உன் அன்பிற்கும் ஈடாக…

**ayyasamy ram** · **ayyasamy ram** Sat Jul 02, 2016 11:27 pm

என்றைக்குத் தந்திருக்கிறேன் உனக்கு
ஒரு கோப்பை அதிகாலைத் தேநீர்?
ஆனால் விதவிதமாய் வாங்கி வருவேன்
பீங்கான் கோப்பைகள்
–
எப்போதிருந்திருக்கிறது அவகாசம்
குழந்தைக்கு கையசைத்துப்
பள்ளிக்கனுப்ப?
–
பிட்ஸாவும் ஐஸ்கிரீமும் கொடுத்து விடுமா
என் கையசைப்பின் மகிழ்ச்சி
புரிதலுடன் நீ விட்டுக்கொடுத்த
இரவுகளின் பரிவால்
நிரம்பியிருக்கிறது
என் வாசிப்பும் எழுத்தும்
–
உன் புரிதலுக்கும்
அள்ளிக்கொடுக்கும் அன்பிற்கும் ஈடாக
வேறென்ன செய்துவிட முடியும் நான்
இந்த 17 வரிக் கவிதையைத் தவிர?
–
———————————
-தாரா கணேசன்
ஒளிரும் நீறுற்று – கவிதை தொகுப்பிலிருந்து