சிலந்தியிடம் பாடம் கற்ற அரசன்

போரில் தோல்வி அடைந்த அரசன் தன் உயிரைக்
காப்பாற்றிக்கொள்ள ஓடி ஒளிந்தான்.

அரசன் மிகவும் வீரத்துடன் போரிட்டாலும் அவனின் படை
மிகவும் சிறியதாக இருந்ததினால் அவனால் வெல்ல
முடியவில்லை. எதிரியிடம் மாபெரும் படை இருந்ததினால்
வெற்றி பெற்றான்.

தோல்வியுற்ற அரசனை கொலை செய்யுமாறு அவனை
வென்ற அரசன் கட்டளை பிறப்பித்தான். அதனால் அவன்
காட்டிற்கு ஓடிச் சென்றுஅங்கு இருந்த ஒரு குகையில் ஒளிந்து
கொண்டான்.

தோல்வி கண்ட அரசன் மிகவும் மனவருத்தம் கொண்டான்.
மனச்சோர்வினால் துணிவு இழந்தான். ஒருநாள் சோம்பலுடன்
அரசன் குகையில் படுத்திருந்தான். அந்தக் குகையினுள்
ஒரு சிலந்தி வாழ்ந்து வந்தது. அந்த சிறிய சிலந்தியின் செயல்
அவன் கவனத்தைக் கவர்ந்தது. குகையின் ஒரு பகுதியினுள்
ஒரு வலையைப் பின்னக் கடுமையாக முயற்சி செய்து
கொண்டிருந்தது.

சுவரின் மீது ஊர்ந்து செல்லும் போது வலையினில் பின்னிய நூல்
அறுந்து சிலந்தி கீழே விழுந்து விட்டது.

இவ்வாறு பலமுறை நடந்தது. ஆனாலும், அது தன் முயற்சியைக்
கடைவிடாமல் மறுபடியும் மறுபடியும் முயன்றது. கடைசியில்
வெற்றிகரமாக வலையைப் பின்னி முடித்தது.

அரசன் “இச் சிறு சிலந்தியே பல முறை தோல்வியடைந்தும் தன்
முயற்சியைக் கைவிடவில்லை. நான் ஏன் விடவேண்டும்?

நானோ அரசன். நான் மறுபடியும் முயற்சி செய்ய வேண்டும்”
என்று எண்ணினான் மறுபடியம் தன் எதிரியுடன் போர் புரிய
தீர்மானித்தான். அரசன் தான் வசித்த காட்டிற்கு வெளியே
சென்று தன் நம்பிக்கையான ஆட்களைச் சந்தித்தான்.

தன் நாட்டில் உள்ள வீரர்களை ஒன்று சேர்த்து பலம் மிகுந்த ஒரு
படையை உருவாக்கினான். தன் எதிரிகளுடன் தீவிரமாகப் போர்
புரிந்தான். கடைசியில் போரில் வெற்றியும் பெற்றான்.
அதனால் தன் அரசைத் திரும்பப் பெற்றான்.

தனக்கு அறிவுரை போதித்த அந்த சிலந்தியை அவன் என்றுமே
மறக்கவில்லை.
–
——————————
படித்ததில் பிடித்தது

ராஜா புருஷோத்தமனின் இந்த கதை மிகவும் அருமையான ஒன்று ....அந்த அரசனின் பெயர் சரி என்றுதான் நினைக்கிறேன்...........

எனக்கு ஏதோ வெள்ளக்கார அரசனை பற்றி படித்ததாக தோனுது...சரியா ஞாபகம் வரல..

சிலந்தியிடம் பாடம் கற்ற அரசனின் பெயர் Bruce ( புரூஸ் ) என்பதாகும் .

ராபர்ட் ப்ருஸ் ஸ்காட்லாந்து .

ரமணியன்

விடாமுயற்சிக்கு சிலந்தியும் , கஜினிமுகம்மதுவும் எடுத்துக்காட்டுகள் !