கோவை, மதுரை, நெல்லை, திருச்சிக்கு சிறப்பு ரயில்கள் இயக்கம்

சென்னை: சென்னையிலிருந்து கோவை, மதுரை, திருச்சி மற்றும் நெல்லைக்கு சிறப்பு ரயில்கள் அறிவிக்கப்பட்டுள்ளன.

இதுதொடர்பாக, தெற்கு ரயில்வே வெளியிட்டுள்ள அறிவிப்பு:

சென்னை - திருச்சி:

திருச்சியிலிருந்து சென்னை எழும்பூருக்கு ஜூலை 9 ம் தேதி சிறப்பு கட்டண ரயில் இயக்கப்படுகிறது. திருச்சியிலிருந்து 9 ம் தேதி மதியம் 3.35 மணிக்கு புறப்படும் இந்த ரயில் இரவு 9 மணிக்கு சென்னை வந்தடையும்.

சென்னை எழும்பூரிலிருந்து திருச்சிக்கு ஜூலை 13 ம் தேதி சிறப்பு ரயில் இயக்கப்படுகிறது. சென்னையிலிருந்து காலை 8.30 மணிக்கு புறப்படும் இந்த ரயில் மதியம் 2 மணிக்கு திருச்சி சென்றடையும்.

சென்னை - நெல்லை:

சென்னை எழும்பூரிலிருந்து நெல்லைக்கு ஜூலை 11 ம் தேதி சிறப்பு ரயில் இயக்கப்படுகிறது. சென்னையிலிருந்து இரவு 10.45 மணிக்கு புறப்படும் இந்த ரயில் மறுநாள் பகல் 12.30 மணிக்கு சென்றடையும்.

நெல்லையிலிருந்து சென்னை எழும்பூருக்கு ஜூலை 12 ம் தேதி சிறப்பு ரயில் இயக்கப்படுகிறது. நெல்லையிலிருந்து மாலை 5 மணிக்கு புறப்படும் இந்த ரயில் மறுநாள் காலை 5.20 மணிக்கு சென்னை வந்தடையும்.

சென்னை - மதுரை:

மதுரையிலிருந்து சென்னை எழும்பூருக்கு ஜூலை 15 ம் தேதி சிறப்பு ரயில் இயக்கப்படுகிறது. மதுரையிலிருந்து காலை 10 மணிக்கு புறப்படும் இந்த ரயில் மாலை 6.50 மணிக்கு சென்னை வந்தடையும்.

சென்னை எழும்பூரிலிருந்து மதுரைக்கு ஜூலை 18 ம் தேதி சிறப்பு ரயில் இயக்கப்படுகிறது. சென்னையிலிருந்து காலை 6.15 மணிக்கு புறப்படும் இந்த ரயில் மதியம் 3 மணிக்கு மதுரை சென்றடையும்.

சென்னை - கோவை:

கோவையிலிருந்து சென்னை சென்ட்ரலுக்கு ஜூலை 15 ம் தேதி சிறப்பு ரயில் இயக்கப்படுகிறது. கோவையிலிருந்து காலை 11 மணிக்கு புறப்படும் இந்த ரயில் 7.35 மணிக்கு சென்னை வந்தடையும்.

சென்னை சென்ட்ரலிருந்து கோவைக்கு ஜூலை 18 ம் தேதி சிறப்பு ரயில் இயக்கப்படுகிறது. சென்னையிலிருந்து காலை 9.30 மணிக்கு புறப்படும் இந்த ரயில் மாலை 6 மணிக்கு கோவை சென்றடையும்.

சிறப்பு கட்டண ரயில்களுக்கான முன்பதிவு நடைபெற்று வருவதாக தெற்கு ரயில்வே தெரிவித்துள்ளது.
-
தினமலர்