ஆனாலும் உன் தாகம் தணியவில்லை...!

**ayyasamy ram** · **ayyasamy ram** Tue Jun 21, 2016 8:51 am

-

ஆனாலும் உன் தாகம் தணியவில்லை...! Fs412AQxTZiNA4Sgrp6R+itsunami_CI

-
ஆழிப்பேரலையே நீ தாகத்தை தீர்க்க தரையை தொட்டாய்
மணல் பரப்பானது
கடல் பரப்பை தொட்டாய்
பவளப் பாறையானது
-
முழு நிலவன்று மூழ்கி முத்துச் சிப்பியானாய்
ஆகாயத்தை தொட ஆர்ப்பரித்து நீர்துளியால் கோலம் போட்டாய்
உன் தாகம் தீரவில்லை
நுரைத்து நுரைத்து மேலெழுந்து காற்றோடு கரைந்தாய்
-
தாகம் தீருமென்று
நிறம் மாறாமல் இரவும் பகலும் பாராமல் கரையை
தொட நினைத்தாய்
காண்போற் கண்ணுக்கு கண்கொள்ளா காட்சினாய்
-
காலோடு கரையை தொட்டாய்
காற்றலையோடு நீரலையாய் கரையை தொட தவழ்ந்து வந்தாய்
முக்கடலில் நன் நீரோடு கலந்தாய் உவர் நீரானாய்
உன் தாகம் தணியும் என்று
-
ஓயாமல் ஒலித்துக் கொண்டே இருந்தாய்
ஆழ் கடலில் இருந்து ஆரவாரமாக பயணித்தாய்
ஆதவனின் பார்வையில் மேகமாய் மாறி மழையானாய்
ஆனாலும் உன் தாகம் தணியவில்லை
-
---------------------------------------
மா.செந்தில்வேலன்
- கவிதைமணி