செய்யும் வகையில் உருவாக்க தொடங்கினார்.

போக்கமொனை பிடிப்பதற்கு ஆஷ் கெட்சு பயிற்சியாளராகவும்-விளையாடும் நபர்-, ஜெசி, ஜேம்ஸ்,மியோவ்த்,-மிஸ்டி,ப்ரொக் - வில்லன்களாகவும் காட்டி விளையாட்டு தொடங்கப்பட்டது.

எச்சரிக்கை- GPS பயன்படுத்துவதால் இருக்கும் இடம் உட்பட கூகிள் கணக்கில் செல்லும் போது சேமிக்கப்பட்ட தனிப்பட்ட அனைத்து தகவல்களையும் எடுத்துக் கொள்ள அதிக சந்தர்ப்பம் உள்ளது.இதை தடுக்க விளையாட்டு தொடங்கு முன்னர் Pokemaon Go வை சொடுக்கி அருகே உள்ள Remove full access என்பதை தெரிவு செய்யலாம். அல்லது புதிய கூகிள் கணக்கை இதற்கு மட்டும் உருவாக்கி பயன்படுத்தலாம்.பாட்டரி இழப்பு அதிகமாகவும் இருக்கும்.காமெரா பாவனை பற்றியும் கவனம் தேவை.வாகனம் ஓட்டும் போது பாவிக்காமல் விடுவது அவசியம்.மூன்றாம் தரப்பு  பதிவிறக்கங்களை தவிர்ப்பதும் அவசியம்.

அதே சமயம் விளையாடிக் கொண்டு சென்ற ஒருவர், இறந்தவரின் உடலையும்,திருட முயன்ற ஒருவரையும் கண்டு பிடித்து காவல் துறைக்கு உதவி இருந்தார் என்பதையும் மறக்க முடியாது..

இந்த விளையாட்டு பற்றி அனைத்துலக உளநோய் மையத்தின் தலைமை உளநோய் ஆலோசகர் டாக்டர் எட்வர்ட் சான் ,'உளநோய் உள்ளவர்களுக்கு அருமருந்தாக அமையும். மனக் கலக்கம், மனச் சோர்வு முதலிய மனநிலைகளைக் குணப்படுத்த இது உதவுகிறது.எடுத்துக்காட்டுக்கு, மனச் சோர்வால் பாதிக்கப்பட்டவர்களுக்கு அவர்களின் எதிர்மறை எண்ணங்களைக் கைவிடவும் அவர்களின் கூட்டுக்குள்ளிருந்து வெளியுலகுக்கு வரவும் இது மறைமுகமாக உதவுகிறது. அவர்கள் வீட்டுக்குள்ளேயே கிடந்து உழலாமல் வெளியுலகம் வந்து இந்த விளையாட்டில் ஈடுபாடு கொண்ட சக மனிதர்களுடன் கலந்துறவாடுவார்கள். அதன்வழி தன்மதிப்பையும் சமூகத் திறன்களையும் மேம்படுத்திக் கொள்வார்கள்.'  இப்படிக் கூறுகிறார்.

ரொம்ப நாள் புரியாம இருந்தது இது! தகவலுக்கு நன்றி

நல்ல தகவல் நன்றி கூறலாம்........

நேற்றைய தினம் போக்கிமொன் அமெரிக்காவில் விளையாடி விபத்துகள் நடந்த கதை சொல்லி முடிவதற்குள், அதிகார வெளியீடு இந்தியாவில் இல்லாத நிலையில், திருட்டு டிவிடி போல் மூன்றாம்தரப்பு தளங்கள் மூலம் அன்றொயிட் கைபேசியில் பதிவிறக்கி, போக்கிமொன் விளையாடியதால் பல விபத்துகள் ஏற்பட்டிருக்கிறது.

மும்பையில் நடந்த முதல் விபத்து, கார் ஆட்டோ மோதி செலவாக 20,000 ரூபாவை இழந்த இரு சகோதரர்கள்.
டில்லி, மும்பையில் சில விபத்துகள் பதிவாகி உள்ளன. அடிக்கடி சாலை விபத்துகள் நிகழும் தமிழ் நாட்டுக்கு வந்து விட்டால், விளையாட்டு ஆர்வம் கொண்டவர்களே! கொஞ்சம் கவனம் மற்ற உயிர்கள் மீது.