பெங்களூருவில் போஸ்டர், கட்அவுட்களுக்கு தடை

**ayyasamy ram** · **ayyasamy ram** Wed Jun 22, 2016 9:33 pm

பெங்களூர் :
பெங்களூருவில் போஸ்டர்கள் ஒட்டவும்,
கட் அவுட்கள் வைக்கவும் மாநகராட்சி தடை விதித்துள்ளது.

பெங்களூரு மாநகராட்சியால் அமைக்கப்பட்ட அதிரடிப்படை
இதுவரை விளம்பரங்கள் ஒட்டப்பட்ட பகுதிகளை
கணக்கெடுக்கும் வேலையை மட்டுமே செய்துவந்தது.
இனிமேல் சம்மந்தப்பட்டவர்கள் மீது வழக்கு பதிவு செய்து
சிறையில் தள்ள அப்படைக்கு அதிகாரம் வழங்கப்பட்டுள்ளது.

1981ம் ஆண்டு கர்நாடக திறந்த வெளி சிதைவு' சட்டத்தின்
கீழ் இந்த அதிரடி படையினர் வழக்கை பதிவு செய்ய அதிகாரம்
வழங்கப்பட்டுள்ளது. நகர போலீஸ் கமிஷனர் தலைமையில்
இதற்கான செயல்திட்டம் வகுக்கப்பட்டது.

இன்று முதல் இந்த படை நகர தெருக்களில் ஒட்டப்பட்டுள்ள
போஸ்டர்கள் மற்றும் கட்அவுட் வைத்திருப்போர் பற்றிய
விபரங்களை சேகரிக்க துவங்கி உள்ளது.

பொது விளம்பரமோ அல்லது சினிமா தியேட்டர் விளம்பரமோ
எதுவாக இருந்தாலும் சுவற்றிலோ, மரத்திலோ ஒட்டியிருப்பதை
போஸ்டர் ஒட்டினால் கைது செய்யப்பட்டு, 2 ஆண்டு வரை சிறை
தண்டனை விதிக்கப்பட உள்ளது.

அதேநேரம், அரசியல் தலைவர்களின் போஸ்டர், கட்-அவுட்
வைத்துக் கொள்வதற்கு நகரில் குறிப்பிட்ட ஒரு பத்து இடங்களை
ஒதுக்கித்தரும்படி மாநகராட்சியிடம் கமிஷனர் கேட்டுக்
கொண்டுள்ளார்.

அந்த இடங்கள் எவை, எவை என்பது விரைவில் அறிவிக்கப்படும்
என தெரிவிக்கப்பட்டுள்ளது.

போஸ்டர்களை அகற்றும் பறக்கும்படைக்கு 20 ரிசர்வ் போலீசார்
பாதுகாப்பு வழங்க உள்ளனர்.
தேவைப்பட்டால் லோக்கல் காவல் நிலையத்தின் உதவியையும்
இந்த படை கேட்டு பெற முடியும்.
-
----------------------------------
தினமலர்

**krishnaamma** · **krishnaamma** Thu Jun 23, 2016 12:40 am

தமிழ் நாட்டிலும் இதுபோல வருமா? புன்னகை

சிவனாசான் · சிவனாசான் Fri Jun 24, 2016 8:16 pm

முதல்ல அதைத்தயாரிக்கிறவர்களுக்கு கட்டுப்பாடு சட்டம் கொண்டு வரனும். அவர்களுக்கு உரிமை கொடுத்துவிட்டு அதை வைக்க வைப்பவர்களை வைக்க தடை செய்தால் எப்படிங்க. பிலாஸ்டிக் தயாரிக்க அனுமதிகொடுத்துவிட்டு குறைவான மைக்ரான் அளவு தயாரிக்கிறார்கள். சட்டத்தை மதிக்கல அவனை தடை செய்வதை விட்டு விட்டு மக்கிடம் பயன்படுத்தாதே என்றால் யார் கேட்கிறார்கள்>>> அதுபோலத்தான் இதுவும்>>>>>>>>>>>>>>>எல்லாம் சுயநல வாதிகள் அதிகரிப்பே எனலாம். படை சேர்ந்தால் சட்டையே வலைத்து விலைக்கு வாங்கிடும் காலமாச்சே .அரசும் அதற்குத்தானே ( ஓட்டு)பயப்படுகிறது. சட்டம் ,நீதி, விதி ,ஆணை எல்லாம் வெறும் ஏட்டளவே>>>>>என்னங்க நிர்வாகம் இது>>>>>>>>>

**krishnaamma** · **krishnaamma** Mon Jun 27, 2016 12:48 am

P.S.T.Rajan wrote:முதல்ல அதைத்தயாரிக்கிறவர்களுக்கு கட்டுப்பாடு சட்டம் கொண்டு வரனும். அவர்களுக்கு உரிமை கொடுத்துவிட்டு அதை வைக்க வைப்பவர்களை வைக்க தடை செய்தால் எப்படிங்க. பிலாஸ்டிக் தயாரிக்க அனுமதிகொடுத்துவிட்டு குறைவான மைக்ரான் அளவு தயாரிக்கிறார்கள். சட்டத்தை மதிக்கல அவனை தடை செய்வதை விட்டு விட்டு மக்கிடம் பயன்படுத்தாதே என்றால் யார் கேட்கிறார்கள்>>> அதுபோலத்தான் இதுவும்>>>>>>>>>>>>>>>எல்லாம் சுயநல வாதிகள் அதிகரிப்பே எனலாம். படை சேர்ந்தால் சட்டையே வலைத்து விலைக்கு வாங்கிடும் காலமாச்சே .அரசும் அதற்குத்தானே ( ஓட்டு)பயப்படுகிறது. சட்டம் ,நீதி, விதி ,ஆணை எல்லாம் வெறும் ஏட்டளவே>>>>>என்னங்க நிர்வாகம் இது>>>>>>>>>

மேற்கோள் செய்த பதிவு: 1212483

நம் நாடு வழக்கமே இது தானே அண்ணா, 'எரிவதை பிடுங்கினால் கொதிப்பது அடங்கும்' என்று தெரியாதது போல நடப்பார்கள்........'பிள்ளையும் கிள்ளி விட்டு தொட்டிலும் ஆட்டுவார்கள்'.............. கோபம்