உப்பின் மற்ற உபயோகங்கள் !

**krishnaamma** · **krishnaamma** Tue Jun 21, 2016 10:27 pm

*ஒரு டம்ளர் தண்ணீரில் நான்கு ஸ்பூன் டேபிள் உப்பு கலந்து அதை அறையின் நான்கு பக்க ஓரங்களில் தெளித்துவிட்டால் எறும்பு நடமாட்டம் இருக்காது.

*வெண்ணெயில் உப்பைத் தூவி விட்டால் அது நாட்பட்டாலும் கெடாமல் இருக்கும்.

*வெயில் காலத்தில் எங்கு நோக்கினும் ஈக்கள் மொய்த்துக் கொண்டிருக்கும். வீட்டைக் கழுவும் போது நீரில் சிறிது உப்பைச் சேர்த்துப் பின்பு கழுவுங்கள்.காய்ந்த பின் அறையில் ஈக்கள் வராது.

*காய்கறி மற்றும் பழங்களை சிறிதளவு உப்பு கலந்த குளிர்ந்த நீரில் ஒரு சில நிமிடங்கள் போட்டு வைத்தால் கிருமிகள் இறந்து விடும்.

*பூண்டு, வெங்காயம் போன்றவைகளை நறுக்குவதால் கத்தியில் ஏற்படும் துர்நாற்றத்தை போக்க, சிறிதளவு உப்பை கத்தியில் தடவி குளிர்ந்த நீரில் அலம்பவும்.

*தேங்காய் மூடி தண்ணீரில் வைத்தால் அல்லது முடியில் சிறிது உப்பை தடவி வைத்தால் கெடாமல் இருக்கும்.

*உப்புக் கரைந்த குளிர்ந்த நீரில் ரத்தக்கறை பட்ட துணிகளைக் கொஞ்ச நேரம் ஊறவைத்து பின் எடுத்துச் சுத்தம் செய்யுங்கள். கறை போய்விடும்.

*வெள்ளைத்துணி பளிச்சிட வெள்ளைத் துணிகளைத் துவைக்கும் போது தண்ணீரில் சிறிது டேபிள் சால்ட் சேர்த்துக் கொண்டால் துணிகள் வெள்ளை வெளேர் என்று இருக்கும்.

*பச்சை வெங்காயம் சாப்பிட்ட நாற்றத்தை போக்க உப்பு கலந்த நீரில் வெங்காயத்தை ஊற வைத்து எடுத்து சாப்பிட்டால் காரம், நாற்றம் இருக்காது.

சிவனாசான் · சிவனாசான் Wed Jun 22, 2016 4:10 pm

உப்பில்லா உணவுப்பண்டம் சுவை இருக்காது .எனவே எல்லாவற்றிற்கும் சுவையாய் சுவைக்க உப்பு>>>>>

இந்த பதிவைத் துவங்கியவர் நன்றி கூறியுள்ளார் சிவனாசான்

**ஜாஹீதாபானு** · **ஜாஹீதாபானு** Wed Jun 22, 2016 5:02 pm

நல்ல தகவல் பகிர்வுக்கு நன்றிமா புன்னகை

**krishnaamma** · **krishnaamma** Thu Jun 23, 2016 12:31 am

நன்றி ராஜன் அண்ணா, நன்றி பானு புன்னகை

**M.Jagadeesan** · **M.Jagadeesan** Fri Jun 24, 2016 1:06 pm

உப்பு குறைந்தாலும் , அதிகமாக இருந்தாலும் சாப்பிட முடியாது . அளவோடு இருந்தால்தான் சாப்பிடமுடியும் .
உப்பு கொஞ்சம் தூக்கலாக இருந்தால் , அந்த உணவை குப்பையில்தான் காட்டவேண்டும் .

உப்பில்லா பண்டம் குப்பையிலே என்பது பழமொழி . அதேபோல
உப்பு அதிகமாக இருந்தாலும் , அந்தப் பண்டம் குப்பையில்தான் .

வாழ்க்கையில் கணவன் , மனைவிக்கிடையே பொய்க்கோபம் இருக்கலாம் . ஆனால் அது அளவோடு இருக்கவேண்டும் . கொஞ்சம் அதிகமாகிப் போனாலும் , வாழ்க்கையில் நிரந்தரப் பிரிவுதான் .

உப்பமைந் தற்றாள் புலவி அதுசிறிது
மிக்கற்றால் நீல விடல்.

பொருள் : புலவி அதாவது பொய்க்கோபம் என்பது உணவுக்கு அளவாகப் போடும் உப்புப் போன்றது . அது கொஞ்சம் அதிகமாகிப் போனாலும் , உணவில் உப்பு அதிகமாதல் போலவே , வாழ்க்கையை சுவையற்றதாக்கும் .

**krishnaamma** · **krishnaamma** Fri Jun 24, 2016 1:57 pm

பகிர்வுக்கு மிக நன்றி ஐயா ! ....நிறைய குறள்கள் தெரிந்து கொள்கிறேன் உங்களால் புன்னகை

................. உப்பின் மற்ற உபயோகங்கள் ! 3838410834

Sponsored content · Sponsored content

உப்பின் மற்ற உபயோகங்கள் !

உப்பின் மற்ற உபயோகங்கள் !

Re: உப்பின் மற்ற உபயோகங்கள் !

Re: உப்பின் மற்ற உபயோகங்கள் !

Re: உப்பின் மற்ற உபயோகங்கள் !

Re: உப்பின் மற்ற உபயோகங்கள் !

Re: உப்பின் மற்ற உபயோகங்கள் !

Re: உப்பின் மற்ற உபயோகங்கள் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக