திரிகோண ஸ்தானங்கள்

**சிவா** · **சிவா** Thu Feb 05, 2009 11:15 pm

ஜென்ம ராசிக்கு மறைவு ஸ்தானம் என வர்ணிக்கப்படும் 3, 6, 8, 12-க்கு அதிபதிகள் பொதுவாக கெடுதிகளையும் அதன் திசை புத்தி காலத்தில் பல்வேறு வகையான பிரச்சினைகளையும், வீண் செலவு, வீண் விரயத்தையும் உண்டாக்குவது இயல்பு. ஜெனன ஜாதகத்தில் மறைவு ஸ்தானம் என வர்ணிக்கப்படும் 3, 6, 8, 12 க்கு அதிபதிகள் சில கிரகச் சேர்க்கை அல்லது சில ஸ்தான ஆதிபத்தியம் பெற்றால் கெடுதிகளை ஏற்படுத்தாமல் நற்பலன்களை உண்டாக்குவார்கள்.

மறைவு ஸ்தானாதிபதிகளை தூய்மைப்படுத்தும் பலம்பெற்ற ஸ்தானமாக விளங்குவது ஜென்ம லக்கினத்திற்கு திரிகோண ஸ்தானமான 1, 5, 9 ஆகும். பொதுவாக ஜென்ம லக்கினத்தைவிட 5-ம் வீடும் 5-ம் வீட்டை விட 9-ம் வீடும் பலம் பெற்ற திரிகோண ஸ்தானமாகும்.

திரிகோண ஸ்தானங்களின் மகிமை என்ன வென்றால் அதில் அமையும் கிரகமும் அதன் அதிபதியும் கெட்டவர் என்றாலும் ஜெனன ஜாதகருக்கு கெடுதியை ஏற்படுத்தாமல் நற்பலனை உண்டாக்குவார்கள். இதன்பொருள் என்னவென்றால் 3, 6, 8, 12-க்கு அதிபதிகள் திரிகோண லக்கினாதி பதியாக அமைந்து விட்டால் கெடுதி ஸ்தான பலத்தை விட்டுவிட்டு நற் பலனை உண்டாக்குகிறார்கள். அதுபோல ஜென்ம லக்கினத்திற்கு பாதக ஸ்தானாதிபதி திரிகோண ஸ்தானமான 1, 5, 9-ல் அமையப் பெற்றாலும் பாதக பலனை ஏற்படுத்தாமல் சாதக பலனை உண்டாக்குவார். அதாவது சர லக்கினத்திற்கு 11-ம் அதிபதியும் ஸ்திர லக்கினத்திற்கு 9-ம் அதிபதியும் உபய லக்கினத்திற்கு 7-ம் அதிபதியும் ஜெனன லக்கினத்திற்கு 1, 5, 9-ல் அமையப் பெற்றால் கெடுதியை ஏற்படுத்துவதில்லை. ஜென்ம லக்கினத்திற்கு 3, 6, 8, 12 அதிபதிகள் மறைவு ஸ்தானாதிபதி என்றாலும் அவர்கள் எவ்வாறு பலனை உண்டாக்குகிறார்கள் என பார்ப்போம்.

**சிவா** · **சிவா** Thu Feb 05, 2009 11:16 pm

மேஷம்: மேஷ லக்கினத்திற்கு 3-ம் அதிபதி புதன், 6-ம் அதிபதி புதன், 8-ம் அதிபதி செவ்வாய், 12-ம் அதிபதி குரு மேஷ லக்கினத்தைப் பொறுத்த வரை புதன் கெட்டவர். 8-ம் அதிபதி செவ்வாய் ஜென்ம லக்கினாதிபதி என்பதால் கெடுதியை ஏற்படுத்துவதில்லை. அதுபோல 12-ம் அதிபதி, குரு 9-ம் அதிபதியாக விளங்குவதால் குரு அதிக கெடுதியை ஏற்படுத்துவதில்லை.

ரிஷபம்: ரிஷப லக்கினத்திற்கு 3-ம் அதிபதி சந்திரன், 6-ம் அதிபதி சுக் கிரன், 8ம் அதிபதி குரு, 12-ம் அதிபதி செவ்வாய், ரிஷப லக்கினத்தைப் பொறுத்தவரை 3-ம் அதிபதி சந்திரன் ஒரு வீடு ஆதிபத்யம் பெறுகிறார். 6-ம் அதிபதி சுக்கிரன் லக்கின கோணத்திற்கு அதிபதியாக வருவதால் கெடுதியை தவிர்த்து நற்பலனை உண்டாக்குகிறார். 8-ம் அதிபதி குருவும், 12-ம் அதிபதி செவ்வாய், திரிகோண ஸ்தானத்திற்கு ஆதிபத்தியம் பெற வாய்ப்பு இல்லாததால் அவர்கள் இருக்கும் இடத்திற்கு ஏற்ப பலனை தருவார்கள்.

