கூழாங்கற்கள்...!!

ந.க.துறைவன் · ந.க.துறைவன் Thu Jul 14, 2016 6:33 am

First topic message reminder :

இரண்டு கவிதைகள்.

1.
குழிப்புண்கள்
*
மேம்பாலத்தைக்
கடக்கும் போதெல்லாம்
பாலாற்று நதியைப்
பார்க்கிறது கண்கள்.
மணல் வாரி வாரி
எடுத்துள்ளதால்
உடம்பெல்லாம்
குழிப்புண்கள்.
*
2.
கட்டணம்
*.
நகராட்சி கட்டணக்
கழிப்பிடத்தில்
இலவசமாக
சிறுநீர் கழிக்கிறது
நாய்.
ந.க.துறைவன்.
*

**Dr.S.Soundarapandian** · **Dr.S.Soundarapandian** Wed May 10, 2017 1:16 pm

ந.க.துறைவன் · ந.க.துறைவன் Mon May 22, 2017 9:13 am

கூழாங்கற்கள்….!!
*
1. சாதுர்யம்…!!

வளைந்து கொடுப்பவள்
வாழ்ந்து சாதிக்கிறாள்
வம்பு செய்கிறாள்
பிரச்னையால்
வெந்து சாகிறாள்
வளைந்து கொடுப்பது வாழ்க்கை
வம்பு செய்து தற்கொலை.
*
2. சேவல்

தெருவில்
ஒரு வீட்டில்
காணாமல் போனது
சேவல்
பக்கத்துத் தெருவில்
ஒரு வீட்டில் சமைக்கும்
கோழிக்கறி
குழம்பு வாசனை.
*
3. துணிச்சல்…

சைக்கிள் ஓட்டத் தெரியாது?
பைக் ஓட்டத் தெரியாது? நடை
பயணமாகவே காலம் கடத்தும்
தாத்தாவைத் தன் இருசக்கர
வாகனத்தில் உட்காரச் சொல்லி
மருத்துவமனைக்கு அழைத்துச்
செல்கிறாள் துணிச்சலாய் பேத்தி!
ந.க.துறைவன்.
*

ந.க.துறைவன் · ந.க.துறைவன் Tue Jul 11, 2017 6:26 am

சருகு இலைகள்.

1.
இதயத்தில்
இடம் கேட்டவளுக்கு
கிடைத்தது
கல்லறை.

2.
வருவோர் போவோர்
சிலநாள்
தங்குமிடம்
இந்த உலகம்.

3.
சுவையாய் இருந்தது
சைவம் இல்லாத
நகைச்சுவை
விருந்து.

4.
காதலுக்கும் உண்டு
அடைக்கும் தாழ்.

5.
மரணத்திற்கு
தெரியுமா?
மனிதனை…!

6.
உயிருக்கு ஆபத்தென்று
கயிலை மலைவிட்டு
வெளியேறினார் சிவன்.
7.
உயர் அதிகாரி மரணம்
எரிந்தப் பிணத்தின்
கை நீண்டது
சில்லறை வைத்தார்கள்
தாழ்ந்தது கை.

ந.க. துறைவன்.
*

ந.க.துறைவன் · ந.க.துறைவன் Thu Jul 20, 2017 3:48 pm

வளைந்து கொடுத்தல்…!!

ஆதார் எண் இணைத்து
திருமணப் பொருத்தம்
பார்க்கப்படும்.
சோதிடர் சொக்கு.

*
வளைந்து கொடுத்துப் போவது
மனிதர்களின் சுபாவம்.
மலைகளின் பாதைகளையும்
அப்படியே
வளைய வைத்து விட்டார்கள்.
*
சட்டென இடிந்து விழுவதில்லை
மூங்கில் பாலங்கள்.
திடீரென
சரிந்து விழுகின்றன
சிமெண்ட் மேம்பாலங்கள்.

ந.க. துறைவன்.
*

**T.N.Balasubramanian** · **T.N.Balasubramanian** Thu Jul 20, 2017 6:41 pm

ஆதார் எண் இணைத்து
திருமணப் பொருத்தம்
பார்க்கப்படும்.
சோதிடர் சொக்கு.

ரமணியன்

ந.க.துறைவன் · ந.க.துறைவன் Sat Jul 29, 2017 3:06 pm

நீ… நான்…காதல்…!!

1.
அவள் நீ என்றாள்
அவன் நீ என்றான்
நாம் என்ற வார்த்தை
இன்னும்
உருப்பெறவில்லை.
2.
மழை பெய்து வருகிறது
அவள் இன்னும்
வீடு திரும்பவில்லை
வீட்டிலேயே இருக்கிறது
குடை.
3.
இப்பொழுது
பெய்து வருகிறது
தவளைகள்
வேண்டிய மழை.
4.
மழை நின்றது
சலசலப்பு நின்றது
பேச்சு மட்டும்
ஓயவில்லை.
5.
அக்காவும்
மழையும்
ஒன்று என்றான்
தம்பி
இருவருமே
நீர் பொழிபவர்கள்.
ந.க. துறைவன்.

**T.N.Balasubramanian** · **T.N.Balasubramanian** Sun Jul 30, 2017 5:40 am

"

மழை பெய்து வருகிறது
அவள் இன்னும்
வீடு திரும்பவில்லை
வீட்டிலேயே இருக்கிறது
குடை.

."

ரமணியன்

ந.க.துறைவன் · ந.க.துறைவன் Sun Jul 30, 2017 9:21 am

சிவப்பு – குறியீடு…!!

1.
ஆடிவெள்ளியில்
அழகாய் அம்மன் சிரிக்கிறாள்
பக்தைகள் மனசுக்குள்ளே
ஆயிரம்
பிரார்த்தனைகள்.
2.
சிவப்பு தான்
அவளின் குறியீடு.
3.
நெற்றியில் தானிருக்கிறது
அவளின் வெற்றித் திலகம்.
4.
அவள் என்
மானசீக
சௌந்தர்ய லஹரி.
5.
ஆடி தள்ளுபடியில்
வாங்கிய
பட்டுப்புடவையைச்
சாத்தினால்
கன்னிப்பெண்.
ந.க. துறைவன்.

**Dr.S.Soundarapandian** · **Dr.S.Soundarapandian** Sun Jul 30, 2017 6:37 pm

ந.க.துறைவன் · ந.க.துறைவன் Thu Aug 03, 2017 10:14 am

மிக்க நன்றி சார்

Sponsored content · Sponsored content

கூழாங்கற்கள்...!!

கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக