1962ம் ஆண்டு போர் மனநிலையிலேயே இந்தியா உள்ளது: சீனா குற்றச்சாட்டு

புதுடில்லி,
:'கடந்த, 1962ல் நடந்த, இந்தியா - சீனா போர் மனநிலையிலேயே
இந்தியா தற்போதும் உள்ளது' என, சீனா குற்றம் சாட்டியுள்ளது.

என்.எஸ்.ஜி., எனப்படும், 48 நாடுகள் உறுப்பினராக உள்ள
அணுசக்தி வினியோக நாடுகள் குழுமத்தில் இணைவதற்கு
இந்தியா விண்ணப்பித்திருந்தது; இதற்கு, சீனா கடும் எதிர்ப்பு
தெரிவித்தது. இதற்கு, இந்தியா தரப்பில் அதிருப்தி
தெரிவிக்கப்பட்டது.
-
தோல்வியில் முடிந்ததால்...இந்நிலையில், இதுகுறித்து சீன அரசின்
பத்திரிகையான, 'குளோபல் டைம்ஸ்' பத்திரிகை வெளியிட்டுள்ள
கட்டுரையில் கூறப்பட்டுள்ளதாவது:
என்.எஸ்.ஜி.,யில் சேருவதற்கான முயற்சி தோல்வியில் முடிந்ததால்,
இந்தியா விரக்தியில்உள்ளது. இந்திய அரசு மட்டுமல்லாமல், இந்திய
பத்திரிகைகளும், சீனாவை கடுமையாக விமர்சிக்கின்றன.

சீனா தான், இந்தியாவின் முயற்சியை தடுத்து நிறுத்தியதாக
கூறுகின்றனர். என்.பி.டி., எனப்படும், அணு ஆயுதப் பரவல் தடைச்
சட்டத்தில் கையெழுத்திடாத நாடுகளை, என்.எஸ்.ஜி.,யில்
உறுப்பினராக சேர்ப்பதற்கு, பல்வேறு நாடுகளும் எதிர்ப்பு தெரிவித்தன.

ஆனால், சீனா தான் எதிர்ப்பு தெரிவித்து வருவதாக, விரோதப்போக்குடன்
இந்தப் பிரச்னையை இந்தியா பார்க்கிறது. உண்மை நிலையை புரிந்துக்
கொள்ளும் மனநிலையில் இந்திய அரசு இல்லை.

அரசியல் கண்ணோட்டம்கடந்த, 1962ல் நடந்த, இந்தியா - சீனா போர்
மனநிலையிலேயே இந்தியா இன்றும் உள்ளது. அரசியல் காரணங்களுக்காக
நடந்த போர் நிலைமையில் இருந்து இந்தியா விடுபட வேண்டும்.

இந்தியா உள்ளிட்ட நாடுகளை அரசியல் கண்ணோட்டத்துடன் மட்டும் சீனா
பார்ப்பதில்லை. பொருளாதார, வர்த்தக ரீதியிலும் பார்க்கிறது.
'இந்தியா வளர்ந்து விடக் கூடாது' என்று சீனா நினைப்பதாக, ஒரு தவறான
கண்ணோட்டம் உள்ளது.இவ்வாறு அந்த கட்டுரையில் கூறப்பட்டுள்ளது.
-
-------------------------------
தினமலர்