அறிந்து கொள்வோம் ஆழ்கடலை பற்றி

பூமிப் பந்தின் மேற்பரப்பில் 70 சதவீதம் பெருங்கடல்களால் சூழப்பட்டிருக்கிறது.



பெருங்கடல்களில் ஓரிடத்தில் புறப்படும் தண்ணீர் உலகெங்கும் சுற்றி மீண்டும் அதே இடத்தை வந்தடைய 1000 ஆண்டுகள் ஆகும் என்று கணித்திருக்கிறார்கள்.



பூமியில் உள்ள ஐந்து பெருங்கடல்களில் மிகப் பெரியது பசிஃபிக். பூமியின் மேற்பரப்பில் 30 சதவீதத்துக்கு இது சூழ்ந்திருக்கிறது.



பசிபிக் கடலைக் கடக்கும்போது மெகல்லன் ‘Mar Pacifico’ என்று அழைத்தார். போர்த்துக்கீசிய மொழியில் ‘அமைதியான கடல்’ என்று அர்த்தம். இதிலிருந்து உருவானதுதான் ‘பசிஃபிக்’ என்ற பெயர்.



பல்வேறு சுற்றுச்சூழல் மாற்றங்கள் காரணமாக அட்லாண்டிக் பெருங்கடல் பெரிதாகிறது, பசிஃபிக் பெருங்கடலோ இப்போது சுருங்கி வருகிறது.



பெருங்கடல்களின் ஆழமான பகுதி ‘மரியானா டிரெஞ்ச்’. அதன் ஆழம் 11 கி.மீ.. எவரெஸ்ட் சிகரத்தின் உயரம் 8.6 கி.மீ.. அப்படிப் பார்த்தால் பூமியின் உயரமான புள்ளியைவிட, ஆழமான புள்ளி பெரியது.



உலகின் மிக நீண்ட மலைத்தொடர் தரைப் பகுதியில் இல்லை. கடலுக்கு அடியில்தான் இருக்கிறது. பூமிப் பந்தின் மத்தியில் கடலுக்குக் கீழே உள்ள மிட் ஒசியானிக் ரிட்ஜில் 56,000 கி.மீ. நீளம் கொண்ட இந்த மலைத்தொடர் உள்ளது.



பெருங்கடல்களில் தனித்துவிடப்பட்ட தீவுப் புள்ளி பாயிண்ட் நீமோ. தென்னமெரிக்காவுக்கும் ஜப்பானியத் தீவுகளுக்கு இடையே, பக்கத்தில் தரைத் தொடர்பே இல்லாமல் இது அமைந்திருக்கிறது.



நாம் சுவாசிக்கும் ஆக்சிஜனில் பாதிக்கும் மேல் பெருங்கடல்கள்தான் உற்பத்தி செய்கின்றன.



வளிமண்டலத்தைவிட 50 மடங்கு அதிகமான கார்பனைக் கடல்கள் கிரகித்துக்கொள்கின்றன.



உலகின் மிகப் பெரிய உயிருள்ள கட்டமைப்பு கடலுக்கு அடியில்தான் உள்ளது. ஆஸ்திரேலியக் கடற்பகுதியில் உள்ள கிரேட் பேரியர் ரீஃப், என்ற பெருந்தடுப்பு பவளத்திட்டுகள்தான் அது. 2,600 கி.மீ. நீளமுள்ள இந்தப் பவளத்திட்டை நிலவிலிருந்துகூடப் பார்க்க முடியும்.



பெருங்கடல்கள் உயிருள்ள அருங்காட்சியகமாகக் கருதப்படுகின்றன. உலகின் அனைத்து அருங்காட்சியகங்களில் உள்ள காட்சிப் பொருள்களைவிட மிக அதிகமான காட்சிப் பொருட்களும் வரலாறும் பெருங்கடல்களின் அடியில் உறைந்து கிடக்கின்றன. சிறந்த எடுத்துக்காட்டு: டைட்டானிக் கப்பல்.



உலகின் மிகப் பெரிய குப்பைத் தொட்டியாக இருப்பதும் கடல்தான். சாதாரண பிளாஸ்டிக் குப்பை முதல் அணுக்கழிவுவரை கொட்டப்படும் இடமாகப் பெருங்கடல்கள் இருக்கின்றன.



உலகப் பெருங்கடல்களில் ஐந்து சதவீதப் பகுதியில் மட்டுமே இதுவரை ஆராய்ச்சி நடந்திருக்கிறது. எஞ்சிய 95 சதவீதப் பகுதியில் பெரிய ஆராய்ச்சிகள் எதுவும் நடைபெறவில்லை.



பெருங்கடல்களில் இதுவரை கண்டுபிடிக்கப்பட்டுள்ள உயிரினங்கள் 25 சதவீதம் மட்டுமே. இன்னும் அடையாளம் காணப்படாத 75 சதவீத உயிரினங்கள் இருக்கின்றன.

நன்றி தமிழ் ஹிந்து.

நல்ல பதிவு அன்பரே>>>>