நிர்வாணக் குளியல்கள் நடக்கும் 5 கடற்கரைகள்

நாட்டின் 5 கடற்கரைகளில் நிர்வாணக் குளியல்கள் நடக்கின்றன இந்த இடங்களில் அவ்வப்போது போலீஸாரும் அதிரடியாகச் சென்று அவர்களை அள்ளிச் சென்று சிறையில் அடைப்பதும் நடக்கத்தான் செய்கிறதாம். இந்த கடற்கரைகளுக்குச் சென்று சுற்றிப் பார்க்க ஏராளமான கட்டுப்பாடுகள் உண்டு. இங்கு அனைவரையும் அனுமதிப்பது கிடையாது. இயற்கை விரும்பிகள், வெளிநாட்டு சுற்றுலாப் பயணிகள் மட்டுமே அனுமதிக்கப்படுகிறார்கள். அதற்கென நிறைய விதிமுறைகளும் இங்கு பின்பற்றப்படுகின்றன. இதுபோன்று நிர்வாணக் குளியல் நடைபெறும் 5 கடற்கரை ஸ்தலங்கள் எவை தெரியுமா?

1. அகத்தி தீவு கடற்கரை, லட்சத்தீவு

அடர்ந்த தென்னை மரங்களும் பனைமரங்களும் நிறைந்த ரம்மியமான கடற்கரை இது. மனதைக் கொள்ளை கொள்ளும் பவளப்பாறைகளும், ஆழம் குறைந்த கடற்பகுதியில் கண்ணாடி போன்ற தெள்ளிய நீர் நிறைந்த இந்தக் கடற்கரை சுற்றுலாப் பயணிகளின் சொர்க்க பூமியென்றால் மிகையாகாது. இங்கு அரை நிர்வாணக் குளியல் படு சகஜம். நிர்வாணக் குளியல் போடும் கும்பல்கள் அடிக்கடி இங்கு வந்து கும்மாளமடித்து செல்கின்றனர்.

2. ஓம் கடற்கரை, கோகர்ணா

இரண்டு மிகப்பெரிய நன்னீர் ஊற்றுகளும் அழகான செம்பவளப் பாறைகளும் நிறைந்த இடம் தான் ஓம் கடற்கரை. கர்நாடக மாநிலம் கோகர்ணாவில் உள்ள இந்தக் கடற்கரை, ஓம் என்ற எழுத்தின் வடிவத்தில் இருப்பதாலேயே இப்பெயர் வந்தது.

அரை நிர்வாணத்தில் சூரியக் குளியல் போடுபவர்களுக்கு சரியான இடமாகத் திகழ்கிறது. சுற்றுலாப் பயணிகள் குளிப்பதற்கு பெரிதாக ஆடைக்கட்டுப்பாடுகள் எதுவும் இல்லை. பார்க்க வரும் சுற்றுலாப் பயணிகளை, நிச்சயம் மெய்சிலிர்க்க வைக்கும் இதன் சுற்றுப்புறம் மக்களை எளிதாகக் கவர்கிறது.

3. பாரடைஸ் கடற்கரை, கோகர்ணா

இந்தக் கடற்கரையிலும் நிர்வாணமாகக் குளிப்பவர்கள் ஏராளம். நிர்வாணக் குளியல் பார்ட்டிகள் ரகசியமாக இதை அரங்கேற்றுகின்றனர். நிலப்பரப்பு வழியாக அவ்வளவு எளிதாக இந்த கடற்கரைப்பகுதிக்குச் செல்லமுடியாது. சிறுபடகுகளில்தான் செல்ல வேண்டும். அங்கு சுற்றுலாப் பயணிகளைக் கொண்டு செல்லும் படகோட்டிகளே கூச்சத்தில் கண்ணை மூடிக் கொள்ளும் அளவுக்கு நிர்வாணக் காட்சிகள் நிரம்பிவழியும் கடற்கரை தலமாம்!

பாரடைஸ் கடற்கரைப் பகுதியெங்கும் ஆடையின்றி மந்தகாசத்தில் சூரியக் குளியலை சுற்றுலாப் பயணிகள் அனுபவித்துக் கொண்டிருக்கும் காட்சிகள் படுசகஜமாம்.

4. மராரி கடற்கரை, கேரளா

அரைநிர்வாணமாக, சுதந்திரமாகச் சுற்றக்கூடிய மற்றொரு இடமாக மராரி கடற்கரை உள்ளது. கேரளாவில் ஆலப்புழாவில் உள்ள இந்த கடற்கரை பார்ப்பவர்களை பிரமிக்க வைக்கும் அழகுடையது. மக்கள் நடமாட்டம் உள்ள இடத்திலிருந்து இந்த கடற்கரை முற்றிலும் தனிமைப்படுத்தப்பட்டது. நிர்வாணமாகத் திரிந்தாலும் அப்பகுதியில் உள்ளவர்களுக்கு வெளியே தெரியாத அளவுக்கு, தள்ளியிருக்கும் பாதுகாப்பான பகுதி இது. அதனாலேயே சுற்றுலாப் பயணிகள் பலரும் இங்கு வருவதில் பெரும் ஆர்வம் காட்டுகிறார்கள்.

5. ஓஸ்ரன் கடற்கரை

கோவாவில் இப்படியொரு கடற்கரை பிரதேசம் இருப்பதே பெரும்பாலான சுற்றுலா பயணிகளுக்குத் தெரியாது. மிகவும் மறைமுகமான இடமாக இந்த ஒஸ்ரான் கடற்கரை இருந்து வருகிறது. கோவாவில் உள்ள மற்ற சுற்றுலாத் தலங்களிலிருந்து இந்த கடற்கரை வெகு தொலைவில் உள்ளது. பார்ப்பதற்கு அழகான, கண்ணாடி போன்ற நீர், தூய்மையான மணல், மக்கள் கூட்டமில்லாத சுதந்திரமான இடம், சுற்றிலும் தென்னை மரங்கள் என அந்த இடத்தின் கவர்ச்சி பார்ப்பவர்களை நிச்சயம் மெய் மறந்திடச் செய்யும்.
-
தினமணி

தகவலுக்கு நன்றி

நிர்வாகம் அதிர்ந்த நிர்வாணம், நிவாரணம் வேண்டுமோ

எவ்வளவு பெரிய சேதிய சொல்லியிருக்கிறார்... அவரை பாராட்டாம நன்றி அய்யா

நிவாரணமா ?
இது ஒரு தகவல் என்றமுறையில் வரம்பை மீறாமல் அழகாக அமைந்தச்செய்திக்கு பாராட்டுக்கள் ?

இங்கே மன்மத ரகசியம் இருக்கும்போதும் இது தவறில்லையே !

இடுப்பில் ஆடையின்றி குளிப்பது கூடாது. என்று கூறுகின்றார்ள். வீடுகளில் பாத்லூமில் கதவை மூடி குளித்தால் கூட இடுப்பில் ஓர் சிறிய ஆடை உடுத்தி தான் குளிக்க வேண்டும். பெறும்பாலும் >>>>>>>>>>>>
கடற்கரையில் மறைவான இடத்தில் ஆடையின்றி குளிப்பதும் ரூமில் குளிப்பது போன்றதே கூடாதுதான். தற்போது நம் சுதந்திர நாட்ல எதை செய்யனும் எதை செய்யக்கூடாதுன்னு தெராயாம செய்யல தெரிந்தேதான் செய்ராங்கன்னா பாத்துக்கிங்ள>>>