நடையும் நங்கையரும்!

தென்கச்சி கோ.சுவாமிநாதன்

காலைலே கையும் பையுமா எங்கே கிளம்பிட்டே கமலா?

மார்க்கெட்டுக்குத்தான் மாலா?

நானும் வர்றேன் வா போகலாம்.

நம்ம மாதிரி வீட்டுக்குள்ளேயே இருக்கிற பெண்கள் அப்பப்ப கொஞ்சம் நடக்கறது நல்லதுன்னு சொன்னாங்க.. அதுதான் கிளம்பிட்டேன்.

பிரிட்டன்லே கூட ஓர் ஆய்வு நடந்துதா பேப்பர்லே பார்த்தியா?

இல்லையே...

அங்கே அந்த ஆய்வுக்காக 44 பெண்களைத் தேர்ந்தெடுத்திருக்காங்க. எல்லோரும் சராசரியா 45 வயசு ஆனவங்க.. வீட்டு வேலை செய்ய வேண்டிய அவசியம். இல்லாதவங்க.. அதே நேரத்துல சும்மா உட்கார்ந்தே இல்லாதவங்க. சும்மா உட்கார்ந்து பொழுதைப் போக்கிக்கிட்டிருக்கறவங்க அல்லது உட்கார்ந்தே பணிபுரியற நிலைமையிலே உள்ளவங்க.

சரி அவங்கள வச்சி என்ன ஆய்வு நடத்தினாங்க?

அதுல ஒரு 28 பேரை தினமும் உடற்பயிற்சிக்கு பதிலா நடக்கவிட்டிருக்காங்க? வாக்கிங் மீதி 16 பேரு எப்போதும் போல வழக்கமா இருந்திருக்காங்க நடக்க ஆரம்பிச்ச பெண்கள் ஒவ்வொரு வாரமும் சுமாரா 100 நிமிட நேரத்துலே 10 கிலோமீட்டர் நடந்திருக்காங்க.

மூணு மாசம் கழிச்சிப் பார்த்ப்போ அவங்கள்லாம் ஒரு வாரத்துல 175 நிமிஷத்துல 18 கிலோமீட்டர் நடக்கறவங்களா ஆயிட்டாங்க. ஒரு வருஷம் கழிச்சி கவனிச்சப்போ, சராசரியாக ஒரு வாரத்துல 155 நிமிஷத்துலே 16 கி.மீ. நடக்கிறவங்களா ஆயிட்டாங்க.

சரி, இதனால என்ன பலன்?

இந்த ஆய்வு சமயத்துல, நடந்தது காரணமா அவங்க எடை குறையலே அது மட்டுமல்லே, அவங்க சாப்பிடுற அளவையும் குறைச்சுக்கலே.. ஆனாலும் அந்த 28 பெண்கள் ரத்தத்துலேயும், மொத்த கொழுப்பு அளவு சராசரியா 6% குறைஞ்சிருந்ததாம். இன்னொரு விஷயம் கொழுப்பின் நல்ல அம்சம் அதிகரிச்சிருந்ததாம். அதாவது ரத்தக்குழாய் உட்புற சுவர்லே படிகிற கொழுப்பை அகற்றும் ஒரு பொருள் அதிகமாயிருக்கு.

அதனால வீட்டு வேலைகளை இயந்திரங்கள்கிட்டே ஒப்படைச்சுட்ட நம்ம மாதிரி பெண்கள் நடக்கறது நல்லதுதான் போல இருக்கு.

எல்லா வேலையையும் இயந்திரங்கள்கிட்டே ஒப்படைக்க வேண்டிய அவசியமும் இல்லே என் வீட்டுக்காரர்கூட துணி துவைக்கிற வாஷிங்மெஷின் வாங்கறேன்னார். வேண்டாம்னு சொல்லிப்புட்டேன்.

ஏன்?

அதுதான் அவர் இருக்காரே அப்புறம் அது வேற என்னத்துக்கு?