சினிமா தகவல்கள் - தொடர் பதிவு

**ayyasamy ram** · **ayyasamy ram** Sat Jul 09, 2016 5:33 pm

-
சிவாவின் இயக்கத்தில் அஜித் நடிக்கும் படத்தில் காஜல் அகர்வால் கதாநாயகியாக நடிக்க உள்ளார் என்று செய்திகள் வெளியாகி உள்ளன.

'வீரம்', 'வேதாளம்' படங்களுக்குப் பிறகு சிவாவும், அஜித்தும் இணையும் மூன்றாவது படத்துக்கு இன்னும் தலைப்பு வைக்கப்படவில்லை. இதனால் அஜித்தின் 57-வது படம் என்றே சொல்லப்பட்டு வருகிறது.

சத்யஜோதி பிலிம்ஸ் பெரும் பொருட்செலவில் தயாரிக்கும் இப்படத்துக்கு அனிருத் இசையமைக்கிறார்.

இதில் அஜித்துக்கு ஜோடியாக நடிக்க படக்குழுவினர் காஜலை அணுகியிருக்கின்றனர். அவரும் ஆவலுடன் இதற்கு சம்மதித்திருக்கிறார். காஜல் இன்னும் முறைப்படி பட ஒப்பந்தத்தில் கையெழுத்திடவில்லை என்றாலும், அவரே கதாநாயகியாக நடிக்க உள்ளார் என்று கூறப்படுகிறது.

படத்தின் பெரும்பாலான காட்சிகள் ஐரோப்பிய நாடுகளில் எடுக்கப்பட உள்ளன. படப்பிடிப்பு இம்மாத இறுதியில் தொடங்குகிறது.
-
தமிழ் தி இந்து காம்

**ayyasamy ram** · **ayyasamy ram** Sat Jul 09, 2016 5:52 pm

சினிமா தகவல்கள் - தொடர் பதிவு 7KvjBwqzTRC1Gyn86mLb+simbu__shriya_2924911f

-
சிம்புவின் புதிய பட நாயகிகளில் ஒருவர் ஆனார் ஸ்ரேயா
-

ஆதிக் ரவிச்சந்திரன் இயக்கும் 'அன்பானவன் அசராதவன் அடங்காதவன்' படத்தில் சிம்புவுக்கு ஜோடியாக ஸ்ரேயா நடிக்கிறார்.
-
'த்ரிஷா இல்லனா நயன்தாரா' படத்தைத் தொடர்ந்து இயக்குநர் ஆதிக் ரவிச்சந்திரன் இயக்கும் படத்துக்கு 'அன்பானவன் அசராதவன் அடங்காதவன்' என்று தலைப்பு வைக்கப்பட்டுள்ளது. சிம்பு கதாநாயகனாக நடிக்கும் இப்படத்துக்கு யுவன் இசையமைக்கிறார். மைக்கேல் ராயப்பன் தயாரிக்கிறார்.

3 கெட்டப்களில் நடிக்கவிருக்கும் சிம்பு,முதல் கெட்டப்பிற்காக சிம்பு, நீளமாக முடிவளர்த்து தயாராகி வருகிறார். இதில் சிம்புவுக்கு ஜோடியாக மூன்று நாயகிகள் நடிக்க இருக்கிறார்கள். இதில் ஒரு நாயகியாக ஸ்ரேயா நடிக்கிறார். நீண்ட இடைவெளிக்குப் பிறகு ஸ்ரேயா தமிழில் நாயகியாக நடிக்கும் படம் என்பது குறிப்பிடத்தக்கது.
-
மற்ற நடிகைகள், நடிகர்கள் தேர்வு தற்போது மும்முரமாக நடைபெற்று வருகிறது. முதற்கட்ட படப்பிடப்பு விரைவில் மைசூரில் தொடங்க உள்ளது.
-
ஸ்கிரீனன்

**ayyasamy ram** · **ayyasamy ram** Sat Jul 09, 2016 5:54 pm

'காற்று வெளியிடை' கார்த்தியின் கனவுப் படம்: சூர்யா மகிழ்ச்சி
-
சினிமா தகவல்கள் - தொடர் பதிவு I5cgfsE9RluMIMgAm01P+mani_final_2923082_2924893f

-

சினிமா தகவல்கள் - தொடர் பதிவு UXaycSwnQz2DSpQMFfpH+aditi4_041513112902(1)

-

மணிரத்னத்தின் இயக்கத்தில், கார்த்தி நடிக்கவுள்ள 'காற்று வெளியிடை' படம், கார்த்தியின் கனவுப் படம் என்று கூறியுள்ளார் நடிகர் சூர்யா.
-
இது குறித்து தனது ட்விட்டர் பக்கத்தில் பதிவிட்டுள்ள சூர்யா, "கார்த்தி, தன்னுடைய குருவான மணிரத்னத்தின் ரொமான்டிக் படமான 'காற்று வெளியிடை'-யில் கதாநாயகனாக நடிக்கிறார். இது கார்த்தியின் கனவுப் படமாகத்தான் இருக்கும். 2003-ல் மணி சாரின் உதவியாளராக தனது வாழ்க்கையை ஆரம்பித்த கார்த்தி, இன்று அவரின் படத்திலேயே கதாநாயகனாக நடிக்கிறார். இன்னும் எதிர்பார்க்கிறேன்" என்று கூறியுள்ளார்.

'காற்று வெளியிடை' படத்தில் பைலட் வேடத்தில் நடிக்கிறார் கார்த்தி. அதிதி ராவ் நாயகியாக நடிக்கவிருக்கும் இப்படத்திற்கு ஏ.ஆர்.ரஹ்மான் இசையமைக்க, ரவிவர்மன் ஒளிப்பதிவு செய்கிறார். படத்தின் முக்கிய கதாபாத்திரத்தில் ஆர்.ஜே.பாலாஜி நடிக்கிறார். காஷ்மீரில் படத்தின் முதல்கட்ட படப்பிடிப்பு நடைபெற்று வருகிறது.
-
ஐஏஎன்எஸ்

Sponsored content · Sponsored content

சினிமா தகவல்கள் - தொடர் பதிவு

சினிமா தகவல்கள் - தொடர் பதிவு

Re: சினிமா தகவல்கள் - தொடர் பதிவு

Re: சினிமா தகவல்கள் - தொடர் பதிவு

Re: சினிமா தகவல்கள் - தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக