பிடிவாரன்ட் பிறப்பிக்கப்பட்டதால் நீதிமன்றத்தில் விஜயதரணி சரண்

**ayyasamy ram** · **ayyasamy ram** Sun Jul 17, 2016 12:58 pm

அ+ அ-
நாகர்கோவில் - பிடிவாரன்ட் பிறப்பிக்கப்பட்டிருந்த
நிலையில் விஜயதரணி எம்.எல்.ஏ, நாகர்கோவிலில் உள்ள
மாவட்ட அமர்வு நீதிமன்றத்தில் சரணடைந்தார்.

கன்னியாகுமரி மாவட்டம் கருங்கல்லில் கடந்த 27.9.2015 அன்று
காங்கிரஸ் பொதுக்கூட்டம் நடைபெற்றது. இதில் முன்னாள்
மாநிலத் தலைவர் இளங்கோவன், விஜயதரணி எம்.எல்.ஏ.
ஆகியோர், முதல்வர் ஜெயலலிதாவை அவதூறாக பேசியதாக,
நாகர்கோவிலில் உள்ள மாவட்ட அமர்வு நீதி மன்றத்தில் அரசு
வழக்கறிஞர் ஞானசேகர் வழக்கு தொடர்ந்தார்.

கடந்த மாதம் 15-ம் தேதி விஜயதரணி மீதான வழக்கு மாவட்ட
அமர்வு நீதிபதி சதிக்குமார் முன்னிலையில் விசாரணைக்கு வந்தது.
அப்போது விஜயதரணி ஆஜராகவில்லை. அவரது தரப்பில்
வழக்கறிஞர்களும் ஆஜராகவில்லை. எனவே, வழக்கை ஒத்தி
வைத்ததுடன், விஜயதரணிக்கு பிடிவாரன்ட் பிறப்பித்து நீதிபதி
உத்தரவிட்டார்.

இவ்வழக்கு விசாரணைக்கு வந்தபோது, விஜயதரணி நீதிமன்றத்தில்
சரண் அடைந்தார். இதையடுத்து அவர் மீது பிறப்பிக்கப்பட்ட பிடிவாரன்ட்
விலக்கிக்கொள்ளப்பட்டது.

வழக்கு விசாரணையை செப்டம்பர் 16-ம் தேதிக்கு ஒத்திவைத்து
நீதிபதி சதிக்குமார் உத்தரவிட்டார்.
-
---------------------------
தினபூமி

**M.Jagadeesan** · **M.Jagadeesan** Sun Jul 17, 2016 1:22 pm

எதிர்க்கட்சி என்றால் அரசின் செயல்பாடுகளை விமர்சிக்கத்தான் செய்வார்கள் . அதைத் தாங்கிக்கொள்ளும் மனப்பக்குவம் இல்லாதவர்கள் அரசியலுக்கு வரக்கூடாது .எதற்கெடுத்தாலும் அவதூறு வழக்கா ? விஜயகாந்து வழக்கில் , தமிழக அரசின் செயல்பாடுகளை உச்சநீதிமன்றமே கண்டித்துள்ளது . அரசு வழக்கறிஞர்களை போஸ்ட்மேன் போலப் பயன்படுத்தக் கூடாது என்று கண்டனம் தெரிவித்துள்ளது . ஒரு சாதாரண பிரஜைக்கும் அரசை விமர்சிக்க உரிமை உள்ளது .மக்களின் வரிப்பணத்தை கோர்ட்,கேசு என்று இந்த அம்மையார் வீணடித்துக்கொண்டு இருக்கிறார் .

செவிகைப்பச் சொற்பொறுக்கும் பண்புடை வேந்தன்
கவிகைக்கீழ்த் தங்கும் உலகு .

பொருள் : கேட்பதற்கு வெறுப்பூட்டும் கடுமையான சொற்களை மற்றவர்கள் கூறினாலும் , அவற்றைப் பொறுத்துக்கொள்ளும் மன்னனுடைய ஆடசியிலே மக்கள் இனிது வாழ்வர் .

என்பது ஐயனின் வாக்கு .