மிதுனம்: மிதுன லக்கினத்திற்கு 3-ம் அதிபதி சூரியன், 6-ம் அதிபதி செவ்வாய், 8-ம் அதிபதி சனி, 12-ம் அதிபதி சுக்கிரன், சூரியன், செவ்வாய் திரிகோணஸ் தானத்திற்கு அதிபதியாக வருவதில்லை. சனி 9-ம் அதிபதி என்பதால் சுக்கிரன் 5-ம் அதிபதி என்பதால் சனி, சுக்கிரன் மிதுன லக்கினத்தில் பிறந்தவர்களுக்கு நற்பலனை தருகிறார்கள்.

கடகம்: கடக லக்கினத்திற்கு 3, 12-க்கு அதிபதி புதன், 6-ம் அதிபதி குரு, 8-ம் அதிபதி சனி, புதன், சனி பொதுவாக கெடுதியை உண்டாக்குகிறார்கள். குரு 9-ம் அதிபதியாக விளங்குவதால் நற்பலன் தருகிறார்.

சிம்மம்: சிம்ம லக்கினத்தில் பிறந்தவர்களுக்கு 3-ம் அதிபதி சுக்கிரன், 6-ம் அதிபதி சனி, 8-ம் அதிபதி குரு, 12-ம் அதிபதி சந்திரன், 8-ம் அதிபதியாக வரும் குரு 5-ம் வீட்டிற்கு அதிபதியாக வருவதால் குரு பகவான் நற்பலனைத் தருகிறார்.

கன்னி: கன்னி லக்கினத்திற்கு 3, 8-க்கு அதிபதி செவ்வாய், 6-ம் அதிபதி சனி 12-ம் அதிபதி சூரியன், 6-ம் அதிபதி சனி, 5-ம் வீட்டிற்கு அதிபதியாக விளங்குவதால் நற்பலனை தருகிறார்கள். செவ்வாய் 3, 8-க்கு அதிபதி என்பதால் அதிக கெடுதிகளை உண்டாக்குகிறார்.

துலாம்: துலா லக்கினத்திற்கு 3, 6-க்கு அதிபதி குரு, 8-ம் அதிபதி சுக்கிரன், 12-ம் அதிபதி புதன், சுக்கிரன் ஜென்ம லக்கினத்திற்கு அதிபதியாக வருவதாலும் புதன் 9-ம் வீட்டிற்கு அதிபதியாக வரு வதாலும் நற்பலனை உண்டாக்குகிறார்கள். 3, 6-க்கு அதிபதியான குரு கெடுதிகளை உண்டாக்குகிறார்.

விருச்சிகம்: விருச்சிக லக்கினத்திற்கு 3-ம் அதிபதி சனி , 6-ம் அதிபதி சுக்கிரன், செவ்வாய் ஜென்ம லக்கினத்திற்கு அதிபதியாக விளங்குவதால் அதிக கெடுதிகளை ஏற்படுத்தாமல் நற்பலனை தருகிறார்.

தனுசு: தனுசு லக்கினத்திற்கு 3-ம் அதிபதி சனி, 6-ம்; அதிபதி சுக்கிரன், 8-ம் அதிபதி சந்திரன், 12-ம் அதிபதி செவ்வாய் 5-ம் வீட்டிற்கு அதிபதியாக விளங்குவதால் விரயஸ்தான பலனை விட சுபபலனை உண்டாக்குவார்.

மகரம்: மகர லக்கினத்திற்கு 3, 12-க்கு அதிபதி குரு, 6-ம் அதிபதி புதன், 8-ம் அதிபதி சூரியன், 6-ம் அதிபதி புதன் 9-ம் (திரிகோணத்திற்கு) அதி பதியாக விளங்குவதால் யோகம் அளிக்கிறார்.

கும்பம்: கும்ப லக்கினத்திற்கு 3-ம் அதிபதி செவ்வாய், 6-ம் அதிபதி சந்தி ரன், 8-ம் அதிபதி புதன், 12-ம் அதிபதி சனி, புதன் 5-ம் வீட்டிற்கும் சனி ஜென்ம லக்கினத்திற்கும் அதிபதியாக வருவதால் கெடுதியை உண்டாக்கு வதற்கு பதில் நற்பலன் தருகிறார்.

மீனம்: மீன லக்கினத்திற்கு 3, 8-க்கு அதிபதி சுக்கிரன், 6-ம் அதிபதி சூரியன், 12-ம் அதிபதி சனி, மீன லக்கினத்தை பொறுத்தவரை அவர்கள் இருக்கும் வீட்டிற்கு ஏற்ப நல்லது, கெட்டதுகளை ஏற்படுத்துவார்கள்.

