உனக்கு மட்டும் அரைபிளேடா ?

**M.Jagadeesan** · **M.Jagadeesan** Wed Jul 06, 2016 8:53 am

காகிதமும் பேனாவுமாகத் திரிந்த காதலன்
இப்போதெல்லாம்
கத்தியும் அருவாளுமாகத் திரிகிறான் !

முகநூலிலே தொடங்கிய காதல்
முழுமை பெறாவிட்டால்
முகத்திலே வெட்டு !

காதலிலே சமத்துவம் வேண்டாமா ?
அவளுக்கு மட்டும் அருவாள் வெட்டு
உனக்கு மட்டும் அரை பிளேடா ?

நியூட்டனின்
மூன்றாம் விதியை அறியாத
முட்டாள்கள்தான் இன்றைய காதலர்கள் !
எதிர்வினை இல்லாதபோது
எதற்கய்யா காதல் உனக்கு ?

மன்மதனின் ஆயுதம் இனிமேல்
மலரம்புகள் அல்ல !
" அருவாள் " என்பதை அறிந்திடுவீர் !

**T.N.Balasubramanian** · **T.N.Balasubramanian** Wed Jul 06, 2016 9:20 am

அறிவால் பெறவேண்டியதை
அரிவாளால் பெறமுடியுமா ?
அவசரத்தில் தவறு செய்தாலும் ,
அபசாரம் இல்லையென
திட்டமிட்டே வாதிட
சட்டத்தில் இடமுண்டாம் .
இட்டப்படி தீயவை செய்து
சட்டப்படி தப்பிப்போம் ,நிபுணர் தயவால் .

ரமணியன்