மத்திய அரசு மீட்க நடவடிக்கை, 800 இந்தியர்கள் சவுதியில் தவிப்பு

**ayyasamy ram** · **ayyasamy ram** Sun Jul 31, 2016 7:44 am

புதுடெல்லி:
சவுதி அரேபியாவில் வேலையின்றி 3 நாட்களாக
800 இந்தியர்கள் பட்டினியால் தவிக்கின்றனர்.
சவுதி அரேபியாவின் துறைமுக நகரமான ஜெட்டாவில்
தொழிற்சாலை ஒன்றில் வேலைபார்த்து வந்த
800 இந்தியர்களுக்கு திடீரென வேலை பறிபோயுள்ளது.

இதனால், அவர்கள் 3 நாட்களாக உணவு இன்றி கடும்
பட்டினியில் தவிப்பதாக, மத்திய வெளியுறவுத் துறை
அமைச்சர் சுஷ்மா சுவராஜின் ட்விட்டருக்கு பாதிக்கப்பட்ட
நபர் தகவல் அனுப்பி உள்ளார்.

இதைத் தொடர்ந்து 800 இந்தியர்களையும் மீட்க மத்திய
அரசு உடனடி நடவடிக்கை மேற்கொண்டுள்ளது. முதலில்
அனைவருக்கும் உணவு வழங்குமாறு, அங்குள்ள இந்திய
தூதரகத்துக்கு சுஷ்மா உத்தரவிட்டார்.

அதைத் தொடர்ந்து அவர்களுக்கு உணவு வழங்கப்பட்டுள்ளது.
இது தொடர்பாக சுஷ்மா தனது ட்விட்டர் பதிவில்
கூறியிருப்பதாவது:

ரியாத்தில் உள்ள இந்திய தூதரகத்தின் மூலம், ஜெட்டாவில்
தவிக்கும் இந்திய தொழிலாளர்களுக்கு உணவு வழங்கப்
பட்டுள்ளது. அங்கு அவர்களின் நிலை குறித்து தொடர்ந்து
தகவல்களை கேட்டறிந்து வருகிறேன். மேலும், அவர்களை
மீட்டு அழைத்து வர, வெளியுறவுத் துறை இணை அமைச்சர்
வி.கே.சிங் விரைவில் சவுதி செல்ல உள்ளார்.

சரியான சம்பளம் கிடைக்காமலும், திடீரென மூடப்படும்
தொழிற்சாலைகளால் அடுத்த வேலைக்கு செல்ல முடியாமலும்
தவிக்கின்றனர். இப்பிரச்னைகளுக்கு தீர்வு காண, குவைத்,
சவுதி அரேபிய உயர் அதிகாரிகளுடன் ஆலோசிக்க இணை
அமைச்சர் எம்.ஜே.அக்பர் விரைவில் அந்நாடுகளுக்கு செல்வார்.
இவ்வாறு அவர் கூறி உள்ளார்.
-
--------------------------
தினகரன்

**ராஜா** · **ராஜா** Sun Jul 31, 2016 8:38 am

மத்திய கிழக்கு நாடுகளில் அனைத்து தொழிலாளர்களுக்கும் இந்த நிலை உருவாகி வருகிறது , என்று வேலை போகும் என்று நிலையில் தான் பெரும்பாலான நிறுவனங்கள் இருக்கின்றன

மத்திய அரசு மீட்க நடவடிக்கை, 800 இந்தியர்கள் சவுதியில் தவிப்பு

மத்திய அரசு மீட்க நடவடிக்கை, 800 இந்தியர்கள் சவுதியில் தவிப்பு

Re: மத்திய அரசு மீட்க நடவடிக்கை, 800 இந்தியர்கள் சவுதியில் தவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக