மின் கம்பியில் கை வைத்தால் யார் ஆட்சியில் "ஷாக்' அடிக்கும்?:பேரவையில் ருசிகர விவாதம்

அதிமுக - திமுக யாருடைய ஆட்சியில் மின் கம்பியைத் தொட்டால் ஷாக் அடிக்கும் என்பது தொடர்பாக பேரவையில் திங்கள்கிழமை ருசிகர விவாதம் நடைபெற்றது.

ஆளுநர் உரை மீதான விவாதத்தில் திமுக உறுப்பினர்
மா.சுப்பிரமணியன் பேசும்போது, 500 மதுக்கடைகள் மூடப்பட்டதாகச்
செய்தி வந்துள்ளது. சென்னைக்குள் மூடப்பட்ட மதுக் கடைகள்
தொடர்பாக விசாரித்தேன்.

ஒரு கடை மின்சாரம் இல்லாததால் மெழுகுவர்த்தி வைத்து விற்க
வேண்டிய நிலை. அதனால் அந்தக் கடையை மூடியுள்ளனர். மற்றொரு
கடையில் கடை உரிமையாளருக்கும் நிர்வாகத்துக்கும் பிரச்னை.

இதனால் அந்தக் கடை மூடப்பட்டுள்ளது. மது விற்பனையைக் குறைக்க
வேண்டும் என்பதற்காக மதுக் கடைகளை மூட வலியுறுத்துகிறோம்.
ஆனால் மது விற்காத கடைகளாகப் பார்த்து மூடுவதால் பயன் எதுவும்
இல்லை என்றார்.

அப்போது மதுவிலக்குத் துறை அமைச்சர் தங்கமணி குறுக்கிட்டுப் பேசியது:

மதுக்கடைகள் மூடப்பட்டிருப்பதை மக்கள் வரவேற்றுள்ளனர்.
திருச்சியில் மூடப்பட்ட ஒரு மதுக்கடை முன்பு பூஜையே நடத்தியுள்ளனர்.
900 மெகாவாட் மின்சாரத்தை வேறு மாநிலத்துக்கு விற்கச் சொல்லும்
அளவுக்கு தமிழகம் மின் மிகை மாநிலமாக உள்ளது.
தமிழகத்தில் மின் பாதிப்பு என்ற பேச்சுக்கே இடமில்லை.

மா.சுப்பிரமணியன்: அந்தக் கடை மூடப்பட்டு ஒரு நாள்தான் ஆகிறது.
அந்தக் கடையில் "கரன்ட்' இருக்கிறதா? இல்லையா? என்பதை அமைச்சர்
"கரன்ட்'டில் கை வைத்துப் பார்த்தால் தெரிந்துவிடும்.

அமைச்சர் தங்கமணி:
திமுக ஆட்சியில் வேண்டுமானால் "கரன்ட்'டில் கை வைத்தால் ஒன்றும் ஆகாது.
எங்கள் ஆட்சியில் "கரன்ட்'டில் கை வைத்தால் உயிருக்கு ஆபத்தாக முடியும்.

மா.சுப்பிரமணியன்:
"கரன்ட்'டில் கை வைத்தால் எல்லா ஆட்சியிலும் ஷாக் அடிக்கத்தான் செய்யும்.
தமிழகத்தில் உள்ள 285 வட்டாட்சியர் அலுவலகங்கள் உள்ளன.

இந்த இடங்களில் போதை மறுவாழ்வு மையங்களை ஏற்படுத்த வேண்டும் என்றார்
அவர்.
-
---------------------------------------
தினமணி

நல்ல விவாதம் தான்

நல்ல  கருத்து @ உரையாடல் பரிமாற்றம். யாருக்கும் யாரும்  சளைத்தவரல்லவே>>>>>>>>