பொதுவாக 3, 6, 8, 12-க்கு அதிபதிகள் வாழ்வில் பல்வேறு சோதனைகளை உண்டாக்குகிறார்கள். 3, 6, 8, 12-க்கு அதிபதிகள் திரிகோண ஸ்தானத்திற்கு அதிபதியாக விளங்கும் பட்சத்தில்அதிக கெடுதியை தராமல் நற்பலனை தரு கிறார்கள். அதுபோல 3, 6, 8, 12-க்கு அதிபதிகள் திரிகோண ஸ்தானத்தில் சுபர் சேர்க்கை பெற்று இருந்தால் அதன் திசை புத்தி காலத்தில் கெடுதிகளை ஏற்படுத்தாமல் ஓரளவுக்கு சாதகமான பலனை உண்டாக்கும்.

ஆக 3, 6, 8, 12-க்கு அதிபதிகள் திரிகோண ஸ்தானத்தின் தொடர்பு ஏற் பட்டு இருந்தால் சாதகமான பலனை எதிர்பார்க்கலாம்.

Nagarajan.S · Nagarajan.S Sun Sep 04, 2016 9:13 pm

[quote="சிவா"]ஜென்ம ராசிக்கு மறைவு ஸ்தானம் என வர்ணிக்கப்படும் 3, 6, 8, 12-க்கு அதிபதிகள் பொதுவாக கெடுதிகளையும் அதன் திசை புத்தி காலத்தில் பல்வேறு வகையான பிரச்சினைகளையும், வீண் செலவு, வீண் விரயத்தையும் உண்டாக்குவது இயல்பு. ஜெனன ஜாதகத்தில் மறைவு ஸ்தானம் என வர்ணிக்கப்படும் 3, 6, 8, 12 க்கு அதிபதிகள் சில கிரகச் சேர்க்கை அல்லது சில ஸ்தான ஆதிபத்தியம் பெற்றால் கெடுதிகளை ஏற்படுத்தாமல் நற்பலன்களை உண்டாக்குவார்கள்.

மறைவு ஸ்தானாதிபதிகளை தூய்மைப்படுத்தும் பலம்பெற்ற ஸ்தானமாக விளங்குவது ஜென்ம லக்கினத்திற்கு திரிகோண ஸ்தானமான 1, 5, 9 ஆகும். பொதுவாக ஜென்ம லக்கினத்தைவிட 5-ம் வீடும் 5-ம் வீட்டை விட 9-ம் வீடும் பலம் பெற்ற திரிகோண ஸ்தானமாகும்.

திரிகோண ஸ்தானங்களின் மகிமை என்ன வென்றால் அதில் அமையும் கிரகமும் அதன் அதிபதியும் கெட்டவர் என்றாலும் ஜெனன ஜாதகருக்கு கெடுதியை ஏற்படுத்தாமல் நற்பலனை உண்டாக்குவார்கள். இதன்பொருள் என்னவென்றால் 3, 6, 8, 12-க்கு அதிபதிகள் திரிகோண லக்கினாதி பதியாக அமைந்து விட்டால் கெடுதி ஸ்தான பலத்தை விட்டுவிட்டு நற் பலனை உண்டாக்குகிறார்கள். அதுபோல ஜென்ம லக்கினத்திற்கு பாதக ஸ்தானாதிபதி திரிகோண ஸ்தானமான 1, 5, 9-ல் அமையப் பெற்றாலும் பாதக பலனை ஏற்படுத்தாமல் சாதக பலனை உண்டாக்குவார். அதாவது சர லக்கினத்திற்கு 11-ம் அதிபதியும் ஸ்திர லக்கினத்திற்கு 9-ம் அதிபதியும் உபய லக்கினத்திற்கு 7-ம் அதிபதியும் ஜெனன லக்கினத்திற்கு 1, 5, 9-ல் அமையப் பெற்றால் கெடுதியை ஏற்படுத்துவதில்லை. ஜென்ம லக்கினத்திற்கு 3, 6, 8, 12 அதிபதிகள் மறைவு ஸ்தானாதிபதி என்றாலும் அவர்கள் எவ்வாறு பலனை உண்டாக்குகிறார்கள் என பார்ப்போம்.[

Nagarajan.S · Nagarajan.S Sun Sep 04, 2016 9:13 pm

திரிகோண ஸ்தான விவரிப்பு அருமை !

**T.N.Balasubramanian** · **T.N.Balasubramanian** Mon Sep 05, 2016 2:48 pm

ஜோதிடம் கற்கவேண்டும் ,இவற்றின் பெருமைகளை அறிய /அலச

ரமணியன்

Sponsored content · Sponsored content

திரிகோண ஸ்தானங்கள்

திரிகோண ஸ்தானங்கள்

Re: திரிகோண ஸ்தானங்கள்

Re: திரிகோண ஸ்தானங்கள்

Re: திரிகோண ஸ்தானங்கள்

Re: திரிகோண ஸ்தானங்கள்

Re: திரிகோண ஸ்தானங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக