ஸ்ரீதர ஐயாவாள் !

கும்பகோணத்திலிருந்து சுமார் பத்து கி மீ தூரத்தில் உள்ளது திருவிச நல்லூர். இந்த ஊரைச் சொன்னதுமே ஸ்ரீதர வேங்கடேச ஐயாவாள் எனும் மகான் தான் ஞாபகத்துக்கு வருவார். இவரது வாழ்வில் ஒரு சம்பவம்.

ஒருசமயம் இவர் தமது முன்னோருக்கு சிராத்தம் செய்ய ஏற்பாடு செய்கிறார். மிகுந்த ஆசாரத்துடன் அனைத்து ஏற்பாடுகளும், நடக்கிறது. அன்று காலையில் சிராத்த நேரத்திற்கு முன்னால் தாழ்த்தப்பட்ட வகுப்பைச் சார்ந்த புலையன் ஒருவன் இவர் இல்லத்து வாயிலுக்கு வந்து தான் மிகவும் பசியுடன் இருப்பதாகவும், உண்ண ஏதாகிலும் தருமாறு வேண்டுகிறான். அவனது தோற்றத்தைக் கண்டு இரங்கிய ஐயாவாள் மனமிரங்கி, இல்லத்தில் சிராத்தத்திற்காகச் செய்யப்பட்ட உணவை அளிக்கிறார். மேலும் சிராத்ததிற்கு ஏற்பாடு செய்த பொருட்கள் எல்லாவற்றையும் அவனுக்கு அளித்து விடுகிறார்.

சாதாரணமாக வேதவழியில் வரும் ஆச்சார குடும்பத்தில் சிராத்த தினத்தன்று எந்த தானமும் செய்யப்பட மாட்டாது. சாஸ்திரத்தில் சொல்லியபடி சிராத்தம் நடக்க வேண்டும் என்பதே இதன் காரணம். ஆனால் ஐயாவாள் தமது ஸ்வதர்மத்தை மீறி அன்ன தானம் செய்கிறார். ஆனாலும் சாஸ்திரத்தின்படி சிராத்தம் நடக்க வேண்டுமென உடனடியாக மீண்டும் சிராத்தத்திற்கான ஏற்பாடுகளைத் அடியிலிருந்து தொடங்குகிறார். ஆனால் அவருக்கு சிராத்தத்தை நடத்தி வைக்க யாரும் முன் வரவில்லை.

மேலும் சிராத்தத்தன்று புலையனுக்கு உணவிட்டதற்காக கோபம் கொண்டு அவர் தமது தவறுக்கு கங்கையில் மூழ்கி பிராயச்சித்தம் செய்யக் கட்டளையிடுகின்றனர்.. ஸ்ரீதர ஐயாவாளோ தகுந்த பிராயச்சித்தம் செய்யவும் தயாராக இருக்கிறேன் “ என்றார். “ எனில் கங்கையில் குளித்து வாரும் “ என்றனர். காசிக்குச் சென்று கங்கையில் நீராடிவர வெகு நாட்கள் ஆகுமே எனவே ஸ்ரீதர ஐயாவாள் தந்து வீட்டு கிணற்றடிக்குச் சென்றார். கங்காஷ்டகம் என்ற ஸ்தோத்திரத்தைப் பாடினார்.

மறுகணம் அந்தக் கிணற்றில் கங்கை பொங்கிப் பெருகி வீதியெங்கும் வெள்ளமெனப் பாய்ந்தாள். கங்கை இல் போடும் கருகமணி, காதோலை போன்றவை பொங்கி வந்தன அந்த நீரில் ஐயாவாளும், அவருக்கு கட்டளையிட்டவர்களும் ஸ்நானம் செய்து கொண்டனராம். ஊர்மக்களூம் அந்த அந்தணர்களூம் தங்கள் தவற்றுக்கு வருந்தி மன்னிப்புக் கோரினர். அதை ஏற்று ஸ்ரீதர ஐயாவாள் மீண்டும் ஒரு ஸ்லோகம் சொல்லி வணங்க அந்தக் கிணற்றிலேயே கங்கை ஐக்கியமானாளாம்.

இன்றைக்கும் கார்த்திகை அமாவாசையில் அந்தக் கிணற்றில் கங்கை பொங்கி வருவதாக ஐதீகம். அந்த நாள் தான் இன்று. 'கார்த்திகை அமாவாசை' இன்றும் கார்த்திகை மாச அமாவாசை தினத்தில் திருவிசைநல்லூரில் இருக்கும் ஐயாவாள் வீட்டுக் கிணற்றில் கங்கை வருவதாக நம்பிக்கை. அந்நாளில் வெளியூர்களிலிருந்து மக்கள் சென்று வழிபடுகின்றனர்.

எங்கப்பா சொல்வா, அவாத்து சிரார்தத்துக்கு மகாவிஷ்ணு இலைக்கு சாக்ஷாத் மகாவிஷ்ணுவே வந்தாராம். அவருடைய அப்பா நிழல் போல வந்து அமர்ந்தாராம். அவா வீட்டில் சிரார்த்தம் செவ்வனே நடந்தாதாம்

என்னே ஒரு மகா புருஷர்    

ayyasamy ram wrote:இது எந்த நூற்றாண்டில் நடந்த கதை...
-
கதை நல்லா இருக்கு...
-

காலம் 16ம் நூற்றாண்டு ராம் அண்ணா

http://www.tamilhindu.com/2010/12/thiruvisanallur-ganga-festival-for-social-justice/ இந்த லிங்க் ஐ பாருங்கள்

கார்த்திக்காக இந்த பதிவை மேலே கொண்டு வருகிறேன்

ayyasamy ram wrote:இப்படியாகப் பல அற்புதங்களை நடத்திவந்த
ஸ்ரீ ஸ்ரீதர வெங்கடேச அய்யாவாள் ஒரு நாள்
திருவிடைமருத்தூரில் இருந்த மத்யார்ஜுனசிவன்
ஆலயத்துக்குள் திடீர் என ஒருநாள் நுழைந்தார்.
-
யாரும் எதிர்பாராத நேரத்தில் கருவறைக்குள்
ஓடிச் சென்று சிவலிங்கத்தைக் கட்டிப் பிடித்து
அணைக்க அப்படியே அவர் அங்கேயே மறைந்து
விட்டாராம்.
-

மேற்கோள் செய்த பதிவு: 1035540

புண்ணிய ஆத்மா !