தாயைத் தேடி ....

by **M.Jagadeesan** Wed Jun 29, 2016 5:43 pm

ஒரு முனிவர் காட்டுவழியே சென்றுகொண்டிருந்தார் . அப்போது ஒரு குடிசையின் முன்னே ஒரு பெண் அழுதுகொண்டு இருந்தாள். அவளைப் பார்த்த முனிவர் ,

" ஏனம்மா ! அழுதுகொண்டு இருக்கிறாய் ? " என்று கேட்டார்.

" ஐயா ! என் பாட்டி இறந்துவிட்டார்கள் ! அதுதான் அழுதுகொண்டு இருக்கிறேன் ! " என்று சொன்னாள் .

உடனே முனிவர் ,

" உன் பாட்டி இறக்கவில்லையம்மா ! அவள் , அவளுடைய அம்மாவைத் தேடிச் சென்றிருக்கிறாள் . நாளைக்கு உன்னுடைய அம்மா , அவளுடைய அம்மாவைத் தேடிச் சொல்லுவாள் ; மறுநாள் நீ உன்னுடைய அம்மாவைத் தேடிச் செல்வாய் ! இதுதான் உலக இயற்கை . இந்த உலகத்துக்கு பல பெருமைகள் இருந்தாலும் , சிறப்பான ஒரு பெருமை உண்டு . அது என்ன தெரியுமா ? நேற்று இருந்தவன் இன்று இல்லை என்பதுதான் .

எனக்குத்தாய் ஆகியாள் என்னைஈங் கிட்டுத்
தனக்குத்தாய் நாடியே சென்றாள் - தனக்குத்தாய்
ஆகியவளும் அதுவானாள் தாய் தாய்க்கொண்டு
ஏகும் அளித்திவ் வுலகு .

நாலடியார் .