சூரிய ஒளியால் இயங்கும் விமானம்

**ayyasamy ram** · **ayyasamy ram** Mon Jul 18, 2016 11:13 pm

அப்படீங்களா!

சூரிய ஒளி ஆற்றலால் இயங்கக் கூடிய மோட்டார் சைக்கிள்,
கார் பற்றியெல்லாம் கேள்விப்பட்டிருப்பீர்கள்.
சூரிய ஒளி ஆற்றலால் இயங்கக் கூடிய விமானம்?

சூரிய ஒளியால் இயங்கக் கூடிய காரிலோ, மோட்டார்
சைக்கிளிலோ உள்ள ஆற்றல் தீர்ந்துவிட்டால், ஓடாமல் அவை
நின்றுவிடும். அப்படி நின்று போனாலும் பெரிய பாதிப்பில்லை.
ஆனால் வானில் பறந்து கொண்டிருக்கும்போது, சூரிய ஒளி
விமானத்தில் ஆற்றல் தீர்ந்துவிட்டால்...?
நினைக்கவே பயமாக இருக்கிறது அல்லவா?

சூரிய ஒளி விமானம் பறந்து செல்லும்போது சூரிய ஒளியின் மூலம்
ஆற்றலைச் சேகரித்துக் கொண்டேதான் பறக்கும். பறந்து செல்லும்
பாதையில் மேகமூட்டம், மழை என்று இருந்தால், சூரிய ஒளி
கிடைக்காது. மழை அதிகம் பெய்யாத அரபு நாடுகளில் இந்த சூரிய
ஒளி விமானம் பறந்து செல்ல அதிகச் சிரமம் இருக்காது.

மணிக்கு 45 முதல் 90 கிலோ மீட்டர் வரை வேகமாக பறக்கும் திறன்
சூரிய ஒளி விமானத்துக்கு உண்டு.

சமீபத்தில் நியூயார்க்கிலிருந்து ஸ்பெயின் நாட்டின் செவல் நகருக்கு
ஒரு சூரிய ஒளி விமானம் பறந்து சென்றது. இதற்கு முன்பு ஜனவரி
6 ஆம் தேதி ஸ்விட்சர்லாந்தில் இருந்து அபுதாபிக்கு பறந்து சென்று
சாதனை படைத்தது.
-
---------------------------------------------
எஸ்.ஜே
கதிர்

**ராஜா** · **ராஜா** Tue Jul 19, 2016 6:03 am

சூரிய ஒளியால் இயங்கும் விமானம் கிட்டத்தட்ட ஒருவருடத்திற்கு முன்பே துபாயில் இருந்து புறப்பட்டு உலகை வலம் வர ஆரம்பித்துவிட்டது.

**krishnaamma** · **krishnaamma** Tue Jul 19, 2016 6:12 am

சூரிய ஒளியால் இயங்கக் கூடிய காரிலோ, மோட்டார்
சைக்கிளிலோ உள்ள ஆற்றல் தீர்ந்துவிட்டால், ஓடாமல் அவை
நின்றுவிடும். அப்படி நின்று போனாலும் பெரிய பாதிப்பில்லை.
ஆனால் வானில் பறந்து கொண்டிருக்கும்போது, சூரிய ஒளி
விமானத்தில் ஆற்றல் தீர்ந்துவிட்டால்...?
நினைக்கவே பயமாக இருக்கிறது அல்லவா?

ஆமோதித்தல்